Wazee Dodoma wataka Gereji kuondolewa katikati ya jiji

By Halmashauri ya Jiji la Dodoma

Na. Mwandishi wetu, DODOMA

 

Wazee na Wadau wa Maendeleo Dodoma wameitaka Halmashauri ya Jiji kutenga maeneo maalumu kwa ajili ya magereji na kuhamisha shughuli hizo kutoka katikati ya jiji, wakisema hatua hiyo itapunguza msongamano, kuimarisha usalama na kuboresha mandhari.

 


Wito huo umetolewa katika kikao kilichofanyika katika ukumbi wa mikutano wa Jiji la Dodoma, kilichoongozwa na Mstahiki Meya na kuwashirikisha wazee, wafanyabiashara na wadau mbalimbali wa maendeleo.

Akizungumza katika kikao hicho, Makamu Mwenyekiti wa Umoja wa Gereji Tanzania, Richard Daud alisema kuwa kuendelea kuwepo kwa gereji katika maeneo ya makazi na katikati ya jiji kunaweza kuhatarisha usalama wa wananchi, kuongeza msongamano na kuchangia uchafuzi wa mazingira.

 

Alisema kuwa ni muhimu Jiji kutenga maeneo maalumu yatakayokusanya pamoja magereji na biashara zinazohusiana na huduma za magari, ili wafanyabiashara wapate maeneo rasmi ya kuendeshea shughuli zao.

 


“Gereji zimesongamana mjini kiasi ambacho haifai kabisa. Kila mahali mtu anafungua gereji. Tunamuomba Meya aondoe magereji yote hapo mjini, kusiwe na magereji. Wananchi wawe wanakuja kupata huduma za magari nje ya mji, jambo ambalo litasaidia kupanga matumizi ya ardhi ndani ya jiji,” alisema Daudi.

 

Kwa upande wake, Mstahiki Meya wa Jiji la Dodoma, Alimwoni Chaula, alisema kuwa kikao hicho kililenga kupata maoni ya wazee na wafanyabiashara kuhusu mambo ambayo Jiji linaweza kuyaboresha ili kurahisisha maisha ya wakazi.

 

Alisema kuwa wazee wamepewa nafasi ya kwanza kutokana na uzoefu wao wa muda mrefu wa kuishi Dodoma, huku baadhi yao wakiwa wameishi jijini humo kwa zaidi ya miaka 40 na 50.

 

“Tunataka tupate uzoefu kwanza ya wale watu waliokaa Dodoma na wanaoijua Dodoma yao, ili sasa mbeleni ukija kukaa na vijana au kundi la watu wa kati, unakuwa umejua kutoka kwenye experience ya wazee,” alisema Chaula.

 


Nae, Mjumbe wa Baraza la Biashara la Mkoa wa Dodoma, Faustin Makalinga alisema kuwa kikao kilichoongozwa na Meya wa Jiji la Dodoma, kimekuwa na mafanikio makubwa baada ya washiriki kutoa mawazo na mapendekezo ya namna ya kuendeleza jiji hilo.

 

“Kikao kimekuwa na mafanikio mazuri sana kwa sababu watu wametoa michango ya kujenga, hasa kwa kuwa watendaji wa Serikali walikuwepo. Tunaamini maoni na mawazo yote yaliyotolewa yatafanyiwa kazi na Ofisi ya Jiji la Dodoma chini ya uongozi wa Mstahiki Meya,” alisema Mwakalinga.

MWISHO

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more