CHMT Jiji la Dodoma yakutana na waganga wafawidhi wa vituo vya afya vya serikali na binafsi kujadili utekelezaji Bima ya Afya kwa Wote

By Halmashauri ya Jiji la Dodoma

Na. Mwandishi wetu, DODOMA

Kamati ya Afya ya Halmashauri ya Jiji la Dodoma (CHMT) imekutana na waganga wafawidhi wa vituo vya kutolea huduma za afya vya serikali na binafsi pamoja na makatibu wa afya wa Jiji la Dodoma, kwa lengo la kujenga uelewa wa pamoja kuhusu utekelezaji wa mpango wa Bima ya Afya kwa Wote.



Akizungumza wakati wa ufunguzi wa kikao hicho kilichofanyika katika ukumbi wa halmashauri Mganga Mkuu wa Jiji la Dodoma, Dkt. Sebastiani Pima alisema kuwa Tanzania imeanza kutekeleza mpango huo kwa awamu. Awamu ya kwanza ilihusisha usajili wa kaya zisizo na uwezo na makundi maalumu, huku awamu ya pili ikijumuisha usajili wa kaya hizo pamoja na wananchi wengine kupitia vifurushi mbalimbali ya bima ya afya.

Dkt. Pima alisema kuwa lengo ni kuhakikisha wananchi wote wanapata huduma za afya kupitia bima katika vituo vya serikali na binafsi, akisisitiza kuwa hakuna mwananchi anayepaswa kuachwa nyuma. Aliongeza kuwa kikao hicho kinalenga kutoa elimu kuhusu mifumo ya utekelezaji, taratibu za usajili wa wanachama na namna ya kuwahudumia wanapofika katika vituo vya afya.

Aidha, aliwataka watoa huduma, hususan vituo binafsi, kutumia kikao hicho kuuliza maswali na kutoa maoni kuhusu changamoto za utekelezaji, ikiwemo matumizi ya mifumo ya kidijitali, ili kuhakikisha mwanachama mwenye bima hapati vikwazo anapohitaji huduma za afya.



Vilevile, Dkt. Pima aliwataka waganga wafawidhi na watumishi wa vituo vya afya kuwa mabalozi wa mpango huo kwa kutoa elimu kwa wananchi kuhusu umuhimu wa bima ya afya, namna ya kujisajili mtandaoni na kuwasaidia pale wanapohitaji msaada wa usajili, akisisitiza kuwa maendeleo hayawezi kupatikana bila wananchi kuwa na afya bora.

Akizungumza kwa niaba ya waganga wafawidhi, Dkt. Ngoyeji Nkinga, Mganga Mfawidhi wa Zahanati ya Kiwanja cha Ndege, alisisitiza umuhimu wa ushirikiano kati ya vituo vya serikali na binafsi katika kufanikisha mpango huo, ili kuhakikisha kila mwananchi anapata huduma kwa wakati na kwa utaratibu unaotakiwa.







Comments

Post a Comment

Popular Posts

Mfumo wa NeST warahisisha utiaji saini mkataba wa HOTSAC, Dodoma

By Halmashauri ya Jiji la Dodoma
Image
Na. Mwandishi wetu, DODOMA Mfumo wa kielektroniki wa Manunuzi ya Umma (NeST) umerahisisha utiaji saini wa mkataba wa upembuzi yakinifu na uandaaji wa Mpango Kabambe wa Mji wa Kisasa wa Hombolo (HOTSAC), jijini Dodoma. Akizungumzia zoezi la kusaini kidigitali mkataba huo, Mkuu wa Kitengo cha Manunuzi na Ugavi, Vincent Odero alisema kuwa mfumo huo umewezesha mchakato mzima kufanyika kwa uwazi, haki na bila upendeleo. Alisema kuwa mchakato wa kumpata mtaalamu mshauri ulifanyika kupitia mfumo wa NeST, kuanzia hatua ya kutangaza zabuni, kufanya tathmini, majadiliano, upekuzi wa mkataba kwa Mwanasheria mkuu wa serikali hadi kukamilisha na kusaini mkataba. Alieleza kuwa mtaalamu mshauri aliyepatikana ni kampuni ya heerim architects & planners kutoka Korea Kusini, kwa kushirikiana na kampuni ya ndani Arm City Consultants itakayotekeleza majukumu kama Mshauri msaidizi. Aliongeza kuwa mkataba unahifadhiwa ndani ya mfumo wa NeST, hivyo kurahisisha upatikanaji wake wakati wowote unapohitajika,...
Read more

KATA YA CHAMWINO YATEKELEZA AGIZO LA USAFI WA MAZINGIRA

By Halmashauri ya Jiji la Dodoma
Image
Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...
Read more

Shilingi 8,318,810,005 zatolewa kuboresha sekta ya Elimu Dodoma

By Halmashauri ya Jiji la Dodoma
Na. Dennis Gondwe, DODOMA WILAYA ya Dodoma imepokea shilingi 8,318,810,005 kwa ajili ya kuboresha sekta ya elimu zikihusisha elimu bila malipo na ujenzi wa miundombinu ya elimu kwa ajili ya kuboresha mazingira ya kufundishia na kujifunzia. Kauli hiyo ilitolewa na Katibu Tawala Wilaya ya Dodoma, Sakina Mbugi alipokuwa akisoma Risala ya Utii kwa Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan wakati wa Mbio za Mwenge wa Uhuru Wilaya ya Dodoma katika uwanja wa Shule ya Msingi Kizota jijini Dodoma. Alisema kuwa katika kipindi cha Julai, 2025 hadi Aprili, 2026 Wilaya ya Dodoma ilipokea shilingi 8,318,810,005 kwa ajili ya kuboresha sekta ya elimu. Alisema kuwa kati ya fedha hizo, shilingi 3,777,397,654 ni kwa ajili ya elimu bila malipo kwa shule za Awali, Msingi na Sekondari na shilingi   4,541,412,351 kwa ajili ya ujenzi wa miundombinu. ” Mheshimiwa Rais , k wa Kuboresha mazingira ya kujifunzia na kufundishia, ufaulu umepanda katika shule za msingi k...
Read more