Diwani Iyumbu apongezwa usimamizi miradi

By Halmashauri ya Jiji la Dodoma

Na. Dennis Gondwe, IYUMBU

DIWANI wa Kata ya Iyumbu amepongezwa kwa kusimamia miradi ya maendeleo na kutakiwa kuendelea kutoa ushirikiano kwa wataalam wa kata hiyo ili kukamilisha miradi kwa wakati ili iweze kutoa huduma kwa wananchi.


Pongezi hizo zilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko alipoongoza Timu ya Menejimenti ya Halmashauri ya Jiji kutembelea na kukagua ukamilishaji wa madarasa mawili, maabara tatu, jengo la utawala na matundu nane ya vyoo katika Shule ya Sekondari Iyumbu.

“Mheshimiwa Diwani ninakupongeza kwa kusimamia vizuri miradi katika Kata ya Iyumbu. Kwa umoja huu kata inakwenda kubadilika kimaendeleo, wape ushirikiano wataalam katika kata ili kuharakisha utekelezaji wa miradi ya maendeleo. Kwa nafasi yako upo katika wakati mzuri zaidi kuhamasisha wananchi kujitolea kushiriki shughuli za maendeleo na nguvu kazi” alisema Dkt. Sagamiko.

Kwa upande wake Diwani wa Kata ya Iyumbu, Sadick Mpondamali aliishukuru halmashauri kwa kutoa fedha za utekelezaji wa miradi ya maendeleo na kuahidi kusimamia vizuri matumizi ya fedha hizo.

Mkuu wa Kitengo cha Manunuzi na Ugavi, Halmashauri ya Jiji la Dodoma, Vincent Odero alisema kuwa kwa mujibu wa mpango kazi wa utekelezaji wa mradi, vifaa vinatakiwa kuwa eneo la mradi angalau siku saba kabla ya kazi husika ili kutokusababisha mkwamo wa kazi.

Awali akiikaribisha Timu ya Menejimenti ya Halmashauri ya Jiji la Dodoma, Kaimu Mkuu wa Divisheni ya Elimu Sekondari, Mwl. Fredrick Mwakisambwe aliwataarifu kuwa shule hiyo ilipokea shilingi 168,000,000 kwa ajili ya ukamilishaji wa madarasa mawili, maabara tatu, matundu nane ya vyoo na jengo la utawala fedha kutoka mapato ya ndani ya halmashauri.





MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more