Lishe bora yajengewa hamasa kupitia Samia Day Kata ya Uhuru

By Halmashauri ya Jiji la Dodoma

Na. Rahma Magona, UHURU

 

Elimu kuhusu umuhimu wa lishe bora imetolewa katika Kata ya Uhuru jijini Dodoma, ikiwa ni sehemu ya maadhimisho ya Siku ya Samia yaliyofanyika katika Uwanja wa Mtekelezo, ambapo wananchi na vijana walielimishwa kuhusu umuhimu wa kuzingatia mlo kamili.



Akizungumza katika maadhimisho hayo, Afisa Maendeleo ya Jamii wa Kata ya Uhuru, Saada Zahaze alisema kuwa lishe bora imegawanyika katika makundi matano ambayo ni nafaka na vyakula vya wanga, matunda, mafuta, mbogamboga pamoja na vimiminika kama maji.

 

Aliongeza kuwa katika zoezi hilo wananchi walipatiwa elimu kwa vitendo juu ya kupika uji uliowekwa ‘Blue Band’ kama chanzo cha mafuta, pamoja na matunda mbalimbali ikiwemo matikiti na maembe, huku mbogamboga kama mchicha zikitumika kuonesha umuhimu wa makundi hayo katika mlo wa kila siku.

 

Zahaze alisisitiza kuwa Uwanja wa Mtekelezo umechaguliwa kwa kuwa ni eneo kubwa linalokusanya watu wengi huku Kata ya Uhuru ikiwa ni eneo la kibiashara hivyo shughuli hiyo imekuwa fursa ya kuwafikia wananchi wengi kwa urahisi kupitia michezo na shughuli mbalimbali.

 



Vijana walioshiriki katika mchezo wa mpira wa miguu walipatiwa elimu kuhusu lishe bora huku wakisisitizwa kuwa vijana ni sehemu muhimu ya taifa na elimu hiyo inaweza kuwasaidia kuzingatia lishe bora katika maisha yao na familia zao.

MWISHO

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more