Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.

Na. Mwandishi wetu, KIZOTA   Mkuu wa Wilaya ya Dodoma, Alhaj Jabir Shekimweri, ametoa zawadi za tisheti kwa wananchi waliofanikiwa kujibu maswali mbalimbali kuhusu usafi na utunzaji wa mazingira katika Mtaa wa Relini Kata ya Kizota.   Zawadi hizo zimetolewa ikiwa ni sehemu ya kuhamasisha wananchi, hususan vijana, kuwa na uelewa kuhusu umuhimu wa usafi wa mazingira na kushiriki kikamilifu katika kampeni ya usafi jijini Dodoma yenye kaulimbiu isemayo “Dodoma Fahari Yetu, Usafi ni Wajibu Wetu.”

Na. Mwandishi wetu, KIZOTA   Mkuu wa Wilaya ya Dodoma, Alhaj Jabir Shekimweri, amefanya ukaguzi wa hali ya usafi katika maeneo mbalimbali ya biashara yaliyopo Kata ya Kizota, ikiwa ni sehemu ya kampeni ya kuhamasisha usafi wa mazingira katika Halmashauri ya Jiji la Dodoma.   Katika ukaguzi huo, amefuatilia hali ya usafi wa maeneo ya biashara pamoja na mazingira yanayozunguka, huku akihimiza wafanyabiashara na wananchi kuhakikisha maeneo yao yanakuwa safi wakati wote.   Amesisitiza kuwa usafi wa mazingira ni jukumu la kila mwananchi, hivyo wafanyabiashara wanapaswa kushirikiana na serikali katika kuhakikisha maeneo yao ya biashara yanakuwa safi, salama na yenye mazingira bora.   Ukaguzi huo ni sehemu ya kuendeleza kampeni ya usafi wa mazingira katika Halmashauri ya Jiji la Dodoma chini ya kaulimbiu isemayo “Dodoma Fahari Yetu, Usafi ni Wajibu Wetu.”