Na. Mwandishi wetu, DODOMA   Viongozi na wataalamu wa Halmashauri ya Wilaya ya Hai mkoani Kilimanjaro wamejifunza mbinu za usafi wa mazingira na usimamizi wa taka katika Jiji la Dodoma kwa lengo la kuboresha usafi na kuimarisha utunzaji wa mazingira.   Ziara hiyo ilijumuisha kutembelea Dampo la Chidaya lililopo Jiji la Dodoma, ambako wajumbe walijifunza taratibu za upokeaji, utenganishaji, usafirishaji na uhifadhi wa taka.   Afisa Uendeshaji wa Dampo, Elias Banyikila alisema kuwa Dodoma huzalisha wastani wa tani 594 za taka kwa siku, huku tani 392 zikipokelewa d Dampo la Chidaya na tani 54 zikirejele­zwa.   Alisema kuwa dampo hilo lina ukubwa wa ekari 48, lakini takribani ekari 12 pekee ndizo zinazotumika, likiwa na miundombinu inayojumuisha uzio, ofisi, mizani, nyumba za walinzi na mitambo.   “Dampo hili linapokea taka za kawaida kutoka majumbani na masokoni, lakini taka hatarishi, ikiwemo za hospitalini, hushughulikiwa kwa utaratibu maalumu,”...

  Shirika la Umeme Tanzania (TANESCO), kwa kushirikiana na maafisa kutoka Halmashauri ya Jiji la Dodoma, Maafisa wa Kanda Namba Moja ya huduma pamoja na wafanyabiashara, wameungana kufanya usafi katika mitaro ya Soko la Wazi la Machinga, ikiwa ni sehemu ya maandalizi ya kukabiliana na mvua kubwa zinazotarajiwa kunyesha.   Hatua hiyo inalenga kuhakikisha mitaro inakuwa safi na inapitisha maji kwa ufanisi, hivyo kupunguza athari zinazoweza kujitokeza wakati wa mvua, huku wafanyabiashara wakihimizwa kuendelea kutunza usafi wa mazingira katika maeneo yao kwa ustawi na usalama wa wote.

Na. Mwandishi wetu, KIZOTA   Kata ya Kizota, jijini Dodoma, imepatiwa fedha kiasi cha shilingi 87,373,170.73 kwa ajili ya utekelezaji wa miradi mbalimbali ya maendeleo katika mwaka wa fedha 2026/2027, ikiwa ni sehemu ya juhudi za serikali kuboresha huduma za kijamii na miundombinu kwa wananchi.   Akizungumza kuhusu utekelezaji wa miradi hiyo, Afisa Mtendaji wa Kata ya Kizota, Aidani Libenanga alisema kuwa fedha hizo zitatumika katika maeneo mbalimbali yenye umuhimu kwa wananchi, ikiwemo sekta ya elimu, upatikanaji wa maji na kuboresha mazingira ya kujifunzia kwa wanafunzi.   Alisema kuwa kiasi cha shilingi milioni 46 kimetengwa kwa ajili ya ujenzi wa vyumba viwili vya madarasa, hatua inayolenga kuongeza nafasi za kujifunzia na kuendelea kuboresha miundombinu ya elimu katika kata hiyo.   Kwa upande wa upatikanaji wa maji, alisema kuwa shilingi 25,073,170.73 zimetengwa kwa ajili ya uchimbaji wa kisima cha maji, ambacho kitasaidia kuongeza upatikanaji wa h...

Na. Mwandishi wetu, NKUHUNGU   Mkuu wa Wilaya ya Dodoma, Alhaj Jabir Shekimweri, ameagiza maeneo yote ya wazi katika Kata ya Nkuhungu kuwekwa fensi ili kuyakinga dhidi ya uvamizi na matumizi yasiyo sahihi, ikiwemo uuzaji holela wa maeneo yaliyotengwa kwa matumizi ya umma.   Alhaj Shekimweri alitoa agizo hilo alipofanya ziara katika Mtaa wa Bochela kukagua maendeleo ya ujenzi wa mabwawa yanayolenga kudhibiti maji ya mvua na kupunguza athari za mafuriko katika makazi ya wananchi.   Alisema kuwa ulinzi wa maeneo ya wazi ni muhimu katika kuhakikisha yanabaki kwa matumizi yaliyokusudiwa na kuzuia watu kuyavamia au kuyagawa na kuuziana kinyume cha taratibu, hali ambayo inaweza kuathiri mipango ya maendeleo kwa siku zijazo.   “Kila eneo la wazi katika kata hii liwekewe fensi ili kuzuia uvamizi na watu kuuziana maeneo ya wazi, hali ambayo inaweza kuleta changamoto baadaye,” alisema Alhaj Shekimweri.   Aidha, alisema kuwa uwekaji wa fensi utasaidia kulind...

Na. Mwandishi wetu, NKUHUNGU   Mkuu wa Wilaya ya Dodoma, Alhaj Jabir Shekimweri, ametembelea na kukagua maendeleo ya ujenzi wa mradi wa mabwawa katika Kata ya Nkuhungu, unaotekelezwa katika Mitaa ya Bochela, Mtube, Salama na Mnyakongo kwa lengo la kudhibiti changamoto ya mafuriko katika maeneo ya makazi.   Mradi huo unahusisha ujenzi wa mabwawa yatakayosaidia kudhibiti na kuelekeza maji ya mvua katika maeneo yaliyotengwa, hatua inayolenga kupunguza maji kujaa katika makazi ya wananchi wakati wa mvua kubwa.   Aidha, mabwawa hayo yanatarajiwa kuunganishwa na mfumo wa mabwawa pamoja na visima vilivyopo katika mitaa hiyo, ili kuwezesha udhibiti mzuri wa mtiririko wa maji na kupunguza athari za mafuriko.   Akizungumza wakati wa ziara hiyo, Mkuu wa Wilaya ya Dodoma, Alhaj Jabir Shekimweri, alisema kuwa mradi huo utasaidia kwa kiasi kikubwa kupunguza athari za mafuriko na kuwawezesha wananchi kuendelea na shughuli zao za kila siku kwa usalama.   Aliwata...

Na. Mwandishi wetu, NKUHUNGU   Mkuu wa Wilaya ya Dodoma, Alhaj Jabir Shekimweri, amezitaka Kamati za Maafa kuendelea kutoa elimu kwa wananchi kuhusu tahadhari na hatua za kuchukua mapema ili kujikinga na athari zinazoweza kusababishwa na mafuriko.   Alhaj Shekimweri alitoa kauli hiyo baada ya kuipongeza Kamati ya Maafa ya Kata ya Nkuhungu kwa jitihada inazoendelea kufanya katika kuwaelimisha wananchi na kuhakikisha wanajiandaa kukabiliana na changamoto za mafuriko.   Alisema kuwa ni muhimu kamati hizo kutowasubiri wananchi hadi maafa yatokee, bali ziendelee kutoa elimu na kuchukua hatua za tahadhari mapema, hususan kwa wananchi wanaoishi katika maeneo yanayoweza kuathiriwa na mafuriko.   Aidha, alizitaka kamati hizo kuwasaidia wananchi wanaoishi katika maeneo hatarishi kuhamia maeneo salama. Alisema kuwa pale inapowezekana, wananchi hao wanaweza kuunganishwa na ndugu zao kwa muda wakati hatua nyingine za kupata maeneo salama ya kuishi zikiendelea kuchuk...

Na. Coletha Charles, DODOMA   Halmashauri ya Wilaya ya Hai mkoani Kilimanjaro imefanya ziara katika Halmashauri ya Jiji la Dodoma kujifunza mikakati ya kuongeza mapato ya ndani na kuboresha mifumo ya ukusanyaji.   Akizungumza wakati wa ziara hiyo, Mwenyekiti wa Halmashauri ya Wilaya ya Hai, Edmund Rutaraka alisema kuwa wamefika Halmashauri ya Jiji la Dodoma kupata uzoefu wa mikakati inayotumika kuongeza mapato.   Alisema kuwa mapato ya ndani ni muhimu katika kuiwezesha halmashauri kujiendesha kwa ufanisi, kutekeleza majukumu yake na kuendelea kutoa huduma muhimu kwa wananchi.   “Lengo kubwa la sisi kuja hapa ni kuona namna gani mnavyoweza kukusanya mapato yenu, na sisi tuweze kuona tutachukua hizo mbinu kama zitafaa kwenye halmashauri yetu, basi tuweze kukusanya zaidi,” alisema Rutaraka.   Kwa upande wake, Naibu Meya wa Halmashauri ya Jiji la Dodoma, Bakari Fundikira alisema kuwa jiji hilo limeweka mikakati mbalimbali ya kuboresha ukusanyaji ...

  Mkuu wa Wilaya ya Dodoma, Alhaj. Jabir Shekimweri, akiongozana na Kamati ya Maafa ya Wilaya ya Dodoma, ametembelea na kukagua maeneo mbalimbali katika Kata ya Mkonze yanayodhaniwa kuwa katika hatari ya kuathiriwa na mvua kubwa, ikiwa ni sehemu ya hatua za Serikali za kujiandaa na kukabiliana na athari za mvua za El Niño   Ziara hiyo imelenga kubaini maeneo yenye changamoto, ikiwemo mifereji ya maji na maeneo mengine yanayoweza kuhatarisha usalama wa wananchi, ili hatua stahiki za maboresho na tahadhari zichukuliwe mapema.   Hatua hiyo ni muendelezo wa jitihada za Serikali katika kuhakikisha maeneo hatarishi yanatambuliwa na kufanyiwa maboresho kwa wakati, sambamba na kuwaelimisha wananchi kuchukua tahadhari na kuzingatia maelekezo ya mamlaka ya hali ya hewa. Katika ziara hiyo, Kamati ya Maafa imeendelea kutoa msisitizo juu ya umuhimu wa ushirikiano kati ya Serikali na wananchi katika kuzuia athari zinazoweza kusababishwa na mvua kubwa, hususani katika maeneo y...