Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...

Na. Coletha Charles, MAJENGO   Mkoa wa Dodoma umezindua rasmi awamu ya pili ya Bima ya Afya kwa Wote, ukilenga kuongeza upatikanaji wa huduma za matibabu na kupunguza gharama zinazobebwa na wananchi wanapougua.   Akizungumza katika uzinduzi uliofanyika katika Soko la Wazi la Machinga, Kata ya Majengo, jijini Dodoma Mkuu wa Wilaya ya Dodoma, Alhaj Jabir Shekimweri alisema kuwa ushirikiano wa viongozi na wananchi ni muhimu kuhakikisha mpango huo unatekelezwa kwa mafanikio.   Alisema kuwa bima ya afya ni njia muhimu ya kulinda familia dhidi ya gharama za matibabu, akiwataka wananchi kujiunga mapema ili kupata huduma wanapozihitaji badala ya kusubiri kukabiliwa na changamoto za kiafya.   “Kila mmoja wetu ana jukumu la kuhakikisha hakuna mwananchi anayeachwa nyuma katika jitihada hizi za bima ya afya. Ugonjwa unaweza kumpata mtu yeyote wakati wowote, sasa fursa hii itumie vizuri,” alisema Alhaj Shekimweri.   Aidha, alizitaka halmashauri kufuatilia uan...

Na. Coletha Charles, MAJENGO   Kaya zisizo na uwezo wa kumudu gharama za matibabu zinatarajiwa kunufaika na awamu ya pili ya mpango wa Bima ya Afya kwa Wote, uliozinduliwa katika Kata ya Majengo, eneo la Soko la Wazi la Machinga, Jiji la Dodoma.   Akizungumza katika uzinduzi huo, Mwenyekiti Jumuiya ya Tawala za Mitaa Tanzania (ALAT) Mkoa wa Dodoma, Alimwoni Chaula alisema kuwa mpango huo ni hatua muhimu katika kupanua upatikanaji wa huduma za afya, hususan kwa kaya zenye uhitaji.   “Ninampongeza Rais, Dkt. Samia Suluhu Hassan kwa uamuzi wa kuhakikisha kaya zenye uhitaji zinapata bima ya afya. Mchakato ulianza mwaka 2023, muswada ukapelekwa bungeni mwezi Februari na Novemba, kisha kusainiwa Desemba,” alisema Chaula.   Alisema kuwa taarifa alizopokea kutoka kwa Mganga Mkuu wa Jiji la Dodoma zilionesha kuwa watu zaidi 3,000 walikuwa wametajwa katika mpango huo, huku watu karibu 2,200 wakiwa wamefikiwa, sawa na asilimia 70 ya lengo lililotajwa.   Cha...

Na. Mwandishi Wetu, DODOMA   Mfuko wa Taifa wa Bima ya Afya (NHIF) wapongezwa kwa hatua ya kuwafuata wananchi katika maeneo yao ili kuwapatia elimu na huduma za afya, badala ya kusubiri wananchi wafike katika ofisi.   Hayo aliyasema Mkuu wa Wilaya ya Dodoma, Alhaj Jabiri Shekimweri wakati wa uzinduzi wa Bima ya Afya kwa Wote Awamu ya Pili, Mkoa wa Dodoma, uliofanyika katika Soko la Wazi la Machinga.   Alisema kuwa eneo hilo ni muhimu kwa kuwa linakutanisha makundi mbalimbali ya wananchi, wakiwemo wafanyabiashara, madereva na wananchi kwa ujumla.   “Niwapongeze NHIF kwa kuchagua eneo hili la Machinga, ambalo lina wananchi wa makundi mbalimbali. Niwaombe muendelee na utaratibu huu wa kuwafuata wananchi katika maeneo yao badala ya kukaa ofisini na kuwasubiri. Hii itasaidia wananchi wengi zaidi kufikiwa na kupata huduma” alisema Alhaj Shekimweri.   Aliongeza kuwa hatua hiyo inaonesha umuhimu wa kusogeza huduma karibu na wananchi, hususan wale ambao...

Na. Mwandishi wetu, DODOMA   Elimu kuhusu kujikinga na maambukizi ya Virusi vya Ukimwi (VVU) imetolewa kwa wanafunzi wa Chuo Elimu ya Biashara (CBE), ikiwa ni sehemu ya juhudi za kuongeza uelewa wa vijana kuhusu afya zao na kuwahamasisha kuchukua tahadhari dhidi ya maambukizi hayo.   Daktari wa Kituo cha Afya Nkuhungu, Halmashauri ya Jiji la Dodoma, Dkt. Justa John, akizungumza na wanafunzi hao, ameeleza umuhimu wa kuwa na uelewa sahihi kuhusu VVU na UKIMWI, pamoja na kufahamu njia mbalimbali za kujikinga na maambukizi.   Amesisitiza kuwa vijana wanapaswa kufanya maamuzi sahihi kuhusu afya zao, kuzingatia njia salama za kujikinga na kuepuka vitendo vinavyoweza kuwaweka katika hatari ya kupata maambukizi ya VVU.   Aidha, ameeleza umuhimu wa kuendelea kutoa elimu ya afya katika taasisi za elimu ili kuwajengea wanafunzi uelewa utakaowawezesha kujilinda na kulinda afya zao.   Kwa upande wake, Waziri wa Afya wa wanafunzi, Faustine Musoma, akizungumza ...

Na. Mwandishi wetu, KIZOTA   Vikundi vya vijana, wanawake na watu wenye ulemavu katika Kata ya Kizota vimepatiwa elimu kuhusu taratibu za kuomba mikopo ya asilimia 10 ya Halmashauri ya Jiji la Dodoma kwa robo ya pili ya mwaka, inayotarajiwa kutolewa katika kipindi cha mwezi Oktoba, 2026.   Semina hiyo imefanyika katika Ukumbi wa Lechasa, Kata ya Kizota, ikiwa na lengo la kuviandaa vikundi hivyo kuelewa taratibu na masharti ya mikopo hiyo ili viweze kunufaika na fursa zinazotolewa na halmashauri.   Akizungumza katika semina hiyo, Afisa Maendeleo ya Jamii wa Kata ya Kizota, Ilumva Hoka amevihimiza vikundi kuendelea kujiandaa na kujisajili kwa mujibu wa taratibu zilizowekwa ili viweze kutumia fursa hiyo kukuza shughuli zao za kiuchumi.   Amesema kuwa katika kipindi hiki cha mwezi Oktoba, 2026 kiasi cha shilingi bilioni 7.5 kinatarajiwa kutolewa kwa ajili ya mikopo hiyo, huku katika Kata ya Kizota zaidi ya vikundi vitano vikitarajia kuwasilisha maombi ya mi...

Na. Ramadhani Mohammed, MIYUJI Mwenyekiti wa Mtaa wa Mtamaa, Kata ya Miyuji mkoani Dodoma, Hapines Joshua amewataka wananchi kuendelea kushirikiana na serikali katika kudumisha usafi wa mazingira ili kuhakikisha Jiji la Dodoma linakuwa safi na salama kwa afya za wakazi wake. Akizungumza wakati wa zoezi la usafi wa mazingira lililofanyika Jumamosi, amesema kuwa ushirikiano kati ya wananchi na serikali ni muhimu katika kufanikisha juhudi za kuboresha usafi wa mazingira, huku akieleza kuwa shughuli hizo zinaendelea kufanyika kila siku katika maeneo mbalimbali, ikiwemo nyumba kwa nyumba. “Wito wangu kwa wananchi, naomba tuendelee kujiandaa na mvua hizi za El Niño na kutunza mazingira kwa sababu kama tunavyojua, mazingira yakiwa machafu kipindi cha mvua kama hizi kunaweza kuwa na milipuko ya magonjwa mbalimbali kama kipindupindu na magonjwa ya tumbo. Kwa hiyo, hamasa yangu ni tuendelee kushirikiana kuhakikisha mazingira yetu yanakuwa safi,” amesema Joshua Kwa upande wake, mwananchi wa...

Na. Mwandishi Wetu, MAKOLE   Watumishi wa Jiji la Dodoma wametakiwa kuzingatia nidhamu katika utekelezaji wa majukumu yao ya kila siku lakini pia kuwa na mshikamano na ushirikiano katika kutatua changamoto zinazowakabili na kuboresha utendaji kazi.   Hayo aliyasema Afisa Mtumishi Mkuu wa Jiji la Dodoma, Dkt. Gerald Ruzika katika kikao cha kwanza cha Kamati Tendaji ya Wilaya ya Dodoma (TALGWU) kilichojadili taarifa ya utendaji kazi kwa kipindi cha miezi minne kuanzia Mei hadi Agosti 2026 kilichofanyika katika Ofisi ya Kata ya Makole.   Alisema kuwa nidhamu kazini ni msingi wa uwajibikaji na utoaji wa huduma bora, huku ushirikiano baina ya watumishi ukiwa njia muhimu ya kutafuta ufumbuzi wa changamoto na kuimarisha ufanisi katika utekelezaji wa majukumu yao. “Nidhamu katika kazi na mshikamano miongoni mwa watumishi ni msingi wa utendaji wenye ufanisi. Tunapaswa kushirikiana katika kutatua changamoto ili kuimarisha uwajibikaji na kuboresha huduma tunazozitoa” alise...

Na. Coletha Charles, MNADANI   Wananchi wametakiwa kuzingatia taratibu na kuandaa nyaraka zinazohitajika wakati wa kuomba hati ya kusafiria nje ya nchi ili kurahisisha mchakato wa maombi na kuepuka usumbufu unaoweza kujitokeza.   Wito huo umetolewa na Afisa Uhamiaji, Constable Asia Mussa, wakati wa maadhimisho ya Siku ya Afya na Lishe ya Kijiji (SALiKi) na Samia Day 2026, yaliyofanyika katika Shule ya Msingi Jitegemee, Kata ya Mnanda, Jiji la Dodoma.   Alisema kuwa nyaraka zinazohitajika hutegemea shughuli za mwombaji na sababu za safari, akiwataka waombaji kuandaa vielelezo vinavyothibitisha utambulisho wao, shughuli wanazofanya na madhumuni ya safari.   “Ni muhimu mwombaji kuandaa nyaraka zinazohitajika kulingana na shughuli anazofanya na madhumuni ya safari yake ili kurahisisha mchakato wa maombi ya ‘passport’,” alisema Constable Mussa.   Alisema kuwa wafanyabiashara wanapaswa kuandaa fomu ya maombi ya hati ya kusafiria, kitambulisho cha t...