Dodoma yaweka mikakati ya kuimarisha usafi wa Mazingira

By Halmashauri ya Jiji la Dodoma

Na. Mwandishi wetu, MSALATO

 

Halmashauri ya Jiji la Dodoma imeweka mikakati mbalimbali ya kuimarisha usafi wa mazingira kwa kuongeza usimamizi katika ngazi za kata na mitaa, kuimarisha mfumo wa uondoshaji taka na kuongeza ushiriki wa wananchi na sekta binafsi.

 


Akizungumza kuhusu utekelezaji wa mikakati hiyo katika Kata ya Msalato, Mkuu wa Kitengo cha Usafi na Udhibiti wa Taka Ngumu wa jiji hilo, Mkana Mkana alisema kuwa halmashauri inalenga kuhakikisha usafi wa mazingira unakuwa sehemu ya utamaduni wa kila siku.

 

Alisema kuwa miongoni mwa mikakati hiyo ni kuunda Kamati za Usafi wa Mazingira katika ngazi za kata na mitaa, ambazo zitasaidia kufuatilia hali ya usafi na kuongeza uwajibikaji katika maeneo yanayowazunguka wananchi.

 

“Tutaanzisha mashindano ya usafi katika mitaa na kata kila robo mwaka ili kuongeza hamasa ya wananchi, huku tukichukua hatua dhidi ya kampuni na vikundi vya uondoshaji taka vitakavyoshindwa kutekeleza wajibu wao,” alisema Mkana.

 

Aliongeza kuwa halmashauri itaendelea kutangaza zabuni za usafishaji, ukusanyaji na usafirishaji wa taka katika kata na mitaa ambayo bado haina wazabuni wa kutosha, hatua inayolenga kuimarisha mfumo wa uondoshaji taka.

 

Katika hatua nyingine, Mkana alisema kuwa mafanikio yaliyopatikana katika utekelezaji wa shughuli hizo yamechangiwa na muitikio chanya wa jamii, hali ambayo imeongeza kiwango cha usafi wa mazingira katika mitaa na kata mbalimbali.

 

Aidha, ushirikiano na uratibu wa pamoja kati ya makundi mbalimbali ya watendaji na sekta binafsi umeongezeka, jambo ambalo limewezesha shughuli za usafi wa mazingira kutekelezwa kwa ushirikiano zaidi.

 

Katika kutekeleza maagizo ya Rais wa Jamhuri ya Muungano wa Tanzania, na Mkuu wa Mkoa wa Dodoma yaliyotolewa tarehe 4 Septemba, 2026, halmashauri itaendelea kudumisha mazingira safi, salama na yenye afya kupitia ushiriki endelevu wa jamii katika usafi na udhibiti wa taka ngumu.

MWISHO

 

 

 

 

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more