Dodoma yakusanya Sh. Milioni 5.6 ukiukaji wa sheria za usafi

By Halmashauri ya Jiji la Dodoma

Na. Mwandishi wetu, MSALATO

 

Halmashauri ya Jiji la Dodoma imekusanya shilingi milioni 5.66 kutokana na hatua za kisheria zilizochukuliwa dhidi ya wananchi na wafanyabiashara waliokiuka sheria ndogo za usafi wa mazingira.

 


Fedha hizo zimepatikana baada ya ukaguzi uliofanyika katika maeneo ya makazi, biashara na taasisi, ambapo kaya 2,675 na maeneo 1,582 ya biashara yalikaguliwa na kutolewa kwa mrundikano wa taka katika maeneo mbalimbali ya jiji.

 

Akitoa taarifa ya utekelezaji wa shughuli za usafi wa mazingira, Mkuu wa Kitengo cha Usafi na Udhibiti wa Taka Ngumu, Mkana Mkana alisema kuwa hatua hizo zinatekelezwa kwa mujibu wa maagizo ya serikali.

 

“Hatua hizi ni sehemu ya utekelezaji wa maagizo ya viongozi wa serikali ya kuhakikisha usafi wa mazingira unafanyika kwa kuendelea na kwamba wanaokiuka sheria wanachukuliwa hatua stahiki,” alisema Mkana.

 

Aidha, aliongeza kuwa pamoja na hatua hizo, halmashauri imeeleza kuwa bado inakabiliwa na changamoto ya baadhi ya wananchi na wafanyabiashara kutofuata kanuni za usafi, huku baadhi ya kata na mitaa zikiwa hazina wazabuni wa uondoshaji taka.

 

Halmashauri imesema itaendelea kuchukua hatua dhidi ya watakaokiuka kanuni za usafi, huku ikiimarisha elimu kwa umma na kupanga wafanyabiashara ndogondogo katika maeneo rasmi yaliyotengwa kwa shughuli za biashara.

MWISHO

 

 

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more