Na. Mwandishi wetu, Katibu Mkuu wa Wizara ya Elimu, Sayansi na Teknolojia, Prof. Carolyne Nombo, amewapongeza watumishi wa wizara hiyo kwa kazi kubwa na mafanikio waliyoyapata katika mwaka wa fedha uliopita, huku akiwataka kuendelea kuyasema kwa ujasiri mafanikio hayo yaliyoiwezesha sekta ya elimu kung’aa kitaifa na kimataifa.   Prof. Nombo alisema kuwa mafanikio hayo yametokana na uongozi imara wa Waziri wa Elimu, Sayansi na Teknolojia, Prof. Adolf Mkenda, na Naibu Waziri, Mhe. Wanu Hafidh Ameir, pamoja na ushirikiano wa Wakurugenzi, Wakuu wa Idara na watumishi wote. Prof. Nombo alisema hayo jijini Dodoma wakati alipoongoza kikao cha tafakuri cha uongozi na watumishi wa Wizara ya Elimu, Sayansi na Teknolojia, kilicholenga kutathmini utekelezaji wa majukumu yaliyokabidhiwa kwa wizara. Aliwashukuru watumishi kwa utekelezaji mzuri wa majukumu yao na kusisitiza umuhimu wa kuendeleza ushirikiano katika kufikia malengo ya wizara. Aidha, Prof. Nombo alisema kuwa mabadiliko makubw...

Na. Mwandishi wetu, DODOMA   Wazazi wamehimizwa kuwa na ushirikiano wa karibu na walimu katika kufuatilia maendeleo ya watoto wao wanapokuwa nyumbani, ili kusaidia kukuza uwezo wao kitaaluma na kujenga msingi bora wa elimu, badala ya kutegemea walimu pekee katika jukumu hilo.   Wito huo ulitolewa na Mwalimu Mkuu wa Shule ya Shekinah Pre & Primary School, Obadia Mwambapa wakati wa siku maalumu ya kufunga shule, ambapo alisema kuwa ushirikiano kati ya wazazi na walimu ni muhimu katika kuhakikisha watoto wanapata malezi na elimu bora.    Alisema kuwa wazazi wanapaswa kutenga muda wa kufuatilia masomo ya watoto wao, kujua changamoto wanazokutana nazo na kushirikiana na walimu katika kutafuta suluhisho.   Kwa upande wake, Makamu Mkuu wa Shule hiyo, Juliana Sabrere alisema kuwa ulinzi na usalama wa watoto ni jukumu la pamoja kati ya walimu na wazazi, akisisitiza umuhimu wa kushirikiana katika kulinda maadili mema ya watoto na kuhakikisha wanakua kati...

Na. Mwandishi wetu, DODOMA Waziri wa Ulinzi na Jeshi la Kujenga Taifa, Dkt. Rhimo Nyansaho (Mb) amekutana na kufanya mazungumzo na wawakilishi wa vijana wa Jeshi la Kujenga Taifa (JKT) walioshiriki katika ujenzi wa mradi wa kihistoria wa Ikulu ya Chamwino, jijini Dodoma.   Mazungumzo hayo yalilenga kuwasikiliza vijana hao, kuwapongeza na kuwashukuru kwa mchango wao mkubwa katika kutekeleza ujenzi wa Ikulu ya Chamwino, ambayo ni moja ya alama muhimu za Taifa na Ofisi ya Juu katika mfumo wa Utawala na Uongozi wa Jamhuri ya Muungano wa Tanzania. Akizungumza na vijana hao, Waziri wa Ulinzi na JKT, Dkt. Rhimo Nyansaho alisema kuwa Serikali ya Awamu ya Sita inayoongozwa na Rais wa Jamhuri ya Muungano wa Tanzania na Amiri Jeshi Mkuu, Dkt. Samia Suluhu Hassan, inatambua na kuthamini mchango, uzalendo na kujituma kwa vijana hao katika utekelezaji wa mradi huo wa kihistoria. Dkt. Nyansaho alisema kuwa serikali inatambua uvumilivu, nidhamu na kujitolea kwa vijana hao, ambao walishirik...

Na. Mwandishi wetu, DODOMA   Balozi wa Uingereza nchini Tanzania, Marianne Young amekutana na Waziri wa Madini, Anthony Mavunde, kwa ajili ya mazungumzo kuhusu sekta ya madini nchini Tanzania na fursa za kuimarisha ushirikiano kati ya Uingereza na Tanzania. Mkutano huo ulijadili kuhusu uwekezaji, uongezaji wa thamani, na kuhakikisha sekta hiyo inachangia katika ukuaji wa uchumi unaoshirikisha wote.   Tanzania na Uingereza zitaendelea kushirikiana katika maeneo yenye manufaa kwa pande zote mbili ili kudumisha ustawi wa mataifa yote mawili.

  Na. Okuly Julius, OKULY BLOG, DODOMA  SERIKALI imeandaa Mpango wa Taifa wa Dharura wa Kukabiliana na Madhara ya El Niño, huku ikikadiria kuwa inahitaji takribani Shilingi bilioni 730 kutekeleza hatua mbalimbali za kukabiliana na athari zinazoweza kujitokeza kutokana na mvua kubwa zinazotarajiwa katika msimu wa Vuli 2026/27.   Akizungumza jijini Dodoma, Waziri wa Nchi Ofisi ya Waziri Mkuu – Sera, Bunge, Uratibu na Wenye Ulemavu, Prof. Palamagamba Kabudi alisema kuwa serikali imeandaa mpango huo kwa lengo la kuimarisha utayari na kuchukua hatua za mapema katika kuzuia, kujiandaa, kukabili na kurejesha hali baada ya madhara yanayoweza kusababishwa na El Niño.   Alisema kuwa mpango huo umeandaliwa kufuatia utabiri uliotolewa na Mamlaka ya Hali ya Hewa Tanzania (TMA) Agosti 18, 2026, uliotabiri uwepo wa hali ya El Niño yenye nguvu katika msimu wa Vuli 2026/27.   Kwa mujibu wa Prof. Kabudi, miongoni mwa hatua zilizopangwa na Serikali ni kukarabati na kub...

Na. Mwandishi wetu, DODOMA   Naibu Waziri wa Nishati, Salome Makamba, amesema Serikali kupitia Wakala wa Nishati Vijijini (REA) imetekeleza Mradi wa Usambazaji Umeme katika maeneo 582 ya wachimbaji wadogo, kilimo na viwanda Tanzania Bara, kwa gharama ya shilingi bilioni 115.   Makamba aliyasema hayo bungeni jijini Dodoma alipokuwa akijibu swali la Mwanahamisi Athumani, Mbunge wa Viti Maalumu, aliyetaka kujua ni lini serikali itatekeleza Mpango Mkakati Maalumu wa kuhakikisha maeneo ya wachimbaji wadogo yanafikishiwa umeme wa kutosha kwa lengo la kupunguza gharama za uzalishaji.   Akijibu swali hilo, Makamba alisema kuwa mradi huo ulianza kutekelezwa Aprili, 2023 na kwa sasa umefikia hatua za mwisho za utekelezaji. Aidha, alisema kuwa Wizara ya Nishati kwa kushirikiana na Wizara ya Madini inaendelea kuainisha maeneo ya kipaumbele yatakayofikishiwa huduma ya umeme katika hatua zinazofuata, kwa kuzingatia upatikanaji wa fedha.   Sambamba na hilo, alisema ...

Na. Mwandishi wetu, DODOMA Naibu Waziri wa Nishati, Salome Makamba amesema jukumu kuu la Wizara ya Nishati ni kuhakikisha wananchi wanapata umeme wa uhakika na wanapatiwa taarifa kwa wakati pindi changamoto zinapojitokeza. Makamba aliyasema hayo wakati akijibu swali la Exaud Kigahe, Mbunge wa Jimbo la Mufindi Kaskazini aliyetaka kufahamu lini serikali itabadilisha mkataba wa usambazaji wa umeme kwa wananchi kutoka Mwenga Power kwenda TANESCO, ili Mwenga Power ibaki kuwa mzalishaji wa umeme. Akijibu swali hilo, Makamba alisema kuwa utoaji na usimamizi wa leseni za uzalishaji na usambazaji wa umeme nchini ni jukumu la kisheria la Mamlaka ya Udhibiti wa Nishati na Maji (EWURA), kwa mujibu wa Sheria ya Umeme ya mwaka 2008 na taratibu za utoaji wa leseni hizo. “Jukumu namba moja la Wizara ya Nishati ni kuhakikisha wananchi wanapata umeme wa uhakika na wanapata taarifa kwa wakati kunapotokea changamoto,” alisema Makamba. Alieleza kuwa uamuzi wowote wa kubadili muundo wa leseni ya usa...

Na. Mwandishi wetu, DODOMA Bunge la Jamhuri ya Muungano wa Tanzania limepitisha Muswada wa Sheria ya Marekebisho ya Sheria Mbalimbali (Na. 2) wa Mwaka 2026 (The Written Laws (Miscellaneous Amendments) (No. 02) Bill, 2026), tarehe 2 Septemba, 2026 katika Mkutano wa Nne, Kikao cha Sita cha Bunge kilichofanyika Bungeni Jijini Dodoma. Akizungumza wakati wa kuwasilisha Muswada huo, Mwanasheria Mkuu wa Serikali, Hamza Johari alisema kuwa muswada unakusudia kufanya maboresho katika Sheria kuu Saba. “Malengo ya marekebisho haya ni kuboresha utekelezaji wa masharti ya sheria husika na kuzifanya sheria hizi ziendane na wakati na kuleta tija kwa wananchi” alisema Mwanasheria Mkuu wa Serikali.   Aidha, alizitaja sheria zilizofanyiwa marekebisho ni pamoja na Sheria ya Mipango ya Matumizi ya Ardhi, Sura ya 116, Sheria ya Serikali za Mitaa (Mamlaka za Wilaya) Sura ya 287, Sheria ya Serikali za Mitaa (Mamlaka za Miji), Sura ya 288 na Sheria ya Baraza la Usalama la Taifa, Sura ya 61. ...

Na. Mwandishi wetu, DODOMA Mamlaka ya Udhibiti wa Huduma za Nishati na Maji (EWURA) imetangaza kushuka kwa bei za bidhaa za mafuta kwa mwezi Septemba, 2026 bei ya petroli imeshuka kwa shilingi 102 kwa lita, huku bei ya dizeli ikishuka kwa shilingi 101 kwa lita. Bei hizo zitaanza kutumika kuanzia tarehe 2 Septemba, 2026, saa 6:01 usiku. EWURA inaendelea kufuatilia kwa karibu mwenendo wa bei za mafuta katika soko la dunia, ambapo mabadiliko ya bei yanaendelea kuathiriwa pamoja na mambo mengine na hali ya kiusalama katika eneo la Mashariki ya Kati. Kwa mujibu wa Sheria ya Mafuta ya Mwaka 2015, bei za mafuta zinaendelea kupangwa kwa kuzingatia mfumo wa soko. Wafanyabiashara wote wa rejareja wanatakiwa kuuza mafuta kwa bei zisizozidi bei elekezi, na wananchi wanashauriwa kutoa taarifa EWURA kwa kituo chochote cha mafuta kitakachouza zaidi ya bei elekezi.   

Na. Hassan Kimweri, WAF - DODOMA Serikali imewataka wananchi hususan vijana, kupunguza matumizi ya pombe yaliyokithiri na kuacha matumizi ya dawa za kulevya ili kuepuka changamoto za afya ya akili pamoja na madhara mengine kwa familia na jamii. Wito huo umetolewa leo na Katibu Mkuu wa Wizara ya Afya, Dkt. Grace Magembe wakati akifungua mafunzo kwa wataalaamu wa afya ya akili yaliyofanyika mkoani Dodoma yenye lengo la kuongeza huduma za kinga na matibabu kwa waraibu. “Matumizi ya pombe yaliyokithiri ni miongoni mwa changamoto zinazopaswa kupewa kipaumbele, hasa kutokana na vijana kuanza kutumia pombe katika umri mdogo ambapo hali hiyo inaweza kuathiri masomo, kazi, mahusiano ya kifamilia na uwezo wa vijana kushiriki kikamilifu katika shughuli za jamii” alisema Dkt. Magembe. Alisema kuwa matumizi yaliyokithiri ya pombe na dawa za kulevya yanachangia vitendo vya ukatili na migogoro katika jamii, huku akisisitiza kuwa mtu anapofikia hatua ya utegemezi mkubwa wa vilevi, kumsaidia...