Na. John Masanja , MIYUJI Mstahiki Meya wa Halmashauri ya Jiji la Dodoma, Prof. Davis Mwamfupe awapongeza wadau wa elimu kwa jitihada zao kwenye kukuza sekta ya elimu na kuchangia ufaulu wa wanafunzi. Mstahiki Meya wa Halmashauri ya Jiji la Dodoma, Prof. Davis Mwamfupe Pongezi hizo alizitoa kwa walimu, wazazi na wadau mbalimbali wa elimu kwa ushirikiano mzuri katika kukuza na kuinua sekta ya elimu ndani ya Jiji la Dodoma kwenye kikao cha wadau wa elimu na utoaji tuzo za kitaaluma kilichofanyika katika ukumbi wa Shule ya Msingi St. Gasper jijini Dodoma. “Natambua sana kuna changamoto nyingi ambazo mnakutana nazo wakati wa utendaji kazi wenu lakini hamjawahi kutuangusha na haya mafanikio tunayoyaona sasa hivi katika elimu ni matunda ya uwekezaji wa pamoja” alisema Prof. Mwamfupe. Vilevile, alipendekeza kufanyika kwa vikao vya wadau wa elimu kuanzia ngazi za chini ambako watu wengi hufikiwa katika kutoa ushauri na kuona namna gani mawazo yao yatakuwa na manufaa katika kuleta mab...

Na. Dennis Gondwe, DODOMA HALMASHAURI ya Jiji la Dodoma imeendelea kufanya vizuri katika taaluma kwa kufaulisha kwa asilimia 93.18 wanafunzi waliohitimu elimu ya msingi mwaka 2023 kutokana na ushirikiano mzuri baina ya halmashauri na wadau wa sekta ya elimu. Mkuu wa Divisheni ya Elimu ya Awali na Msingi Halmashauri ya Jiji la Dodoma, Mwl. Prisca Myalla alipokuwa akiwasilisha taarifa ya utekelezaji wa shughuli za elimu Kauli hiyo ilitolewa na Mkuu wa Divisheni ya Elimu ya Awali na Msingi Halmashauri ya Jiji la Dodoma, Mwl. Prisca Myalla alipokuwa akiwasilisha taarifa ya utekelezaji wa shughuli za elimu katika kikao cha wadau wa elimu kilichofanyika katika Shule ya Msingi St. Gasper iliyopo jijini Dodoma. Mwl. Myalla alisema  “Halmashauri ya Jiji la Dodoma kupitia Divisheni ya Elimu Awali na Msingi imeendelea kufanya vizuri katika taaluma kupitia matokeo ya mitihani mbalimbali ya kuhitimu elimu ya msingi na Mtihani wa Upimaji Darasa la Nne. Aidha, shule binafsi zimeendelea kufa...

  Na. John Masanja, MIYUJI Dola 300 za BenPaul kwenda kuunga mkono jitihada za elimu katika Halmashauri ya Jiji la Dodoma kabla ya kuteuliwa kuwa balozi wa Mfuko la Lishe. Msanii wa muziki wa kizazi kipya Bernard Paul alimaarufu BenPol amechangia kiasi cha dola 300 za kimarekani ikiwa ni ushiriki wake katika kuunga mkono jitihada za elimu ndani ya Halmashauri ya Jiji la Dodoma. Msanii BenPol alichangia kiasi hicho wakati wa kikao cha wadau wa Elimu na utoaji wa tuzo za kitaaluma kilichoandaliwa na Ofisi ya Halmashauri Jiji la Dodoma na kufanyika katika ukumbi wa Shule ya Msingi St. Gasper jijini Dodoma. “Nitoe wito na ombi kwa wazazi, walimu na wadau wote, tuendelee kuwaunga mkono vijana wetu kwenye elimu lakini pia tusiwakataze wanapopenda kufanya sanaa kwasababu vyote viwili vinalipa. Elimu inalipa na sanaa ni ajira” alihitimisha BenPol. Sanjari na hayo msanii BenPol aliteuliwa na wajumbe wa kikao hicho kuwa Balozi wa Mfuko wa Lishe ndani ya Halmashauri ya Jiji la D...

Na. Dennis Gondwe, DODOMA MKUU wa Divisheni ya Maendeleo ya Jamii Halmashauri ya Jiji la Dodoma, Charity Sichona amepongeza azimio la kuanzisha Mfuko wa Lishe wa halmashauri na kusema kuwa utakwenda kutatua changamoto za lishe. Mkuu wa Divisheni ya Maendeleo ya Jamii Halmashauri ya Jiji la Dodoma, Charity Sichona akipongeza Azimio la Mfuko wa Lishe Pongezi hizo alizitoa alipokuwa akichangia katika kikao cha wadau wa elimu wa Halmashauri ya Jiji la Dodoma kilichofanyika katika Shule ya Msingi St. Gasper iliyopo jijini hapa. Sichona alisema “nikupongeze na kikao chako kwa kuja na azimio la kuanzisha mfuko wa lishe wa halmashauri. Mfuko huo utaenda kutatua matatizo ya lishe na hata ukatili kwa watoto. Mimi kazi yangu kubwa ni kuongea na makundi maalum na huwa tunaongea na watoto wa kike na unakuta wengi wanadanganyika kutokana na kuwa na njaa shuleni. Watoto wa kike wanadanganywa na vijana waendesha bodadoba, wanadanganywa na makondakta wa daladala na mafundi wa gereji”. Akiongele...

  Na. Dennis Gondwe, DODOMA WALIMU wa Halmashauri ya Jiji la Dodoma wametakiwa kutanguliza uzalendo katika kazi zao ili kuwafundisha wanafunzi na kuwasaidia katika kujenga taifa lao. Mchumi katika Halmashauri ya Jiji la Dodoma, Christian Mauya alipochangia katika kikao cha wadau wa elimu Kauli hiyo ilitolewa na Mchumi katika Halmashauri ya Jiji la Dodoma, Christian Mauya alipochangia katika kikao cha wadau wa elimu wa Halmashauri ya Jiji la Dodoma kilichofanyika katika ukumbi wa mikutano wa Shule ya St. Gasper jijini Dodoma. Mauya alisema “mheshimiwa Mkuu wa Wilaya ya Dodoma, mimi binafsi Ndugu zangu walimu nataka kuzungumzia kipengele cha pili, kipengele cha uzalendo. Sisi, walimu tunakubaliana kabisa tunakutana na changamoto nyingi sana, lakini nilikuwa naomba sana tuishi katika uzalendo wetu, uzalendo Tanzania. Hautakaa sehemu yeyote katika maisha yako yawe yamenyooka, uzalendo kwanza, hebu pigania Tazania yako”. Aliwakumbusha kuwa wapo makao makuu Dodoma kwa ajili ya ku...

  Na. Dennis Gondwe, DODOMA MSTAHIKI Meya wa Halmashauri ya Jiji la Dodoma, Prof. Davis Mwamfupe amewashauri wadau wa elimu wa Halmashauri ya Jiji la Dodoma kuwa vikao hivyo viwe vinaanzia ngazi ya mitaa na kata ili wananchi wengi waweze kushiriki katika maendeleo ya sekta ya elimu. Mstahiki Meya wa Halmashauri ya Jiji la Dodoma, Prof. Davis Mwamfupe akisisitiza jambo Ushauri huo aliutoa katika kikao cha wadau wa elimu Halmashauri ya Jiji la Dodoma kilichofanyika katika ukumbi wa Shule ya Msingi St. Gasper iliyopo jijini Dodoma. Prof. Mwamfupe alisema “nilidhani kwamba siku kama leo tutambue kwamba changamoto zinazotukabili katika sekta ya elimu ni za kienyeji zaidi (localized) ziko zaidi katika maeneo husika. Kama ndivyo, ili vikao vya wadau wa elimu viwe endelevu tuvishushe kutoka ngazi hii hadi katika maeneo yetu tukawape watu uhuru wa kuongea ili siku kama ya leo watu waje na mifano ya vikao katika maeneo mengi zaidi. Mchakato huu ni muhimu kuanzia ngazi za chini zaidi am...

Na. Dennis Gondwe, DODOMA Mkuu wa Wilaya ya Dodoma, Alhaj Jabir Shekimweri ameagiza maeneo yote ya shule yapimwe na kupatiwa hati miliki ili kuepuka migogoro ya Ardhi inayotokana na uvamizi wa mipaka ya shule. Alhaj Shekimweri aliagiza maeneo ya shule yaliyopo sasa yapimwe na kutengenezewa hati miliki. Alisema kuwa utekelezaji huo utasaidia kuepusha migogoro ya Ardhi inayosababishwa na wananchi kuvamia maeneo ya shule. Aidha, alishauri ujenzi wa shule katikati ya mji ujielekeze kwenye majengo ya maghorofa ili katika eneo dogo litumike vizuri. “Nichukue nafasi hii kuwashukuru wenzetu wa Mamlaka ya Elimu Tanzania (TEA) wameanza kutuunga mkono. Lakini pia mapato ya ndani ya halmashauri wameanza kufanya hivyo” alisema Alhaj Shekimweri. MWISHO

Na. Dennis Gondwe, DODOMA MKUU wa Wilaya ya Dodoma, Alhaj Jabir Shekimweri amemshukuru Mkurugenzi wa Halmashauri ya Jiji la Dodoma kwa kutoa kipaumbele katika maendeleo ya sekta ya elimu kwa kutoa fedha nyingi katika ujenzi wa miundombinu ya sekta ya elimu. Alhaj Shekimweri alisema “nitakuwa nimekosa uungwana nisipomshukuru hadharani Mkurugenzi wa Halmashauri ya Jiji la Dodoma, John Lipesi Kayombo. Tulikuwa na mkutano wa viongozi wakuu wa Wilaya ya Dodoma, Mstahiki Meya, Mbunge, Mkurugenzi wa Jiji na Mwenyekiti wa Chama cha Mapinduzi mzee Mamba. Akiwa mgeni tukataka tushirikiane nae kwenye dira ya wilaya na tukataka tufahamu vipaumbele vyake kama kijana ambae anataka kuacha alama katika Halmashauri ya Jiji la Dodoma. Nataka niwaambie leo hadharani, Kayombo alisema mimi napokea maelekezo na ushauri wenu wote mnaonipatia kama viongozi wangu, lakini la kwangu lililo moyoni mwangu ninatamani niache alama katika sekta ya elimu”. Alisema kuwa mkurugenzi huyo ametoa fedha nyingi katika ...

Na. Dennis Gondwe Mbunge wa Jimbo la Dodoma mjini, Anthony Mavunde ameahidi kuendelea kuwekeza katika sekta ya elimu ili kuwawezesha wanafunzi wa Dodoma kusoma vizuri na kufikia malengo yao. Kauli hiyo ilitolewa na Mkuu wa Wilaya ya Dodoma, Alhaj Jabir Shekimweri alipokuwa akitoa salamu za Mbunge wa Jimbo la Dodoma mjini katika mkutano wa wadau wa elimu Wilaya ya Dodoma uliofanyika katika ukumbi wa Shule ya St. Gasper jijini Dodoma. Alhaj Shekimweri alisema “Mbunge wa Jimbo la Dodoma mjini anasema kuwa nitaendelea kuwekeza zaidi kwenye elimu ili kuwasaidia watoto wa Dodoma kufikia malengo yao. Nitashirikisha wadau mbalimbali wa maendeleo ili kuinua na kuboresha elimu katika Halmashauri ya Jiji la Dodoma hasa katika miundombinu na mazingira rafiki ya kusomea”. Akiongelea mapinduzi katika teknolojia, alisema kuwa Dodoma inaelekea kupiga mapinduzi makubwa kwenye elimu. “Dunia inakwenda kwenye mapinduzi makubwa ya teknolojia, lazima tutumie maendeleo hayo katika kurahisisha ufundisha...