Dawati la Jinsia Jiji la Dodoma lafikia watu 2,133

By Halmashauri ya Jiji la Dodoma

Na. Mwandishi wetu, DODOMA

 

Dawati la Jinsia na Watoto Jiji la Dodoma limewafikia watu 2,133 kwa kutoa elimu ya kupinga ukatili wa kijinsia na kuhamasisha malezi bora ya watoto katika Mwezi wa Maendeleo ya Jamii.

 


Akitoa taarifa hiyo, Mratibu wa Jinsia na Watoto Halmashauri ya Jiji la Dodoma, Fatuma Daudi alisema kuwa wanawake 1,376 na wanaume 757 walipewa elimu kupitia mikutano ya jamii na shughuli za uhamasishaji zilizofanyika katika maeneo mbalimbali ya jiji.

 

Alisema kuwa elimu hiyo iliwafikia wazazi na walezi pamoja na makundi mbalimbali ya jamii, yakiwemo madereva wa bodaboda katika Kata za Chigongwe na Makole, huku wananchi wa Kata za Chihanga, Chang’ombe, Ihumwa, Madukani na Ngh’ong’ohna nao wakipatiwa elimu hiyo.

 

“Katika Mwezi wa Maendeleo ya Jamii, tumewafikia watu 2,133, wakiwemo wanawake 1,376 na wanaume 757, kwa kuwapatia elimu kuhusu kupinga ukatili wa kijinsia na umuhimu wa malezi bora kwa watoto,” alisema Daudi.

 

Kwa upande wa vijana, alisema kuwa elimu ilitolewa kwa vijana balehe katika Kata za Mbabala na Matumbulu, huku wanafunzi katika Shule za Sekondari Makole, Sechelela na Miyuji pamoja na Shule ya Msingi Ngh’ong’ohna nao walifikiwa.

 

Aidha, Daudi alisema kuwa sambamba na utoaji wa elimu kwa jamii, wajumbe wa Kamati ya MTAKUWWA ngazi ya halmashauri walipatiwa mafunzo kutoka kwa wataalamu wa mkoa kwa kushirikiana na wadau wa SOS.

 

“Mafunzo haya yalilenga kuwawezesha wajumbe wa kamati kutekeleza majukumu yao kwa ufanisi zaidi katika kukabiliana na vitendo vya ukatili katika jamii, kwa kuwaongezea uelewa na uwezo wa kutambua, kuzuia na kuchukua hatua stahiki dhidi ya vitendo hivyo,” alisema Daudi.

 

Dawati liliendelea kuratibu shughuli za Ulinzi na Usalama wa Mtoto ndani na nje ya shule kwa kushirikiana na Divisheni za Elimu ya Msingi na Sekondari, ikiwamo kutembelea Shule ya Msingi Generali Msuguli kukagua utekelezaji wa majukumu hayo kwa kushirikiana na walimu wa malezi.

MWISHO

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more