Polisi Kata ya Uhuru atoa elimu ya usafi wa Mazingira

By Halmashauri ya Jiji la Dodoma

Na. Rahma Magona, UHURU

 

Wananchi wa Kata ya Uhuru Halmashauri ya Jiji la Dodoma wameshiriki katika maadhimisho ya Siku ya Samia yaliyofanyika katika Uwanja wa Mtekelezo, ambapo walifanya usafi wa mazingira, kushiriki michezo pamoja na kupata elimu kuhusu lishe na usalama.

 


Akizungumza katika maadhimisho hayo, Inspekta Haruna Ngereza, Polisi Kata ya Uhuru, alisema kuwa wananchi walishiriki katika zoezi la usafi wa mazingira, kabla ya kuendelea na mchezo wa mpira wa miguu na kupatiwa elimu kuhusu lishe pamoja na virutubisho vya lishe.

 

Inspekta Ngereza aliongeza kuwa wananchi walipatiwa elimu kuhusu usalimishaji wa silaha zinazomilikiwa kinyume na sheria huku akiwataka wenye silaha hizo kuzisalimisha katika kituo cha Polisi, Ofisi ya Afisa Mtendaji wa kata au Ofisi ya Afisa Mtendaji wa Mtaa husika ili taratibu za kisheria ziweze kufuatwa na wahusika kunufaika na msamaha uliopo.

 

Aidha, alisisitiza kuwa usafi wa mazingira ni zoezi endelevu linalopaswa kufanyika kila siku na si kusubiri siku maalumu, akiwataka wananchi kuendelea kuzingatia usafi katika maeneo yao kwa kuunga mkono wito wa Rais wa Jamhuri ya Muungano wa Tanzania, Dkt. Samia Suluhu Hassan.

 


Sambamba na hilo alimshukuru Mkuu wa Mkoa wa Dodoma, Rosemary Senyamule, kwa kusisitiza umuhimu wa kuifanya Dodoma kuwa jiji la kijani huku akisema Kata ya Uhuru inaendelea na zoezi la upandaji miti katika maeneo mbalimbali ikiwemo Shule ya Msingi Uhuru.

MWISHO

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more