Samia Day Kata ya Uhuru yatoa hamasa ya ujio wa AFCON, 2027

By Halmashauri ya Jiji la Dodoma

Na. Rahma Magona, UHURU

 

Maadhimisho ya Siku ya Samia yamefanyika katika Kata ya Uhuru jijini Dodoma kwa lengo la kutoa hamasa kwa wananchi kuhusu ujio wa Mashindano ya Kombe la Mataifa ya Afrika (AFCON) 2027 yanayotarajiwa kuanza Juni mwakani, huku wananchi wakijitokeza kwa wingi kushiriki katika shughuli mbalimbali.

 


Akizungumza katika maadhimisho hayo, Afisa Mtendaji Kata wa Kata ya Uhuru, Denis Katunzi alisema  kuwa shughuli hizo zilianza kwa kutoa elimu kwa mama lishe kuhusu matumizi ya nishati safi, ikiwa ni sehemu ya kuhamasisha matumizi ya nishati rafiki kwa mazingira na kuachana na matumizi ya mkaa.

 

Katunzi alisema kuwa maadhimisho hayo yaliendelea kwa zoezi la upandaji miti ya matunda katika Shule ya Msingi Uhuru, kabla ya wananchi kushiriki katika usafi wa mazingira kuzunguka uwanja, huku akisema shughuli hizo zililenga kuimarisha utunzaji wa mazingira na afya za wananchi.

 

Aliongeza kuwa siku hiyo pia ilihusisha mchezo wa mpira wa miguu kati ya Timu ya Kipande FC na KBC FC, ambapo Timu ya mpira KBC iliibuka mshindi na kukabidhiwa zawadi ya mbuzi mnyama, huku elimu ya lishe kuhusu umuhimu wa mlo kamili ilitolewa hasa kwa wa kina mama na watoto.

 


Afisa Mtendaji huyo aliwashukuru mamia ya wananchi kwa kujitokeza kwa wingi na kushiriki katika maadhimisho hayo, akisema ushiriki wao umewezesha ujumbe kuhusu matumizi ya nishati safi, lishe, utunzaji wa mazingira na hamasa ya ujio wa AFCON 2027 kuwafikia.

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

Kata ya Matumbulu wanufaika na Mil. 14.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 14.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 14.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albert...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more