Acheni matumizi ya pombe yaliyokithiri kuepuka changamoto ya afya ya akili

By Halmashauri ya Jiji la Dodoma

Na. Hassan Kimweri, WAF - DODOMA

Serikali imewataka wananchi hususan vijana, kupunguza matumizi ya pombe yaliyokithiri na kuacha matumizi ya dawa za kulevya ili kuepuka changamoto za afya ya akili pamoja na madhara mengine kwa familia na jamii.



Wito huo umetolewa leo na Katibu Mkuu wa Wizara ya Afya, Dkt. Grace Magembe wakati akifungua mafunzo kwa wataalaamu wa afya ya akili yaliyofanyika mkoani Dodoma yenye lengo la kuongeza huduma za kinga na matibabu kwa waraibu.


“Matumizi ya pombe yaliyokithiri ni miongoni mwa changamoto zinazopaswa kupewa kipaumbele, hasa kutokana na vijana kuanza kutumia pombe katika umri mdogo ambapo hali hiyo inaweza kuathiri masomo, kazi, mahusiano ya kifamilia na uwezo wa vijana kushiriki kikamilifu katika shughuli za jamii” alisema Dkt. Magembe.


Alisema kuwa matumizi yaliyokithiri ya pombe na dawa za kulevya yanachangia vitendo vya ukatili na migogoro katika jamii, huku akisisitiza kuwa mtu anapofikia hatua ya utegemezi mkubwa wa vilevi, kumsaidia kuacha si jambo rahisi na kunahitaji wataalamu, matibabu, muda pamoja na ushirikiano wa familia na jamii na jamii inayomzunguka. 



Alisema kuwa, serikali imeendelea kuongeza vituo vinavyotibu uraibu kutoka kituo 1 hadi vituo 14 na huduma hizo kwa sasa zinaendelea kusogezwa ngazi za chini walipo wananchi ambapo amesisitiza kuwa huduma hizi zitolewe bila unyanyapaa wala ubaguzi na kushirikiana na wamiliki wa vituo vya utengemao (Sober houses) ili kuwafikia waathirika wengi zaidi. 

 

Kwa upande wake, Mkurugenzi wa Huduma Tiba Wizara ya Afya, Dkt. Hamadi Nyembea alisema kuwa mafunzo hayo yatasaidia jamii kwakuwa yanakwenda kutolewa kwa wataalamu wa afya katika mikoa 17, hususan katika maeneo yenye matumizi makubwa ya pombe. 

 


Mwisho, alisema kuwa jukumu la wataalamu wa afya ni kuwatambua wenye changamoto mapema, kutoa huduma za awali na kuwapeleka katika vituo vya ngazi za juu pale wanapohitaji huduma za kibingwa zaidi, hatua itakayosaidia wananchi kupata huduma kwa wakati na karibu na maeneo wanayoishi.

 

Serikali imesisitiza kuwa watu wenye changamoto za afya ya akili hawapaswi kunyanyapaliwa wala kutengwa, bali wanapaswa kusikilizwa, kusaidiwa na kupewa nafasi ya kurejea katika maisha ya kawaida, matibabu ya afya ya akili si dawa pekee, bali yanapaswa kuhusisha familia, jamii na mazingira ambayo mgonjwa anaishi.

 

Comments

Post a Comment

Popular Posts

Baraza la Madiwani Jiji la Dodoma lapitisha taarifa ya ufungaji hesabu 2025/2026

By Halmashauri ya Jiji la Dodoma
Image
Na. Manase Malima, DODOMA Baraza la Madiwani la Halmashauri ya Jiji la Dodoma limeridhia na kuthibitisha taarifa ya ufungaji wa hesabu za halmashauri za hadi kufikia tarehe 30 Juni, 2026 huku madiwani wakisisitiza umuhimu wa kuendeleza uwazi na uwajibikaji katika uongozi na usimamizi wa fedha za umma. Taarifa hiyo iliwasilishwa katika mkutano maalum wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma, ambapo Mkuu wa kitengo cha Fedha na Uhasibu, CPA. David Rubibira aliwasilisha taarifa hiyo kwa ajili ya kuhakikiwa na kuthibitishwa na baraza. CPA. Rubibira alisema kuwa taarifa za ufungaji wa hesabu za halmashauri kwa tarehe 30 Juni, 2026 ikiwa ni sehemu ya utaratibu wa kuwasilisha taarifa za kifedha kwa ajili ya kuhakikisha kuwa taarifa za halmashauri zinaakisi hali halisi ya matumizi na usimamizi wa fedha. Kwa upande wake, Diwani wa Kata ya Zuzu, Jenesta Malingo alisema kuwa ameridhishwa na taarifa hiyo na anaamini kuwa uwazi katika uwasil...
Read more

Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU   Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo. Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya. “Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri. Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ...
Read more

Wilaya ya Dodoma kutumia vyombo vya habari katika kampeni ya dhidi ya chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU Wilaya ya Dodoma imeweka mkakati wa kutumia vyombo vya habari, viongozi wa dini, shule na kampuni za simu ili kuwahamasisha wazazi kuwapeleka watoto kupata chanjo salama dhidi ya ugonjwa wa Polio, lengo likiwa ni kutokomeza kabisa hatari ya maambukizi ya ugonjwa huo. Akizungumza katika hafla ya uzinduzi wa zoezi hilo katika Shule ya Msingi Nkuhungu, Mkuu wa Wilaya ya Dodoma, Alhaj Jabir Shekimweri, alisema kuwa vipindi vya redio na televisheni, hususani vipindi vya asubuhi, vitatumika kutoa elimu kwa wananchi na kujibu maswali kuhusu umuhimu na usalama wa chanjo hiyo. Alisema kuwa viongozi wa dini nao wamepewa nafasi muhimu katika uhamasishaji huo, kutokana na ushawishi wao katika jamii na uwepo wa watoto katika maeneo ya ibada, ikiwemo ‘Sunday Schools’, madrasa na jumuiya mbalimbali za kidini. “Tumeona pia kupitia eneo hilo kila mtoto wa Tanzania apate nafasi ya kupata chanjo hiyo. Tumewahamasisha shule zote, kamati na bodi za shule kufikisha ujumbe...
Read more