Wananchi wa Hombolo wafurahia ujio wa mji wa kisasa

By Halmashauri ya Jiji la Dodoma

Na. Coletha Charles, DODOMA

Wananchi wa Kata ya Hombolo, jijini Dodoma, wameeleza matumaini makubwa kuhusu Mradi wa Mji wa Kisasa wa Hombolo (HOTSAC), wakiamini kuwa utachochea ukuaji wa uchumi, kuongeza ajira na kuharakisha maendeleo ya eneo hilo.

 


Wakizungumza katika hafla ya utiaji saini mkataba wa kufanya upembuzi yakinifu na kuandaa Mpango Kabambe wa HOTSAC, iliyofanyika Chinangali Park, Kata ya Chamwino, wananchi hao walisema wanatarajia kunufaika na fursa zitakazotokana na mradi huo.

Diwani wa Kata ya Hombolo Bwawani, Asedi Ndajiro alisema kuwa wananchi wamekuwa na matarajio makubwa ya mradi huo kwa muda mrefu, wakiamini kuwa utasaidia kutatua changamoto mbalimbali zinazowakabili.

Alisema kuwa mradi huo unatarajiwa kufungua fursa za ajira na kuharakisha maendeleo ya eneo hilo, huku wananchi wakisubiri kwa hamu kuanza kwa utekelezaji wake.

Aliongeza kuwa ni muhimu wananchi washirikishwe katika utekelezaji wa mradi huo ili kuhakikisha wanapata nafasi ya kunufaika na fursa zitakazojitokeza katika hatua mbalimbali za maendeleo.

Kwa upande wake, mkazi wa Mtaa wa Hombolo Bwawani B, Helena Mgonela aliishukuru Serikali inayoongozwa na Rais Dk. Samia Suluhu Hassan kwa kuileta fursa hiyo katika eneo la Hombolo.

 

Alisema kuwa wananchi wameupokea mradi huo kwa furaha na matumaini, huku akiutakia mafanikio ili utekelezwe kwa kuzingatia mipango iliyowekwa na hatimaye kuleta maendeleo kwa wakazi wa eneo hilo.

Naye mkazi wa Mtaa wa Zepisa, Kata ya Hombolo Bwawani, Zakaria Sajiro alisema kuwa mradi huo ni fursa muhimu inayotarajiwa kubadilisha maisha ya wananchi wanaozunguka eneo hilo.

Alisema kuwa matarajio yao ni kuona wananchi wa kawaida wakiguswa na kunufaika na maendeleo yatakayotokana na mradi huo, huku akieleza kufurahishwa na hatua iliyofikiwa katika maandalizi yake.

Kwa ujumla, wananchi hao wameeleza matumaini kuwa utekelezaji wa HOTSAC utaleta mageuzi makubwa Hombolo, kuongeza fursa za kiuchumi na kuboresha maisha yao, huku wakisisitiza umuhimu wa kushirikishwa na kunufaika moja kwa moja na maendeleo yatakayopatikana.

MWISHO

Comments

Post a Comment

Popular Posts

KATA YA CHAMWINO YATEKELEZA AGIZO LA USAFI WA MAZINGIRA

By Halmashauri ya Jiji la Dodoma
Image
Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...
Read more

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

KATA YA CHAMWINO YATOA ELIMU YA UKATILI WA KIJINSIA

By Halmashauri ya Jiji la Dodoma
Image
Na. Dennis Gondwe, CHAMWINO Timu ya wataalam kutoka Kata ya Chamwino yajikita katika utoaji wa elimu ya kupinga vitendo vya ukatili wa kijinsia kwa makundi mbalimbali kwa lengo la kuhakikisha uelewa mpana katika mapambano hayo unaenea kwa jamii. Akielezea maeneo yaliyopewa  kipaumbele na timu hiyo katika kutoa elimu, Afisa Mtendaji kata ya Chamwino, Lucas Nkelege alisema kipaumbele ni kutoa elimu kwa jamii. Alisema kuwa timu hiyo ilijikita katika kuelezea wajibu wa wazazi na walezi katika makuzi ya watoto na sheria inayomlinda mtoto Namba 21 ya mwaka 2009. Maeneo mengine yaliyopewa msisitizo ni umuhimu wa ulinzi wa watoto wa kiume na madhara kwa watoto hao endapo hawatapewa uangalizi wa karibu na hatua za kufanya pale mtoto amapofanyiwa ukatili. Aidha, wazazi na walezi walitaarifiwa uwepo wa kituo cha huduma za pamoja na msaada kwa watoto waliofanyiwa ukatili (one stop center). Nkelege alisema kuwa timu shirikishi ya wataalamu ya Kata ya Chamwino iliongozwa na Afisa Mtendaj...
Read more