Hombolo Satellite City kuibadilisha Dodoma, mradi wa mji wa kisasa wachukua sura mpya

By Halmashauri ya Jiji la Dodoma

Na. Coletha Charles, DODOMA

Jiji la Dodoma linatarajia kupata sura mpya kupitia mradi wa Mji wa Kisasa wa Hombolo (HOTSAC), kufuatia kusainiwa kwa mkataba wa upembuzi yakinifu na uandaaji wa Mpango Kabambe.



Mkataba huo umesainiwa Chinangali Park, Kata ya Chamwino, jijini Dodoma, katika hafla iliyohudhuriwa na Mkuu wa Mkoa, viongozi mbalimbali, wawekezaji na wawakilishi wa taasisi za umma na binafsi.

Mkurugenzi wa Jiji la Dodoma, Dkt. Frederick Sagamiko alisema kuwa utekelezaji wa mpango huo utakuwa chachu ya mabadiliko makubwa yatakayoiwezesha Dodoma kuendana na hadhi yake kama makao makuu ya nchi.

Alisema kuwa maandalizi yaliyoanza mwishoni mwa mwaka 2024 yalihusisha tafiti na ziara za mafunzo katika mataifa mbalimbali, ikiwemo Korea, hatua iliyoongeza uelewa na uwezo wa wataalamu wa ndani.



Alisema kuwa sekta binafsi itakuwa mhimili wa utekelezaji, huku taasisi za fedha zikionesha mwitikio mkubwa wa kushiriki katika uwekezaji na kufadhili fursa zitakazotokana na mpango huo.

Kwa upande wake, Mratibu wa Mradi wa Mji wa kisasa wa Hombolo Halmashauri ya Jiji la Dodoma, Azor William alisema kuwa wazo hilo limechochewa na kasi kubwa ya ukuaji wa jiji.

 

Alisema kuwa kuhamia kwa Serikali kutoka Dar es Salaam kwenda Dodoma kumeongeza mahitaji ya ardhi, makazi, biashara na huduma mbalimbali, hivyo kuhitajika eneo litakalokidhi mahitaji hayo ya baadaye.

William alisema kuwa Hombolo inalenga kuwa kitovu cha utalii kupitia dhana ya ‘Country within the City na Global Village’, zitakazokusanya vivutio vya Tanzania pamoja na tamaduni za mataifa mbalimbali.



Nae, Mkazi wa Mtaa wa Zepisa, Kata ya Hombolo Makulu, Emmanuel Mlemeta aliishauri Serikali kuongeza juhudi kuhakikisha mradi unatekelezwa kwa wakati na wananchi wananufaika na fursa zitakazotokana na Mradi huo.

Mradi huo utazingatia maendeleo endelevu na mahitaji ya vizazi vijavyo, huku wananchi wa kata tano zinazohusika wakitarajiwa kutoa maoni na kushiriki katika maandalizi ya mpango kabambe wa Mradi huo.

Comments

Post a Comment

Popular Posts

KATA YA CHAMWINO YATEKELEZA AGIZO LA USAFI WA MAZINGIRA

By Halmashauri ya Jiji la Dodoma
Image
Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...
Read more

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

KATA YA CHAMWINO YATOA ELIMU YA UKATILI WA KIJINSIA

By Halmashauri ya Jiji la Dodoma
Image
Na. Dennis Gondwe, CHAMWINO Timu ya wataalam kutoka Kata ya Chamwino yajikita katika utoaji wa elimu ya kupinga vitendo vya ukatili wa kijinsia kwa makundi mbalimbali kwa lengo la kuhakikisha uelewa mpana katika mapambano hayo unaenea kwa jamii. Akielezea maeneo yaliyopewa  kipaumbele na timu hiyo katika kutoa elimu, Afisa Mtendaji kata ya Chamwino, Lucas Nkelege alisema kipaumbele ni kutoa elimu kwa jamii. Alisema kuwa timu hiyo ilijikita katika kuelezea wajibu wa wazazi na walezi katika makuzi ya watoto na sheria inayomlinda mtoto Namba 21 ya mwaka 2009. Maeneo mengine yaliyopewa msisitizo ni umuhimu wa ulinzi wa watoto wa kiume na madhara kwa watoto hao endapo hawatapewa uangalizi wa karibu na hatua za kufanya pale mtoto amapofanyiwa ukatili. Aidha, wazazi na walezi walitaarifiwa uwepo wa kituo cha huduma za pamoja na msaada kwa watoto waliofanyiwa ukatili (one stop center). Nkelege alisema kuwa timu shirikishi ya wataalamu ya Kata ya Chamwino iliongozwa na Afisa Mtendaj...
Read more