DC Shekimweri ataka wananchi washirikishwe katika ujenzi wa Mji wa Kisasa Hombolo

By Halmashauri ya Jiji la Dodoma

Na. Coletha Charles, DODOMA

Wananchi, sekta binafsi na makundi mbalimbali wametakiwa kushirikishwa katika maandalizi ya Mji wa Kisasa wa Hombolo (HOTSAC), ili wanufaike na fursa za kiuchumi zitakazotokana na mradi huo.



Wito huo umetolewa na Mkuu wa Wilaya ya Dodoma, Alhaj Jabiri Shekimweri, wakati wa hafla ya utiaji saini mkataba wa upembuzi yakinifu na uandaaji wa Mpango Kabambe wa Hombolo, Chinangali Park, jijini Dodoma.

Alisema kuwa mradi huo unatarajiwa kufungua fursa za ajira, biashara, ujenzi, viwanda na huduma, hivyo wananchi wanapaswa kujiandaa mapema kuzitumia fursa hizo wakati wa utekelezaji na baada ya kukamilika.

Alisisitiza kuwa umuhimu wa kuandaa mpango wa usimamizi wa wadau na kushirikisha wataalamu wa ardhi ili kudhibiti matumizi yasiyopangwa, kuzuia migogoro na kuhakikisha maendeleo yanazingatia Mpango Kabambe wa Hombolo.

 


Kwa upande wake, Mkazi wa Kata ya Hombolo Makulu, Jiji la Dodoma Agness Matiko alisema kuwa mradi huo unatarajiwa kuleta maendeleo kwa wakazi wa eneo hilo, akisisitiza umuhimu wa kuwashirikisha katika hatua za maandalizi yake.

Aliongeza kuwa wananchi wanatarajia kupata elimu kuhusu fursa zitakazotokana na mradi huo, hususan ajira, biashara na uwekezaji, ili waweze kujiandaa mapema na kushiriki kikamilifu katika maendeleo ya Hombolo.

Mafanikio ya mradi huo yatategemea ushirikiano wa viongozi, wataalamu na wananchi, akihimiza kila mdau kutimiza wajibu wake ili kuhakikisha Hombolo inakuwa kitovu kipya cha maendeleo, uwekezaji na ukuaji wa uchumi jijini Dodoma.




Comments

Post a Comment

Popular Posts

KATA YA CHAMWINO YATEKELEZA AGIZO LA USAFI WA MAZINGIRA

By Halmashauri ya Jiji la Dodoma
Image
Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...
Read more

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

KATA YA CHAMWINO YATOA ELIMU YA UKATILI WA KIJINSIA

By Halmashauri ya Jiji la Dodoma
Image
Na. Dennis Gondwe, CHAMWINO Timu ya wataalam kutoka Kata ya Chamwino yajikita katika utoaji wa elimu ya kupinga vitendo vya ukatili wa kijinsia kwa makundi mbalimbali kwa lengo la kuhakikisha uelewa mpana katika mapambano hayo unaenea kwa jamii. Akielezea maeneo yaliyopewa  kipaumbele na timu hiyo katika kutoa elimu, Afisa Mtendaji kata ya Chamwino, Lucas Nkelege alisema kipaumbele ni kutoa elimu kwa jamii. Alisema kuwa timu hiyo ilijikita katika kuelezea wajibu wa wazazi na walezi katika makuzi ya watoto na sheria inayomlinda mtoto Namba 21 ya mwaka 2009. Maeneo mengine yaliyopewa msisitizo ni umuhimu wa ulinzi wa watoto wa kiume na madhara kwa watoto hao endapo hawatapewa uangalizi wa karibu na hatua za kufanya pale mtoto amapofanyiwa ukatili. Aidha, wazazi na walezi walitaarifiwa uwepo wa kituo cha huduma za pamoja na msaada kwa watoto waliofanyiwa ukatili (one stop center). Nkelege alisema kuwa timu shirikishi ya wataalamu ya Kata ya Chamwino iliongozwa na Afisa Mtendaj...
Read more