Dodoma yaweka historia kwa utiaji saini mkataba wa huduma za ushauri elekezi kidigitali

By Halmashauri ya Jiji la Dodoma

Na. Coletha Charles, DODOMA

Halmshauri ya Jiji la Dodoma na Kampuni ya Heerim Architects & Planners ya Korea Kusini zimesaini mkataba wa upembuzi yakinifu na uandaaji wa Mpango Kabambe wa Mji wa Kisasa wa Hombolo (HOTSAC).



Utiaji saini huo umefanyika Chinangali Park, Kata ya Chamwino, jijini Dodoma, kwa njia ya kidijitali, ukiashiria hatua mpya katika matumizi ya teknolojia kwenye shughuli za kiutawala na miradi ya maendeleo.

Mkurugenzi wa Jiji la Dodoma, Dkt. Frederick Sagamiko alisema kuwa utaratibu huo unaonesha mabadiliko kutoka matumizi ya nyaraka za karatasi kwenda mifumo ya kidijitali, kwa kuzingatia matakwa ya sheria kikamilifu.

Alisema kuwa maandalizi ya mradi yalihusisha tafiti na ziara za mafunzo katika nchi mbalimbali, zilizolenga kuongeza uwezo wa wataalamu wa ndani kutoa ushauri na kushiriki kikamilifu katika uandaaji wa mpango mpya.

Kwa upande wake, Mwenyekiti wa Heerim Architects & Planners, Young Kyoon Jeong alisema kuwa kampuni hiyo italeta utaalamu na uzoefu wa kimataifa katika usanifu na upangaji wa mji wa kisasa na kidigitali duniani.



Jeong alisema kuwa Heerim itatumia uwezo wake wote wa kitaalamu kuandaa miundombinu inayokidhi viwango vya kimataifa, huku ikiheshimu urithi wa eneo husika na kuzingatia uhifadhi wa mazingira rafiki.

Nae, Mratibu wa Mradi wa Mji wa Kisasa Hombolo, Azor William alisema kuwa eneo linalopangwa kuendelezwa lina ukubwa wa hekta 24,000, likilenga kuunganisha Uwanja wa Ndege wa Msalato, Mji wa Serikali na Bandari kavu kwa pamoja.

Alisema kuwa eneo hilo limepangwa kuwa Smart City, lenye teknolojia za kisasa, mifumo jumuishi ya usafiri, matumizi ya nishati mbadala na miundombinu inayozingatia uhifadhi wa mazingira.

Aliongeza kuwa utekelezaji utatumia mfumo wa ubia kati ya sekta ya umma na binafsi (PPP), huku wawekezaji wakitarajiwa kuchangamkoa fursa katika utekelezaji wa mradi huo.

Mkataba huo umesainiwa na Mkurugenzi wa Jiji la Dodoma pamoja na Mwanasheria wa Jiji la Dodoma kwa upande wa serikali, huku Kampuni ya Heerim Architects & Planners ikiwakilishwa na Mwenyekiti wake, Young Kyoon Jeong.

MWISHO

Comments

Post a Comment

Popular Posts

KATA YA CHAMWINO YATEKELEZA AGIZO LA USAFI WA MAZINGIRA

By Halmashauri ya Jiji la Dodoma
Image
Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...
Read more

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

KATA YA CHAMWINO YATOA ELIMU YA UKATILI WA KIJINSIA

By Halmashauri ya Jiji la Dodoma
Image
Na. Dennis Gondwe, CHAMWINO Timu ya wataalam kutoka Kata ya Chamwino yajikita katika utoaji wa elimu ya kupinga vitendo vya ukatili wa kijinsia kwa makundi mbalimbali kwa lengo la kuhakikisha uelewa mpana katika mapambano hayo unaenea kwa jamii. Akielezea maeneo yaliyopewa  kipaumbele na timu hiyo katika kutoa elimu, Afisa Mtendaji kata ya Chamwino, Lucas Nkelege alisema kipaumbele ni kutoa elimu kwa jamii. Alisema kuwa timu hiyo ilijikita katika kuelezea wajibu wa wazazi na walezi katika makuzi ya watoto na sheria inayomlinda mtoto Namba 21 ya mwaka 2009. Maeneo mengine yaliyopewa msisitizo ni umuhimu wa ulinzi wa watoto wa kiume na madhara kwa watoto hao endapo hawatapewa uangalizi wa karibu na hatua za kufanya pale mtoto amapofanyiwa ukatili. Aidha, wazazi na walezi walitaarifiwa uwepo wa kituo cha huduma za pamoja na msaada kwa watoto waliofanyiwa ukatili (one stop center). Nkelege alisema kuwa timu shirikishi ya wataalamu ya Kata ya Chamwino iliongozwa na Afisa Mtendaj...
Read more