Wakazi Mtaa wa Mazengo wapatiwa elimu ya Lishe

By Halmashauri ya Jiji la Dodoma

Na. Ramadhani Mohammed, ZUZU

Wakazi wa Mtaa wa Mazengo, Kata ya Zuzu jijini Dodoma, wamepatiwa elimu kuhusu umuhimu wa lishe bora kwa watoto, ikiwa ni sehemu ya kuongeza uelewa wa jamii kuhusu ulaji wa vyakula vyenye virutubishi muhimu kwa ukuaji na maendeleo ya watoto.


Akizungumza baada ya kupata elimu hiyo, mkazi wa Mtaa wa Mazengo, Dorice Robert Mwibala alisema kuwa elimu hiyo imewasaidia kufahamu mambo mbalimbali ambayo awali hawakuwa wakiyajua kuhusu lishe ya watoto, huku akieleza kuwa itakuwa na manufaa kwa watoto na wajukuu wao.

Alisema kuwa elimu hiyo imewafurahisha kwa kuwa imewapa uelewa muhimu kuhusu namna ya kuzingatia lishe bora kwa watoto, jambo analoona linaweza kusaidia kuboresha afya na maendeleo yao.

Kwa upande wake, mkazi wa Dodoma, Ibrahimu Mgeni alisema kuwa elimu hiyo atawafikishia watu wake wa karibu ili nao waweze kufahamu umuhimu wa lishe bora, huku akiomba elimu kama hiyo iendelee kutolewa mara kwa mara katika jamii.


Mgeni alisema kuwa hakuna jambo bora kwa mtoto kama kupata lishe bora, akieleza kuwa watoto wanaopata lishe nzuri, wakiwemo wanafunzi wa darasa la awali, huwa katika mazingira mazuri ya kujifunza na kupokea yale wanayofundishwa darasani.

Nae Mtendaji wa Mtaa wa Mazengo, Erick Masima aliitaka jamii kuwa na utaratibu wa kujitokeza kwa wingi katika shughuli zinazolenga kutoa elimu ya lishe, akisisitiza kuwa ushiriki wa wananchi ni muhimu katika kuhakikisha elimu hiyo inawafikia watu wengi na kuchangia ustawi wa watoto.

Comments

Post a Comment

Popular Posts

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Jukwaa la Uwezeshaji Wanawake Kiuchumi Wilaya ya Dodoma lapata viongozi wapya kwa miaka mitatu

By Halmashauri ya Jiji la Dodoma
Image
Na. Mwandishi wetu, VIWANDANI   Jukwaa la Uwezeshaji Wanawake Kiuchumi Wilaya ya Dodoma limepata uongozi mpya utakaohudumu kwa kipindi cha miaka mitatu baada ya uchaguzi uliofanyika kwa ushindani mkubwa.   Zoezi hilo limefanyika katika Viwanja vya Nyerere Square, Kata ya Viwandani, jijini Dodoma kwa lengo la kupata uongozi mpya wa ngazi ya wilaya kwa nafasi za mwenyekiti, makamu mwenyekiti, katibu, katibu msaidizi na wawakilishi.   Bhoke Manyori alichaguliwa kuwa Mwenyekiti baada ya kupata kura 54 dhidi ya Elizabeth Kasimila aliyepata kura 50 na kuchaguliwa kuwa Makamu Mwenyekiti.   Nafasi ya Katibu ilichukuliwa na Fatuma Saidi aliyepata kura 82, akifuatiwa na Janeth Bubegwa aliyepata kura 27, huku Joyce Masi akipata kura 13, ambapo Bubegwa akichaguliwa kuwa Katibu Msaidizi.   Katika nafasi ya uwakilishi, Ashura Nguya na Joyce Masi walipitishwa bila kupingwa na kuwa wawakilishi wa Jukwaa la Uwezeshaji Wanawake Kiuchumi Wilaya ya Dodoma. ...
Read more