Jukwaa la mifumo ya chakula lazinduliwa Dodoma

By Halmashauri ya Jiji la Dodoma

Na. Rahma Magona, DODOMA

 

Jukwaa la Mifumo ya Chakula Halmashauri ya Jiji la Dodoma limezinduliwa leo katika Hoteli ya Mesuma jijini Dodoma, likiwa na lengo la kuimarisha uratibu na ushirikiano wa wadau katika kuhakikisha upatikanaji wa chakula bora na salama kwa wananchi.

 


Akizungumza katika uzinduzi huo, Mstahiki Meya wa Halmashauri ya Jiji la Dodoma, Alimwoni Chaula, alisema kuwa jukwaa hilo litakuwa chombo cha uratibu kitakachowaunganisha wadau mbalimbali kwa ajili ya kubadilishana maarifa, uzoefu na rasilimali, pamoja na kutafuta suluhisho endelevu za changamoto zinazoweza kujitokeza katika mfumo wa chakula.

 

Alisema kuwa Halmashauri ya Jiji la Dodoma inaendelea kukua kwa kasi, hali inayoambatana na ongezeko la mahitaji ya chakula bora na salama, huku mfumo wa chakula ukitegemea uzalishaji kutoka katika mikoa mbalimbali nchini, ikiwemo Mbeya, Iringa na Morogoro.

 


Chaula alisisitiza kuwa changamoto katika mfumo wa chakula inahusisha mnyororo mzima kuanzia uzalishaji, usafirishaji, usindikaji, masoko hadi matumizi ya chakula, hivyo jukwaa hilo litasaidia wadau kushirikiana katika kuzitafutia suluhisho endelevu.

 

Alisema kuwa mafanikio ya jukwaa hilo yanategemea ushirikiano wa kila mdau, huku serikali ikiahidi kutoa ushirikiano na kuweka mazingira wezeshi kwa sekta mbalimbali katika kuhakikisha lengo la kuwa na chakula bora na salama kwa wananchi wa Jiji la Dodoma linafikiwa.

Comments

Post a Comment

Popular Posts

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Wananchi Dodoma wahimizwa kufanya usafi wa Mazingira kila siku

By Halmashauri ya Jiji la Dodoma
Image
Na. Amoni Sambulila, MSALATO Wananchi mkoani Dodoma wamehimizwa kufanya usafi   wa mazingira kila siku na kuhakikisha mazingira yanayowazunguka yanakuwa safi na salama kwa afya na ustawi wa jamii. Akizungumza wakati wa uzinduzi wa Kampeni ya Usafi wa Mazingira mkoani Dodoma, uliofanyika katika eneo la Mnada wa Msalato, Mkuu wa Mkoa wa Dodoma, Rosemary Senyemule alisema kuwa kufanya usafi ni wajibu wa kila mwananchi na si jukumu la taasisi au mamlaka pekee. Aliongeza Kwa kuwataka wananchi kushiriki kikamilifu katika shughuli za usafi, kutunza maeneo yao na kuendelea kuzingatia usafi wa mazingira katika maisha yao ya kila siku. Kwa upande wake, mwananchi wa Msalato, Juma Ally alisema kuwa ushiriki wa jamii ni muhimu katika kuhakikisha kampeni hiyo inakuwa na matokeo chanya na kuleta mabadiliko katika maeneo mbalimbali. Nae, mwananchi wa Msalato, Neema Ramadhani aliwahimiza wananchi kufanya usafi kuwa sehemu ya maisha yao ya kila siku, ikiwemo kutunza maeneo ya makazi na maene...
Read more