Meya Chaula azindua Jukwaa la Mfumo wa Chakula Jiji la Dodoma

By Halmashauri ya Jiji la Dodoma

Na. Mwandishi wetu, DODOMA

 

Mstahiki Meya wa Jiji la Dodoma, Alimwoni Chaula, amezindua rasmi Jukwaa la Wadau wa Mfumo wa Chakula katika Jiji la Dodoma kupitia Mradi wa ‘Growing Together’ unaotekelezwa na Taasisi ya Rikolto, kwa lengo la kuwakutanisha wadau mbalimbali na kujadili namna ya kuhakikisha upatikanaji wa chakula salama na chenye lishe katika Jiji la Dodoma.

 


Uzinduzi huo uliofanyika katika Ukumbi wa Hoteli ya Mesuma, umewakutanisha wadau mbalimbali wa mfumo wa chakula, wakiwemo wakulima, wafanyabiashara, wawakilishi wa makampuni mbalimbali, taasisi na wadau wa Halmashauri ya Jiji la Dodoma, kwa ajili ya kujadili kwa pamoja fursa na changamoto zinazohusu uzalishaji, upatikanaji na uhifadhi wa chakula.

 

Akizungumza wakati wa uzinduzi huo Meya Chaula alisema kuwa masuala ya mfumo wa chakula hayawezi kutekelezwa na mtu mmoja, bali yanahitaji ushirikiano kati ya serikali, sekta binafsi na wadau wengine, hususan kutokana na kasi ya ukuaji wa Jiji la Dodoma inayoongeza mahitaji ya chakula salama na chenye lishe.

 

“Masuala ya mfumo wa chakula hayawezi kufanywa na mtu mmoja, bali yanahitaji ushirikiano wa Serikali na sekta binafsi. Halmashauri ya Jiji la Dodoma kwa kushirikiana na Taasisi ya Rikolto kupitia Mradi wa Growing Together tumezindua jukwaa hili litakalowakutanisha wadau mbalimbali wa mfumo wa chakula, na Halmashauri itaendelea kutoa ushirikiano mkubwa kuhakikisha Jiji la Dodoma linapata chakula salama na chenye lishe” alisema Chaula.

 


Kwa upande wake, Mkurugenzi Mtendaji wa Rikolto Afrika Mashariki, Kain Mvanda, alisema kuwa miji inayokua kwa kasi hukumbwa na ongezeko la watu na mahitaji ya chakula huongezeka hivyo ni muhimu kwa wadau kukutana na kujadili namna bora ya kuboresha uzalishaji, utunzaji na usalama wa chakula. Alisema jukwaa hilo litasaidia kuimarisha ushirikiano na kuleta pamoja wadau mbalimbali wa chakula.

 

Jukwaa hilo linatarajiwa kuwa sehemu muhimu ya kuimarisha ushirikiano kati ya serikali, wakulima, wafugaji, wafanyabiashara na wadau wengine wa mfumo wa chakula, kwa lengo la kuboresha uzalishaji na kuhakikisha chakula salama na chenye lishe kinapatikana kwa wananchi wa Jiji la Dodoma.

Comments

Post a Comment

Popular Posts

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Jukwaa la Uwezeshaji Wanawake Kiuchumi Wilaya ya Dodoma lapata viongozi wapya kwa miaka mitatu

By Halmashauri ya Jiji la Dodoma
Image
Na. Mwandishi wetu, VIWANDANI   Jukwaa la Uwezeshaji Wanawake Kiuchumi Wilaya ya Dodoma limepata uongozi mpya utakaohudumu kwa kipindi cha miaka mitatu baada ya uchaguzi uliofanyika kwa ushindani mkubwa.   Zoezi hilo limefanyika katika Viwanja vya Nyerere Square, Kata ya Viwandani, jijini Dodoma kwa lengo la kupata uongozi mpya wa ngazi ya wilaya kwa nafasi za mwenyekiti, makamu mwenyekiti, katibu, katibu msaidizi na wawakilishi.   Bhoke Manyori alichaguliwa kuwa Mwenyekiti baada ya kupata kura 54 dhidi ya Elizabeth Kasimila aliyepata kura 50 na kuchaguliwa kuwa Makamu Mwenyekiti.   Nafasi ya Katibu ilichukuliwa na Fatuma Saidi aliyepata kura 82, akifuatiwa na Janeth Bubegwa aliyepata kura 27, huku Joyce Masi akipata kura 13, ambapo Bubegwa akichaguliwa kuwa Katibu Msaidizi.   Katika nafasi ya uwakilishi, Ashura Nguya na Joyce Masi walipitishwa bila kupingwa na kuwa wawakilishi wa Jukwaa la Uwezeshaji Wanawake Kiuchumi Wilaya ya Dodoma. ...
Read more