DC Shekimweri aagiza kusafisha mitaro kukabili Mvua za El Nino

By Halmashauri ya Jiji la Dodoma

Na. Mwandishi wetu, DODOMA

 

TANROADS, TARURA na wananchi wameagizwa kushirikiana kusafisha mitaro, makalavati na njia za maji katika maeneo hatarishi, Kukabiliana na mvua kubwa zinazotarajiwa za El Nino na kuzuia mafuriko.

 


Agizo hilo limetolewa na Mkuu wa Wilaya ya Dodoma, Alhaj Jabir Shekimweri wakati akikagua maeneo mbalimbali yanayoweza kuathiriwa na mvua kubwa katika Kata za Nzuguni, Makole, Ipagala na Kiwanja cha Ndege Jiji la Dodoma.

 

Alisema kuwa maandalizi ya mapema ni muhimu katika kupunguza madhara yanayoweza kusababishwa na mvua hizo, ikiwemo mafuriko, maji kutuama, kuharibika kwa miundombinu pamoja na kuathiri makazi na shughuli za wananchi.

 

Shekimweri alisema kuwa usafishaji wa mitaro mikubwa unapaswa kufanyika kwa wakati, huku taka, udongo na vitu vingine vinavyoweza kuzuia mtiririko wa maji vikiondolewa kabla mvua kubwa hazijaanza.


“Ni muhimu kufanya maandalizi mapema badala ya kusubiri mvua zianze. Mitaro mikubwa lazima isafishwe na maeneo ambayo yana changamoto yatambuliwe ili hatua zichukuliwe kwa wakati,” alisema Alhaj. Shekimweri.

 

Alisisitiza kuwa taasisi zinazohusika zinapaswa kufanya kazi kwa ushirikiano, kuhakikisha mitaro, makalavati na njia za maji zinakuwa katika hali inayowezesha maji kupita kwa urahisi wakati wa mvua.

 

Aidha, aliwataka wananchi kuacha kutupa taka kwenye mitaro na njia za maji, akisema tabia hiyo inaweza kuziba mifumo ya maji na kuongeza hatari ya mafuriko.

 

Aliongeza kuwa serikali itaendelea kufuatilia maeneo yenye changamoto na kuhakikisha hatua stahiki zinachukuliwa kwa wakati, huku wananchi wakitakiwa kushiriki katika usafi wa mazingira na kutoa taarifa kuhusu maeneo yanayohitaji uingiliaji wa haraka.

 


Ziara hiyo ni sehemu ya maandalizi ya kukabiliana na athari zinazoweza kusababishwa na mvua kubwa, kwa kuimarisha mifumo ya maji na kuhakikisha maeneo hatarishi yanachukuliwa hatua kabla ya mvua kuanza.

Comments

Post a Comment

Popular Posts

Kata ya Matumbulu wanufaika na Mil. 114.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 114.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 114.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albe...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more