Wananchi Dodoma watakiwa kujiunga na Bima ya Afya kwa Wote

By Halmashauri ya Jiji la Dodoma

Na. Coletha Charles, MAJENGO

 

Mkoa wa Dodoma umezindua rasmi awamu ya pili ya Bima ya Afya kwa Wote, ukilenga kuongeza upatikanaji wa huduma za matibabu na kupunguza gharama zinazobebwa na wananchi wanapougua.

 


Akizungumza katika uzinduzi uliofanyika katika Soko la Wazi la Machinga, Kata ya Majengo, jijini Dodoma Mkuu wa Wilaya ya Dodoma, Alhaj Jabir Shekimweri alisema kuwa ushirikiano wa viongozi na wananchi ni muhimu kuhakikisha mpango huo unatekelezwa kwa mafanikio.

 

Alisema kuwa bima ya afya ni njia muhimu ya kulinda familia dhidi ya gharama za matibabu, akiwataka wananchi kujiunga mapema ili kupata huduma wanapozihitaji badala ya kusubiri kukabiliwa na changamoto za kiafya.

 

“Kila mmoja wetu ana jukumu la kuhakikisha hakuna mwananchi anayeachwa nyuma katika jitihada hizi za bima ya afya. Ugonjwa unaweza kumpata mtu yeyote wakati wowote, sasa fursa hii itumie vizuri,” alisema Alhaj Shekimweri.

 

Aidha, alizitaka halmashauri kufuatilia uandikishaji, upatikanaji wa dawa na ubora wa huduma, huku taarifa zikitumika kutatua changamoto. “Hatupaswi kutoa taarifa kwa lengo la kufurahisha viongozi. Tunapaswa kutoa taarifa za kweli zitakazotuwezesha kubaini mapungufu na kupata utatuzi,” alisema Alhaj Shekimweri.

 

Kwa upande wake, Meneja wa Mkoa wa Mfuko wa Taifa wa Bima ya Afya (NHIF), Irene Kataraihya alisema kuwa huduma za bima zimeendelea kuwafikia watumishi, wafanyabiashara na makundi mbalimbali ya kijamii kupitia mifumo na vifurushi vinavyotolewa.

 


Alisema kuwa wanachama wanapata huduma katika vituo mbalimbali, kuanzia zahanati na vituo vya afya hadi hospitali za wilaya, mkoa na rufaa, zikiwemo Hospitali ya Benjamin Mkapa na Hospitali ya Taifa ya Muhimbili, kwa kuzingatia taratibu husika.

 

Uzinduzi huo unatarajiwa kuongeza mwamko wa wananchi kujiunga na Bima ya Afya kwa Wote, huku mafanikio ya mpango huo yakitegemea ushirikiano wa serikali, NHIF na jamii katika kuhakikisha kila mwananchi anapata huduma bora za matibabu bila kuzuiwa na gharama, hatua inayolenga kulinda afya na ustawi wa familia za Watanzania.

MWISHO

Comments

Post a Comment

Popular Posts

Vikundi vya Kata ya Kizota vyapatiwa elimu ya mikopo ya 10%

By Halmashauri ya Jiji la Dodoma
Image
Na. Mwandishi wetu, KIZOTA   Vikundi vya vijana, wanawake na watu wenye ulemavu katika Kata ya Kizota vimepatiwa elimu kuhusu taratibu za kuomba mikopo ya asilimia 10 ya Halmashauri ya Jiji la Dodoma kwa robo ya pili ya mwaka, inayotarajiwa kutolewa katika kipindi cha mwezi Oktoba, 2026.   Semina hiyo imefanyika katika Ukumbi wa Lechasa, Kata ya Kizota, ikiwa na lengo la kuviandaa vikundi hivyo kuelewa taratibu na masharti ya mikopo hiyo ili viweze kunufaika na fursa zinazotolewa na halmashauri.   Akizungumza katika semina hiyo, Afisa Maendeleo ya Jamii wa Kata ya Kizota, Ilumva Hoka amevihimiza vikundi kuendelea kujiandaa na kujisajili kwa mujibu wa taratibu zilizowekwa ili viweze kutumia fursa hiyo kukuza shughuli zao za kiuchumi.   Amesema kuwa katika kipindi hiki cha mwezi Oktoba, 2026 kiasi cha shilingi bilioni 7.5 kinatarajiwa kutolewa kwa ajili ya mikopo hiyo, huku katika Kata ya Kizota zaidi ya vikundi vitano vikitarajia kuwasilisha maombi ya mi...
Read more

JIJI LA DODOMA LAJA NA TEKNOLOJIA YA NISHATI MBADALA MAONESHO YA NANENANE

By Halmashauri ya Jiji la Dodoma
Image
Na. Dennis Gondwe, DODOMA HALMASHAURI ya Jiji la Dodoma imeanzisha teknolojia ya nishati mbadala ili kuondoa matumizi ya kuni na mkaa kwa wakazi wa mikoa ya kanda ya kati. Afisa Mifugo katika Halmashauri ya Jiji la Dodoma, George Joram Kauli hiyo ilitolewa na Afisa Mifugo katika Halmashauri ya Jiji la Dodoma, George Joram alipokuwa akiongelea teknolojia ya nishati mbadala inayooneshwa katika banda la mifugo Halmashauri ya Jiji la Dodoma. Joram alisema “safari hii tumekuja na teknolojia ya nishati mbadala. Tunazalisha gesi kwa kutumia kinyesi cha ng’ombe. Kinyesi cha ng’ombe tunakikusanya kutoka kwenye banda la ng’ombe tunachanganya kwa mchanganyo wa moja kwa moja. Tunachukua kinyesi cha ng’ombe kwenye ndoo ya lita 20 na maji lita 20 tunachanganya na kuzalisha gesi”. Alisema kuwa baada ya saa 24 bacteria wanazalisha gesi inayoitwa Methane. “Badala ya kutumia mkaa na nishati nyingine kama kuni, unaweza kutumia nishati mbadala ya kutumia gesi ya kinyesi cha mifugo na kulinda na ku...
Read more

Wananchi watakiwa kuunga mkono juhudi za usafi wa Mazingira

By Halmashauri ya Jiji la Dodoma
Image
Na. Ramadhani Mohammed, MIYUJI Mwenyekiti wa Mtaa wa Mtamaa, Kata ya Miyuji mkoani Dodoma, Hapines Joshua amewataka wananchi kuendelea kushirikiana na serikali katika kudumisha usafi wa mazingira ili kuhakikisha Jiji la Dodoma linakuwa safi na salama kwa afya za wakazi wake. Akizungumza wakati wa zoezi la usafi wa mazingira lililofanyika Jumamosi, amesema kuwa ushirikiano kati ya wananchi na serikali ni muhimu katika kufanikisha juhudi za kuboresha usafi wa mazingira, huku akieleza kuwa shughuli hizo zinaendelea kufanyika kila siku katika maeneo mbalimbali, ikiwemo nyumba kwa nyumba. “Wito wangu kwa wananchi, naomba tuendelee kujiandaa na mvua hizi za El Niño na kutunza mazingira kwa sababu kama tunavyojua, mazingira yakiwa machafu kipindi cha mvua kama hizi kunaweza kuwa na milipuko ya magonjwa mbalimbali kama kipindupindu na magonjwa ya tumbo. Kwa hiyo, hamasa yangu ni tuendelee kushirikiana kuhakikisha mazingira yetu yanakuwa safi,” amesema Joshua Kwa upande wake, mwananchi wa...
Read more