NHIF yaachana na utaratibu wa kusubiri wananchi ofisini

By Halmashauri ya Jiji la Dodoma

Na. Mwandishi Wetu, DODOMA

 

Mfuko wa Taifa wa Bima ya Afya (NHIF) wapongezwa kwa hatua ya kuwafuata wananchi katika maeneo yao ili kuwapatia elimu na huduma za afya, badala ya kusubiri wananchi wafike katika ofisi.

 


Hayo aliyasema Mkuu wa Wilaya ya Dodoma, Alhaj Jabiri Shekimweri wakati wa uzinduzi wa Bima ya Afya kwa Wote Awamu ya Pili, Mkoa wa Dodoma, uliofanyika katika Soko la Wazi la Machinga.

 

Alisema kuwa eneo hilo ni muhimu kwa kuwa linakutanisha makundi mbalimbali ya wananchi, wakiwemo wafanyabiashara, madereva na wananchi kwa ujumla.

 

“Niwapongeze NHIF kwa kuchagua eneo hili la Machinga, ambalo lina wananchi wa makundi mbalimbali. Niwaombe muendelee na utaratibu huu wa kuwafuata wananchi katika maeneo yao badala ya kukaa ofisini na kuwasubiri. Hii itasaidia wananchi wengi zaidi kufikiwa na kupata huduma” alisema Alhaj Shekimweri.

 

Aliongeza kuwa hatua hiyo inaonesha umuhimu wa kusogeza huduma karibu na wananchi, hususan wale ambao shughuli zao za kila siku zinaweza kuwapa changamoto ya kufika katika ofisi za huduma.

 


Kwa upande wake, mwananchi wa Kata ya Kizota, Ibrahim Hussein aliishukuru NHIF kwa kusogeza huduma za afya karibu na wananchi, akieleza kuwa huduma hizo haziishii katika upatikanaji wa bima pekee, bali pia zinajumuisha upimaji wa magonjwa mbalimbali na utoaji wa ushauri wa afya.

 

“Awali ya yote, tunashukuru kwa huduma mnazoendelea kutupatia katika maeneo yetu. Mbali na kupata elimu kuhusu bima ya afya, tunapata pia fursa ya kupima magonjwa mbalimbali na kupata ushauri wa afya. Tunawashukuru sana kwa kutufikia katika maeneo yetu” alisema Hussein.

 

Uzinduzi huo ni sehemu ya juhudi za kusogeza huduma za bima ya afya karibu na wananchi, kuongeza uelewa kuhusu umuhimu wa kuwa na bima ya afya na kuhamasisha makundi mbalimbali kushiriki katika mfumo wa huduma za afya.

Comments

Post a Comment

Popular Posts

Vikundi vya Kata ya Kizota vyapatiwa elimu ya mikopo ya 10%

By Halmashauri ya Jiji la Dodoma
Image
Na. Mwandishi wetu, KIZOTA   Vikundi vya vijana, wanawake na watu wenye ulemavu katika Kata ya Kizota vimepatiwa elimu kuhusu taratibu za kuomba mikopo ya asilimia 10 ya Halmashauri ya Jiji la Dodoma kwa robo ya pili ya mwaka, inayotarajiwa kutolewa katika kipindi cha mwezi Oktoba, 2026.   Semina hiyo imefanyika katika Ukumbi wa Lechasa, Kata ya Kizota, ikiwa na lengo la kuviandaa vikundi hivyo kuelewa taratibu na masharti ya mikopo hiyo ili viweze kunufaika na fursa zinazotolewa na halmashauri.   Akizungumza katika semina hiyo, Afisa Maendeleo ya Jamii wa Kata ya Kizota, Ilumva Hoka amevihimiza vikundi kuendelea kujiandaa na kujisajili kwa mujibu wa taratibu zilizowekwa ili viweze kutumia fursa hiyo kukuza shughuli zao za kiuchumi.   Amesema kuwa katika kipindi hiki cha mwezi Oktoba, 2026 kiasi cha shilingi bilioni 7.5 kinatarajiwa kutolewa kwa ajili ya mikopo hiyo, huku katika Kata ya Kizota zaidi ya vikundi vitano vikitarajia kuwasilisha maombi ya mi...
Read more

JIJI LA DODOMA LAJA NA TEKNOLOJIA YA NISHATI MBADALA MAONESHO YA NANENANE

By Halmashauri ya Jiji la Dodoma
Image
Na. Dennis Gondwe, DODOMA HALMASHAURI ya Jiji la Dodoma imeanzisha teknolojia ya nishati mbadala ili kuondoa matumizi ya kuni na mkaa kwa wakazi wa mikoa ya kanda ya kati. Afisa Mifugo katika Halmashauri ya Jiji la Dodoma, George Joram Kauli hiyo ilitolewa na Afisa Mifugo katika Halmashauri ya Jiji la Dodoma, George Joram alipokuwa akiongelea teknolojia ya nishati mbadala inayooneshwa katika banda la mifugo Halmashauri ya Jiji la Dodoma. Joram alisema “safari hii tumekuja na teknolojia ya nishati mbadala. Tunazalisha gesi kwa kutumia kinyesi cha ng’ombe. Kinyesi cha ng’ombe tunakikusanya kutoka kwenye banda la ng’ombe tunachanganya kwa mchanganyo wa moja kwa moja. Tunachukua kinyesi cha ng’ombe kwenye ndoo ya lita 20 na maji lita 20 tunachanganya na kuzalisha gesi”. Alisema kuwa baada ya saa 24 bacteria wanazalisha gesi inayoitwa Methane. “Badala ya kutumia mkaa na nishati nyingine kama kuni, unaweza kutumia nishati mbadala ya kutumia gesi ya kinyesi cha mifugo na kulinda na ku...
Read more

Wananchi watakiwa kuunga mkono juhudi za usafi wa Mazingira

By Halmashauri ya Jiji la Dodoma
Image
Na. Ramadhani Mohammed, MIYUJI Mwenyekiti wa Mtaa wa Mtamaa, Kata ya Miyuji mkoani Dodoma, Hapines Joshua amewataka wananchi kuendelea kushirikiana na serikali katika kudumisha usafi wa mazingira ili kuhakikisha Jiji la Dodoma linakuwa safi na salama kwa afya za wakazi wake. Akizungumza wakati wa zoezi la usafi wa mazingira lililofanyika Jumamosi, amesema kuwa ushirikiano kati ya wananchi na serikali ni muhimu katika kufanikisha juhudi za kuboresha usafi wa mazingira, huku akieleza kuwa shughuli hizo zinaendelea kufanyika kila siku katika maeneo mbalimbali, ikiwemo nyumba kwa nyumba. “Wito wangu kwa wananchi, naomba tuendelee kujiandaa na mvua hizi za El Niño na kutunza mazingira kwa sababu kama tunavyojua, mazingira yakiwa machafu kipindi cha mvua kama hizi kunaweza kuwa na milipuko ya magonjwa mbalimbali kama kipindupindu na magonjwa ya tumbo. Kwa hiyo, hamasa yangu ni tuendelee kushirikiana kuhakikisha mazingira yetu yanakuwa safi,” amesema Joshua Kwa upande wake, mwananchi wa...
Read more