Jamii yatakiwa kuimarisha ulinzi wa watoto dhidi ya ukatili Dodoma

By Halmashauri ya Jiji la Dodoma

Na. Coletha Charles, MNADANI

 

Wazazi na walezi wametakiwa kuimarisha usimamizi na malezi ya watoto ili kukabiliana na vitendo vya ukatili wa kingono, unyanyasaji na changamoto za afya ya akili zinazohatarisha ustawi wa watoto katika jamii.

 


Wito huo umetolewa na Afisa Ustawi wa Jamii, Aneth Mwambya wakati wa maadhimisho ya SALiKi na Samia Day 2026, yaliyofanyika katika Shule ya Msingi Jitegemee, Kata ya Mnanda, Jiji la Dodoma.

 

Alisema kuwa malezi ya watoto ni jukumu la pamoja linalopaswa kuanzia katika familia, akibainisha kuwa shughuli za kutafuta maendeleo ya kiuchumi hazipaswi kuwafanya wazazi kupuuza usalama na mahitaji ya watoto wao.

 

“Malezi yanaanzia kwenye familia, wazazi tunapaswa kuzungumza na watoto, kuwapa mapenzi ya dhati, kuwafundisha maadili mema na kufuatilia mienendo yao badala ya kutegemea adhabu kali kila wanapokosea,” alisema Mwambya.

 

Aidha, aliongeza kuwa baadhi ya watoto wanakabiliwa na ukatili unaodaiwa kufanywa na watu wa karibu, wakiwamo ndugu na watu wanaoaminika, hali inayohitaji wazazi kuongeza uangalizi na kuchukua hatua wanapobaini viashiria vya hatari.

 

Kwa upande wake, mkazi wa Mtaa Mbwanga, Joyce John alisema kuwa ujumbe uliotolewa umeonesha umuhimu wa jamii kushiriki kikamilifu katika malezi na ulinzi wa watoto, badala ya kusubiri mamlaka za serikali zichukue hatua pekee.

 

Alisema kuwa wazazi wanapaswa kuwa karibu na watoto wao, kufuatilia mienendo yao na kutoa taarifa kwa mamlaka husika wanapobaini viashiria vya ukatili ili kuhakikisha watoto wanakua katika mazingira salama.

 

“Wazazi na walezi tunapaswa kuweka kipaumbele katika malezi bora, kwani ushirikiano wa familia na jamii ni msingi wa kuzuia ukatili na kulinda mustakabali wa watoto,” alisema John.

 

Kwa ujumla, jamii imetakiwa kushirikiana katika malezi na ulinzi wa watoto, kutoa taarifa za ukatili kupitia namba 116 na kuhakikisha manusura wanapata huduma kwa wakati, huku vituo vya afya vikitumika kutoa msaada wa kitabibu, kisaikolojia na kisheria kwa waathirika wa ukatili.

Comments

Post a Comment

Popular Posts

Hai DC yajifunza kuimarisha usafi na usimamizi wa taka Jiji la Dodoma

By Halmashauri ya Jiji la Dodoma
Image
Na. Mwandishi wetu, DODOMA   Viongozi na wataalamu wa Halmashauri ya Wilaya ya Hai mkoani Kilimanjaro wamejifunza mbinu za usafi wa mazingira na usimamizi wa taka katika Jiji la Dodoma kwa lengo la kuboresha usafi na kuimarisha utunzaji wa mazingira.   Ziara hiyo ilijumuisha kutembelea Dampo la Chidaya lililopo Jiji la Dodoma, ambako wajumbe walijifunza taratibu za upokeaji, utenganishaji, usafirishaji na uhifadhi wa taka.   Afisa Uendeshaji wa Dampo, Elias Banyikila alisema kuwa Dodoma huzalisha wastani wa tani 594 za taka kwa siku, huku tani 392 zikipokelewa d Dampo la Chidaya na tani 54 zikirejele­zwa.   Alisema kuwa dampo hilo lina ukubwa wa ekari 48, lakini takribani ekari 12 pekee ndizo zinazotumika, likiwa na miundombinu inayojumuisha uzio, ofisi, mizani, nyumba za walinzi na mitambo.   “Dampo hili linapokea taka za kawaida kutoka majumbani na masokoni, lakini taka hatarishi, ikiwemo za hospitalini, hushughulikiwa kwa utaratibu maalumu,”...
Read more

Kata ya Matumbulu wanufaika na Mil. 114.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 114.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 114.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albe...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more