Elimu changamani yawawezesha vijana walio nje ya mfumo rasmi wa elimu

By Halmashauri ya Jiji la Dodoma

Na. Amoni Sambulila, DODOMA

Halmashauri ya Wilaya ya Chamwino kupitia mpango wa Elimu Changamani kwa Vijana Walio Nje ya Mfumo Rasmi wa Elimu (IPOSA) inaendelea kuwawezesha vijana waliokumbwa na changamoto mbalimbali na kushindwa kuendelea na masomo katika mfumo rasmi wa elimu, kwa kuwapatia elimu, ujuzi wa ujasiriamali na ufundi stadi.



Akizungumza kuhusu mpango huo, Afisa Elimu ya Watu Wazima na Elimu Nje ya Mfumo Rasmi, wa Halmashauri ya Wilaya ya Chamwino, Annamaria Kidunda alisema kuwa IPOSA huwapa vijana walio nje ya mfumo rasmi wa Elimu fursa ya kupata ujuzi wa ujasiriamali na ufundi stadi, ikiwemo ushonaji wa nguo, unaowasaidia kujitegemea na kukabiliana na changamoto za maisha.

Alisema hayo leo, Jumanne, tarehe 18 Agosti, 2026 katika muendelezo wa maadhimisho ya Elimu ya Watu Wazima na Elimu Nje ya Mfumo Rasmi, yanayofanyika Nyerere Square, Jijini Dodoma.

Kwa upande wake Maria Jofrey, mmoja wa wanufaika wa IPOSA, alisema kuwa mpango huo umemsaidia kupata ujuzi mbalimbali wa ujasiriamali, ikiwemo kutengeneza ubuyu, sabuni na tambi, pamoja na mafunzo ya ufundi stadi ya kushona nguo.

Nae Ketina Jumanne, mnufaika wa IPOSA, alisema kuwa mpango huo umekuwa chachu kwa vijana waliokosa fursa ya kuendelea na masomo kutokana na changamoto mbalimbali, ikiwemo kufeli, ujauzito na magonjwa, kwa kuwapa nafasi ya kuendelea kujifunza na kupata ujuzi unaowawezesha kujitegemea.

Kupitia IPOSA, Halmashauri ya Wilaya ya Chamwino inaendelea kutoa fursa kwa vijana walio nje ya mfumo rasmi wa elimu kupata elimu na ujuzi wa ujasiriamali na ufundi stadi, kwa lengo la kuwawezesha kujitegemea na kushiriki kikamilifu katika shughuli za maendeleo ya jamii.

Comments

Post a Comment

Popular Posts

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more

Timu ya Watumishi Jiji la Dodoma waagwa kuelekea SHIMISEMITA

By Halmashauri ya Jiji la Dodoma
Image
  Timu ya Watumishi wa Halmashauri ya Jiji la Dodoma, inayokwenda kushiriki SHIMISEMITA, 2026 jijini Mbeya   imeagwa rasmi na Uongozi wa Halmashauri ya Jiji la Dodoma katika ukumbi wa halmashauri. Katika hafla hiyo, uongozi umeihimiza timu hiyo kwenda kushiriki kwa nidhamu, umoja, ari na ushindani wa hali ya juu, ili kuiwakilisha vema Halmashauri na Jiji la Dodoma na kurudi na ushindi wa kishindo.
Read more

Dodoma Jiji yaifunga Mji Ifakara 41-3 Mpira wa Pete Mashindano ya SHIMISEMITA

By Halmashauri ya Jiji la Dodoma
Image
Na. Mwandishi wetu, MBEYA Timu ya Halmashauri ya Jiji la Dodoma ya Mpira wa Pete Wanawake imeishushia kipigo kizito Timu ya Halmashauri ya Mji Ifakara cha magoli 41-3 katika siku ya pili ya Mashindano ya Shirikisho la Michezo ya Serikali za Mitaa Tanzania (SHIMISEMITA) yanayoendelea jijini Mbeya. Mchezo huo ulianza kwa kasi katika dakika za mwanzo, lakini kadri muda ulivyokuwa ukiendelea Timu ya Halmashauri ya Jiji la Dodoma ilionekana kuumiliki mchezo. Hadi kufikia tamati ya mchezo huo Timu ya Halmashauri ya Jiji la Dodoma iliibuka na ushindi mnono wa magoli 41-3 ya Halmashauri ya Mji Ifakara. Mchezo wa Mpira wa Mikono Wanaume Halmashauri ya Jiji la Dodoma ililazimishwa sare ya 5-5 dhidi ya Halmashauri ya Wilaya ya Magu. Aidha, katika Mchezo wa Mpira wa Kikapu ya Wanaume Halmashauri ya Jiji la Dodoma iliichakaza Timu ya Halmashauri ya Wilaya ya Kibaha kwa vikapu 28-7. Halmashauri ya Dodoma la Jiji iliendeleza kasi kwenye mchezo wa Mpira wa Wavu kwa Wanaume, ikiichapa Ha...
Read more