Chuo Kikuu Huria chaungamkono kaulimbiu ya Kisomo kwa manufaa ya jamii

By Halmashauri ya Jiji la Dodoma

Na. Rahma Magona, DODOMA

 

Chuo Kikuu Huria cha Tanzania kimeeleza namna kinavyotekeleza kaulimbiu ya Maadhimisho ya Juma la Elimu ya Watu Wazima na Elimu Nje ya Mfumo Rasmi kupitia programu mbalimbali zinazolenga kuwapatia wanafunzi maarifa na ujuzi wenye manufaa kwa watu, dunia na ustawi wa jamii.



Maelezo hayo yalitolewa leo tarehe 18 Agosti, 2026 katika maadhimisho ya Juma la Elimu ya Watu Wazima na Elimu Nje ya Mfumo Rasmi yanayofanyika katika Viwanja vya Nyerere Square jijini Dodoma.

Akizungumza katika banda la Chuo Kikuu Huria cha Tanzania, Afisa Udahili wa Chuo Kikuu Huria Tawi la Dodoma, Eliud Asajile alisema kuwa chuo hicho kinakwenda sambamba na kaulimbiu ya maadhimisho hayo kupitia programu zinazolenga kuandaa wanafunzi wenye uwezo wa kukidhi mahitaji ya jamii. “Tuna programu kama ‘Certificate in Social Work’ inayotekeleza kaulimbiu ya ‘Kisomo kwa Manufaa ya Watu, Dunia na Ustawi wa Jamii’, kwa kumpa mwanafunzi maarifa ya kuwasiliana na jamii, kutambua mahitaji yake na kusaidia kuyafikia,” alisema Asajile.

Aliongeza kuwa kupitia programu hiyo, wanafunzi wanajengewa uwezo wa kutumia elimu wanayoipata katika kuisaidia jamii kwa kutambua changamoto na mahitaji yake na kushiriki katika kutafuta njia za kuyatatua.

Kwa upande wake mmoja wa wananchi waliotembelea banda la Chuo Kikuu Huria cha Tanzania, Nassor Juma alisema kuwa maadhimisho hayo yamemsaidia kufahamu zaidi kuhusu fursa za elimu zinazopatikana nje ya mfumo wa kawaida na namna elimu hiyo inavyoweza kumsaidia mtu kujiendeleza kielimu.

Ushiriki wa Chuo Kikuu Huria cha Tanzania katika maadhimisho ya Juma la Elimu ya Watu Wazima na Elimu Nje ya Mfumo Rasmi unaonesha nafasi ya elimu katika kuwawezesha wananchi kupata maarifa na ujuzi unaolenga kukidhi mahitaji ya jamii, huku ukisisitiza umuhimu wa kujifunza kwa maendeleo na ustawi wa jamii.

Comments

Post a Comment

Popular Posts

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more

Timu ya Watumishi Jiji la Dodoma waagwa kuelekea SHIMISEMITA

By Halmashauri ya Jiji la Dodoma
Image
  Timu ya Watumishi wa Halmashauri ya Jiji la Dodoma, inayokwenda kushiriki SHIMISEMITA, 2026 jijini Mbeya   imeagwa rasmi na Uongozi wa Halmashauri ya Jiji la Dodoma katika ukumbi wa halmashauri. Katika hafla hiyo, uongozi umeihimiza timu hiyo kwenda kushiriki kwa nidhamu, umoja, ari na ushindani wa hali ya juu, ili kuiwakilisha vema Halmashauri na Jiji la Dodoma na kurudi na ushindi wa kishindo.
Read more

Dodoma Jiji yaifunga Mji Ifakara 41-3 Mpira wa Pete Mashindano ya SHIMISEMITA

By Halmashauri ya Jiji la Dodoma
Image
Na. Mwandishi wetu, MBEYA Timu ya Halmashauri ya Jiji la Dodoma ya Mpira wa Pete Wanawake imeishushia kipigo kizito Timu ya Halmashauri ya Mji Ifakara cha magoli 41-3 katika siku ya pili ya Mashindano ya Shirikisho la Michezo ya Serikali za Mitaa Tanzania (SHIMISEMITA) yanayoendelea jijini Mbeya. Mchezo huo ulianza kwa kasi katika dakika za mwanzo, lakini kadri muda ulivyokuwa ukiendelea Timu ya Halmashauri ya Jiji la Dodoma ilionekana kuumiliki mchezo. Hadi kufikia tamati ya mchezo huo Timu ya Halmashauri ya Jiji la Dodoma iliibuka na ushindi mnono wa magoli 41-3 ya Halmashauri ya Mji Ifakara. Mchezo wa Mpira wa Mikono Wanaume Halmashauri ya Jiji la Dodoma ililazimishwa sare ya 5-5 dhidi ya Halmashauri ya Wilaya ya Magu. Aidha, katika Mchezo wa Mpira wa Kikapu ya Wanaume Halmashauri ya Jiji la Dodoma iliichakaza Timu ya Halmashauri ya Wilaya ya Kibaha kwa vikapu 28-7. Halmashauri ya Dodoma la Jiji iliendeleza kasi kwenye mchezo wa Mpira wa Wavu kwa Wanaume, ikiichapa Ha...
Read more