Wanufaika wa mikopo ya 10% walishukuru Jiji la Dodoma

By Halmashauri ya Jiji la Dodoma

Na. Coletha Charles, DODOMA

 

Wanufaika wa mikopo ya asilimia 10 isiyo na riba inayotolewa na Halmashauri ya Jiji la Dodoma wameishukuru serikali kwa fursa hiyo, wakieleza kuwa imewawezesha kuanzisha miradi, kukuza biashara na kuongeza kipato.

 


Shukrani hizo zilitolewa katika kikao cha tathmini ya usimamizi na utoaji wa mikopo ya asilimia 10 kilichofanyika katika Ukumbi wa Mikutano wa Jiji la Dodoma kikilenga kuboresha huduma hiyo.

 

Mwenyekiti wa Kikundi cha Tupambane Vijana kilichopo Kata ya Majengo, Paschal Peter alisema kuwa mikopo hiyo imekuwa msaada mkubwa kwa kikundi chao, ambacho kimefanikiwa kupata fedha katika awamu mbili.

 

“Awamu ya kwanza tulikopa shilingi milioni 5, awamu ya pili shilingi milioni 10 na kurejesha kwa wakati, huku kwa sasa tukiwa tumeomba shilingi milioni 60.087 kwa ajili ya kununua bajaji,” alisema Peter.

 

Kwa upande wake, Katibu wa Kikundi cha Wining Star kilichopo Kata ya Ipagala, Julia Malaba aliishukuru halmshauri kwa kuwapa mkopo wa shilingi milioni 20 uliowawezesha kuanzisha mradi wa ufugaji wa kuku.

 


Akizungumzia mpango huo, Mkuu wa Divisheni ya Maendeleo ya Jamii Jiji la Dodoma, Charity Sichona alisema kuwa wameweka mikakati ya kushirikisha benki, madiwani na maafisa maendeleo ya jamii katika kuwezesha vikundi.

 

“Tumepanga kuendelea kutoa elimu kwa wananchi ili vikundi vielewe taratibu na vigezo vya mikopo, pamoja na kupata msaada unaohitajika wakati wa kuandaa na kuwasilisha maombi,” alisema Sichona.

 


Mikopo ya asilimia 10 inatolewa kwa makundi ya wanawake, vijana na watu wenye ulemavu kwa lengo la kuwawezesha kiuchumi, kukuza miradi ya uzalishaji, kujiajiri na kuongeza kipato kupitia shughuli mbalimbali za maendeleo.

MWISHO

Comments

Post a Comment

Popular Posts

KATA YA CHAMWINO YATEKELEZA AGIZO LA USAFI WA MAZINGIRA

By Halmashauri ya Jiji la Dodoma
Image
Na. Mwandishi wetu, CHAMWINO Wananchi wa Kata ya Chamwino, Jiji la Dodoma, wamejitokeza kwa wingi kushiriki zoezi la usafi wa mazingira kwa lengo la kuboresha mandhari ya mji na kujikinga na magonjwa yanayotokana na uchafu. Zoezi hilo limeonesha mwitikio wa wananchi katika kushirikiana kutunza mazingira na kuifanya jamii kuwa safi na salama. Akizungumza na wananchi wakati wa zoezi hilo, Mkuu wa Kitengo cha Usafi na Udhibiti wa Taka Ngumu Jiji la Dodoma, Mkana Mkana, alisema kuwa mazingira machafu ni chanzo cha magonjwa mbalimbali yanayoweza kusababisha wananchi kutumia muda na fedha nyingi kupata matibabu badala ya kujishughulisha na shughuli za uzalishaji mali. Alisema kuwa usafi wa mazingira ni wajibu wa kila mwananchi na kusisitiza kuwa watakaoshindwa kutekeleza wajibu huo watachukuliwa hatua za kisheria, ikiwemo kutozwa faini ya shilingi 300,000 pamoja na kifungo kwa mujibu wa sheria. Alitoa wito kwa wananchi kufanya usafi kila siku ili kujikinga na magonjwa na kuboresha afya z...
Read more

Mfumo wa NeST warahisisha utiaji saini mkataba wa HOTSAC, Dodoma

By Halmashauri ya Jiji la Dodoma
Image
Na. Mwandishi wetu, DODOMA Mfumo wa kielektroniki wa Manunuzi ya Umma (NeST) umerahisisha utiaji saini wa mkataba wa upembuzi yakinifu na uandaaji wa Mpango Kabambe wa Mji wa Kisasa wa Hombolo (HOTSAC), jijini Dodoma. Akizungumzia zoezi la kusaini kidigitali mkataba huo, Mkuu wa Kitengo cha Manunuzi na Ugavi, Vincent Odero alisema kuwa mfumo huo umewezesha mchakato mzima kufanyika kwa uwazi, haki na bila upendeleo. Alisema kuwa mchakato wa kumpata mtaalamu mshauri ulifanyika kupitia mfumo wa NeST, kuanzia hatua ya kutangaza zabuni, kufanya tathmini, majadiliano, upekuzi wa mkataba kwa Mwanasheria mkuu wa serikali hadi kukamilisha na kusaini mkataba. Alieleza kuwa mtaalamu mshauri aliyepatikana ni kampuni ya heerim architects & planners kutoka Korea Kusini, kwa kushirikiana na kampuni ya ndani Arm City Consultants itakayotekeleza majukumu kama Mshauri msaidizi. Aliongeza kuwa mkataba unahifadhiwa ndani ya mfumo wa NeST, hivyo kurahisisha upatikanaji wake wakati wowote unapohitajika,...
Read more