Hai DC kuimarisha miradi ya kimkakati baada ya kujifunza Dodoma

By Halmashauri ya Jiji la Dodoma

Na. Mwandishi wetu, DODOMA

 

Halmashauri ya Wilaya ya Hai mkoani Kilimanjaro imejifunza mbinu za kubuni na kuendeleza miradi ya kimkakati baada ya kutembelea miradi mbalimbali ya maendeleo katika Jiji la Dodoma.

 


Ziara hiyo ilihusisha Soko la Job Ndugai, Soko la Wazi la Machinga, Chinangali Park, maegesho ya malori Nala, Jengo la Kitenga Uchumi Mtumba pamoja na Kituo Kikuu Cha Mabasi Dodoma.

 

Mwenyekiti wa Halmashauri ya Wilaya ya Hai, Edmund Rutaraka alisema kuwa ziara hiyo imewapa fursa ya kuona namna miradi mbalimbali inavyotekelezwa na kupata uzoefu wa kuboresha miradi katika halmashauri yao.

 

“Tumejifunza umuhimu wa kuwa na maeneo maalumu kwa shughuli mbalimbali, ikiwemo biashara, maegesho ya magari makubwa na huduma za usafiri, ili kuboresha huduma kwa wananchi kulingana na mahitaji yao,” alisema Rutaraka.

 


Kwa upande wake, Diwani wa viti maalumu wa Tarafa ya Masama, Lightness Laizer alisema kuwa wamejifunza mbinu mbalimbali za kuendeleza miradi, ikiwemo namna ya kuboresha maeneo ya biashara na kuwapa wafanyabiashara mazingira yanayofaa.

 

“Tumetembelea mradi wa Soko la Machinga na tumeona jinsi gani vijana walivyo na ubunifu. Sisi pia tuna eneo letu Hai, na tukirudi tutakwenda kufanya kile tulichokiona hapa kwenye Soko la Machinga,” alisema Laizer.

 

Nae, Afisa Biashara wa Halmashauri ya Wilaya ya Hai, Christina Lyimo alisema kuwa ziara hiyo imewawezesha kuona miradi inayotoa huduma mbalimbali kwa wananchi na kujifunza namna ya kuendeleza uwekezaji wa miundombinu.

 

“Ukiangalia Chinangali Park kwa kweli panavutia. Tumeona viwanja vya michezo, maeneo ya wazi ambayo watu wanakodisha kwa ajili ya matamasha, swimming pool na sehemu za watoto kucheza. Tunaona wenzetu wamewekeza katika sekta mbalimbali,” alisema Lyimo.

 

Miradi hiyo imewawezesha wajumbe wa Halmashauri ya Wilaya ya Hai kujifunza namna ya kuendeleza maeneo ya biashara, burudani na usafiri ili kuboresha huduma kwa wananchi na kuongeza fursa za uwekezaji katika halmashauri yao.

Comments

Post a Comment

Popular Posts

Kata ya Matumbulu wanufaika na Mil. 114.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 114.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 114.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albe...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more