Wananchi Kata ya Msalato watakiwa kufanya usafi kama utamaduni

By Halmashauri ya Jiji la Dodoma

Na. Mwandishi wetu, MSALATO

Wafanyabiashara na wananchi katika eneo la Mnada wa Msalato wametakiwa kuufanya usafi kuwa sehemu ya maisha ya kila siku, badala ya kusubiri siku maalum za usafi.

 


Wito huo ulitolewa wakati wa zoezi la usafi wa mazingira lililofanyika katika eneo hilo ikiwa ni sehemu ya maadhimisho ya Samia Day, ambapo wananchi walishiriki kusafisha mazingira ya mnada.

Akizungumza wakati wa zoezi hilo, Alicia Anthony, mchumi wa Kanda ya utoaji huduma Namba Sita ya Halmashauri ya Jiji la Dodoma, alisema kuwa usafi ni muhimu sawa na chakula, hivyo wananchi wanapaswa kuuzingatia katika majumbani, maeneo ya kazi na biashara.

“Mazingira safi humfanya mteja kujisikia salama na kuwa na imani na bidhaa au huduma anayopewa, niwapongeza wafanyabiashara kwa kushiriki zoezi hili na niwatake kulifanya kuwa utamaduni wa kila siku,” alisema Anthony.

Kwa upande wake Balozi wa Mtaa wa Chikole, Joyce Jackson alisema kuwa wananchi wameitikia vizuri wito wa kufanya usafi katika maadhimisho ya Samia Day, hali iliyosaidia kubadilisha mwonekano wa eneo la mnada. Alisema kuwa maeneo ambayo awali yalikuwa yamejaa taka mbalimbali sasa yamekuwa safi, huku akisisitiza kuwa bado kuna haja ya kuongeza juhudi ili usafi huo udumishwe.

Nae Katibu wa Nyamachoma katika Mnada wa Msalato, Haji Mauridi Chiwiche alisema kuwa zoezi hilo limetoa mabadiliko katika mazingira ya mnada, huku akishukuru viongozi kwa kuhamasisha wananchi kushiriki.

Aidha, aliishukuru serikali kwa ujenzi wa mabanda na maboresho yanayoendelea katika eneo hilo, akisema kuwa hatua hizo zinasaidia kufanya mnada kuwa katika mazingira bora zaidi kwa wafanyabiashara na wateja.

Zoezi hilo la usafi limefanyika ikiwa ni sehemu ya maadhimisho ya Samia Day, likilenga kuhamasisha wananchi kuendelea kutunza mazingira na kufanya usafi kuwa utamaduni wa kila siku.





Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

DC Shekimweri afanya ukaguzi wa usafi Kata ya Kizota

By Halmashauri ya Jiji la Dodoma
Image
Na. Mwandishi wetu, KIZOTA   Mkuu wa Wilaya ya Dodoma, Alhaj Jabir Shekimweri, amefanya ukaguzi wa hali ya usafi katika maeneo mbalimbali ya biashara yaliyopo Kata ya Kizota, ikiwa ni sehemu ya kampeni ya kuhamasisha usafi wa mazingira katika Halmashauri ya Jiji la Dodoma.   Katika ukaguzi huo, amefuatilia hali ya usafi wa maeneo ya biashara pamoja na mazingira yanayozunguka, huku akihimiza wafanyabiashara na wananchi kuhakikisha maeneo yao yanakuwa safi wakati wote.   Amesisitiza kuwa usafi wa mazingira ni jukumu la kila mwananchi, hivyo wafanyabiashara wanapaswa kushirikiana na serikali katika kuhakikisha maeneo yao ya biashara yanakuwa safi, salama na yenye mazingira bora.   Ukaguzi huo ni sehemu ya kuendeleza kampeni ya usafi wa mazingira katika Halmashauri ya Jiji la Dodoma chini ya kaulimbiu isemayo “Dodoma Fahari Yetu, Usafi ni Wajibu Wetu.”  
Read more

Dodoma kuanza awamu ya pili ya Kampeni ya Chanjo ya Polio tarehe 29 Septemba, 2026

By Halmashauri ya Jiji la Dodoma
Image
Na. Mwandishi wetu, DODOMA   Wazazi na walezi katika Halmashauri ya Jiji la Dodoma wametakiwa kuhakikisha watoto wanapata chanjo ya Polio katika awamu ya pili ya kampeni hiyo, inayotarajiwa kufanyika kuanzia tarehe 29 Septemba hadi tarehe 2 Oktoba, 2026.   Akizungumza katika kipindi cha Amka Tofauti kinachorushwa na Kituo cha Redio A FM, Afisa Tabibu wa Halmashauri ya Jiji la Dodoma, Dkt. Ngoyeji Nkinga, alisema kuwa ushiriki wa wazazi na walezi ni muhimu katika kuhakikisha watoto wote wanaolengwa wanapata chanjo hiyo.   “Wazazi na walezi wahakikishe watoto walio chini ya miaka 10 wanapata chanjo ya Polio kwasababu chanjo hii ni salama na muhimu kwa watoto ili kuwalinda dhidi ya ugonjwa polio,” alisema Dkt. Nkinga.   Alisema kuwa chanjo ya Polio ina umuhimu mkubwa katika kuzuia madhara yanayoweza kusababishwa na ugonjwa huo, hivyo jamii inapaswa kuchukua hatua kuhakikisha watoto wanapatiwa chanjo kwa wakati.   Aidha, aliwataka wananchi kutoa us...
Read more