Kizota yaadhimisha Samia Day, ikitoa elimu ya Lishe kwa Umma

By Halmashauri ya Jiji la Dodoma

Na. Mwandishi wetu, KIZOTA

 

Kata ya Kizota, Halmashauri ya Jiji la Dodoma imeadhimisha Samia Day kwa kutoa elimu ya afya na lishe kupitia Siku ya Afya na Lishe ya Mtaa (SALIKI), kufanya usafi katika Stendi ya Mnada Mpya, pamoja na kuwaelimisha wananchi kuhusu miradi ya maendeleo inayotekelezwa na serikali katika kata hiyo.

 


Akizungumza katika maadhimisho hayo, Polisi Kata ya Kizota, Inspekta Baraka Simbabawe alitoa elimu kuhusu umuhimu wa lishe bora, akitaja makundi muhimu ya vyakula kuwa ni nafaka na mizizi, jamii ya kunde, vyakula vinavyotokana na wanyama, mboga za majani na matunda. Alisema kuwa ulaji wa vyakula kutoka katika makundi hayo husaidia kujenga mwili na kuimarisha afya, huku lishe duni ikichangia changamoto kama utapiamlo, upungufu wa damu na mwili kukosa nguvu.

 

Inspekta Simbabawe aliwasisitiza wazazi kuhakikisha watoto wanapata chakula bora chenye virutubisho muhimu ili waweze kukua na kuimarika kiafya. Pia aliwahimiza wanawake wajawazito kuzingatia lishe bora na mlo kamili unaojumuisha makundi mbalimbali ya vyakula kwa ajili ya afya ya mama na ukuaji mzuri wa mtoto aliye tumboni.

 

Akielezea utekelezaji wa miradi ya maendeleo katika Kata ya Kizota, Afisa Mtendaji wa Kata ya hiyo, Aidan Libenanga alisema kuwa serikali imeendelea kuboresha miundombinu na huduma za kijamii, ikiwemo ujenzi wa barabara za lami na changarawe na ujenzi wa Stendi ya Mnada Mpya. Alitaja pia ujenzi wa Shule ya Msingi Mahungu wenye thamani ya Shilingi milioni 321, Kituo cha Afya Kizota chenye thamani ya shilingi milioni 455 pamoja na maabara mbili katika Shule ya Sekondari Kizota zenye thamani ya shilingi milioni 37.

Alisema kuwa katika mwaka wa fedha 2026/2027, Kata ya Kizota imeingiziwa kiasi cha Shilingi milioni 87.3 kwa ajili ya kutekeleza shughuli mbalimbali za maendeleo, ikiwemo kutengeneza madawati 164 yatakayogawiwa katika shule zilizopo ndani ya kata, pamoja na uchimbaji wa kisima cha kisasa kwa ajili ya wananchi wa kata hiyo na ujenzi wa vyumba viwili vya madarasa katika Shule ya Msingi Mahungu.

 

Maadhimisho hayo yalihitimishwa kwa zoezi la usafi wa mazingira katika Stendi ya Mnada Mpya, lililoshirikisha viongozi na wananchi. Zoezi hilo lililenga kuhamasisha jamii kuendelea kutunza mazingira na kushiriki kikamilifu katika shughuli za maendeleo, huku wananchi wakikumbushwa umuhimu wa kutunza na kutumia vizuri miundombinu inayotekelezwa kwa ajili ya kuboresha huduma na maisha yao.

Comments

Post a Comment

Popular Posts

Polisi Kata waungana zoezi la Usafi wa Mazingira Dodoma

By Halmashauri ya Jiji la Dodoma
Image
Na. Mwandishi wetu, KIZOTA   Mapolisi Kata kutoka Kata za Kizota, Nkuhungu, Nala, Chigongwe na Mbalawala wameungana na wananchi kushiriki katika zoezi la usafi wa mazingira.   Akizungumza na waandishi wa habari, Inspector Baraka Nashoni amesema kuwa Jeshi la Polisi lipo tayari kushirikiana na wananchi katika shughuli za usafi na utunzaji wa mazingira, akieleza kuwa ushiriki wao unalenga kuhakikisha maeneo yanakuwa safi na salama.   Amehimiza wananchi kuendelea kushirikiana na Jeshi la Polisi katika shughuli mbalimbali za kijamii, ikiwemo usafi wa mazingira.
Read more

DC Shekimweri afanya ukaguzi wa usafi Kata ya Kizota

By Halmashauri ya Jiji la Dodoma
Image
Na. Mwandishi wetu, KIZOTA   Mkuu wa Wilaya ya Dodoma, Alhaj Jabir Shekimweri, amefanya ukaguzi wa hali ya usafi katika maeneo mbalimbali ya biashara yaliyopo Kata ya Kizota, ikiwa ni sehemu ya kampeni ya kuhamasisha usafi wa mazingira katika Halmashauri ya Jiji la Dodoma.   Katika ukaguzi huo, amefuatilia hali ya usafi wa maeneo ya biashara pamoja na mazingira yanayozunguka, huku akihimiza wafanyabiashara na wananchi kuhakikisha maeneo yao yanakuwa safi wakati wote.   Amesisitiza kuwa usafi wa mazingira ni jukumu la kila mwananchi, hivyo wafanyabiashara wanapaswa kushirikiana na serikali katika kuhakikisha maeneo yao ya biashara yanakuwa safi, salama na yenye mazingira bora.   Ukaguzi huo ni sehemu ya kuendeleza kampeni ya usafi wa mazingira katika Halmashauri ya Jiji la Dodoma chini ya kaulimbiu isemayo “Dodoma Fahari Yetu, Usafi ni Wajibu Wetu.”  
Read more

Dodoma kuanza awamu ya pili ya Kampeni ya Chanjo ya Polio tarehe 29 Septemba, 2026

By Halmashauri ya Jiji la Dodoma
Image
Na. Mwandishi wetu, DODOMA   Wazazi na walezi katika Halmashauri ya Jiji la Dodoma wametakiwa kuhakikisha watoto wanapata chanjo ya Polio katika awamu ya pili ya kampeni hiyo, inayotarajiwa kufanyika kuanzia tarehe 29 Septemba hadi tarehe 2 Oktoba, 2026.   Akizungumza katika kipindi cha Amka Tofauti kinachorushwa na Kituo cha Redio A FM, Afisa Tabibu wa Halmashauri ya Jiji la Dodoma, Dkt. Ngoyeji Nkinga, alisema kuwa ushiriki wa wazazi na walezi ni muhimu katika kuhakikisha watoto wote wanaolengwa wanapata chanjo hiyo.   “Wazazi na walezi wahakikishe watoto walio chini ya miaka 10 wanapata chanjo ya Polio kwasababu chanjo hii ni salama na muhimu kwa watoto ili kuwalinda dhidi ya ugonjwa polio,” alisema Dkt. Nkinga.   Alisema kuwa chanjo ya Polio ina umuhimu mkubwa katika kuzuia madhara yanayoweza kusababishwa na ugonjwa huo, hivyo jamii inapaswa kuchukua hatua kuhakikisha watoto wanapatiwa chanjo kwa wakati.   Aidha, aliwataka wananchi kutoa us...
Read more