JIJI LA DODOMA LAITANDIKA CHAMWINO DC 38-9 MPIRA WA PETE SHIMISEMITA

By Halmashauri ya Jiji la Dodoma

Na. Mwandishi wetu, MBEYA

 

Timu ya Wanawake ya Mpira wa Pete ya Halmashauri ya Jiji la Dodoma imeitandika Timu ya Halmashauri ya Wilaya ya Chamwino magoli 38-9 ikiwa ni muendelezo wa juhudi zake za kufukuzia ubingwa katika mashindano ya SHIMISEMITA yanayoendelea jijini Mbeya.

 

Akizungumzia mchezo huo, Afisa Michezo wa Jiji la Dodoma, Neema Kilongola mara baada ya mchezo huo kutamatika katika viwanja vya Shule ya Sekondari Mbeya alisema kuwa timu yake imejipanga kushindana. Alisema kuwa timu hiyo inaendelea vizuri katika mashindano hayo na anaamini kuwa ubingwa wa SHIMISEMITA bado utaendelea kubaki mikononi mwao. “Tunaendelea vizuri na mashindano. Tunaamini ubingwa bado utabaki kwetu kwa sababu sisi ndio mabingwa wa mashindano haya. Hivyo, tunataka kuhakikisha tunautetea ubingwa wetu” alisema Kilongola.

 

Aliongezea kuwa ushindi wa magoli 38–9 umeipa Halmashauri ya Jiji la Dodoma mwanzo mzuri wa kampeni yake ya kutetea ubingwa, huku matarajio yakiongezeka kwa mashabiki kuona kama timu hiyo itaendelea na kiwango hicho katika michezo inayofuata.

Comments

Post a Comment

Popular Posts

Dodoma Jiji yaifunga Mji Ifakara 41-3 Mpira wa Pete Mashindano ya SHIMISEMITA

By Halmashauri ya Jiji la Dodoma
Image
Na. Mwandishi wetu, MBEYA Timu ya Halmashauri ya Jiji la Dodoma ya Mpira wa Pete Wanawake imeishushia kipigo kizito Timu ya Halmashauri ya Mji Ifakara cha magoli 41-3 katika siku ya pili ya Mashindano ya Shirikisho la Michezo ya Serikali za Mitaa Tanzania (SHIMISEMITA) yanayoendelea jijini Mbeya. Mchezo huo ulianza kwa kasi katika dakika za mwanzo, lakini kadri muda ulivyokuwa ukiendelea Timu ya Halmashauri ya Jiji la Dodoma ilionekana kuumiliki mchezo. Hadi kufikia tamati ya mchezo huo Timu ya Halmashauri ya Jiji la Dodoma iliibuka na ushindi mnono wa magoli 41-3 ya Halmashauri ya Mji Ifakara. Mchezo wa Mpira wa Mikono Wanaume Halmashauri ya Jiji la Dodoma ililazimishwa sare ya 5-5 dhidi ya Halmashauri ya Wilaya ya Magu. Aidha, katika Mchezo wa Mpira wa Kikapu ya Wanaume Halmashauri ya Jiji la Dodoma iliichakaza Timu ya Halmashauri ya Wilaya ya Kibaha kwa vikapu 28-7. Halmashauri ya Dodoma la Jiji iliendeleza kasi kwenye mchezo wa Mpira wa Wavu kwa Wanaume, ikiichapa Ha...
Read more

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more