CCTV Camera zaimarisha usalama Jiji la Dodoma

By Halmashauri ya Jiji la Dodoma

Na. Mwandishi wetu, DODOMA

 

Ufungaji wa kamera za CCTV katika maeneo mbalimbali umeendelea kuimarisha usalama, utii wa sheria za barabarani na ulinzi katika Jiji la Dodoma, huku madiwani wakipokea taarifa ya utendaji kazi wa TEHAMA.

 


Kauli hiyo ilitolewa na Kaimu Mkurugenzi wa Halmashauri ya Jiji la Dodoma, Vincent Oderо wakati akiwasilisha taarifa ya utendaji kazi kwa Mwaka wa Fedha 2025/2026 katika mkutano wa Mwaka wa Baraza la Madiwani uliofanyika katika ukumbi wa mikutano wa jiji hilo.

 

Alisema kuwa Mwaka wa Fedha 2024/2025, maeneo 35 yalipangwa kufungwa kamera za CCTV, ambapo manne yalifungwa na maeneo 31 yakabaki kwa Mwaka wa Fedha 2025/2026, maeneo 31 yalipangwa kufungwa CCTV, ambapo 26 yamekamilika na maeneo matano bado hayajafungwa.

 

“Katika utekelezaji wa mifumo ya TEHAMA, kwa mwaka wa fedha 2024/2025, taasisi 287 kati ya 333 zilizopangwa zilifungiwa mifumo. Kwa mwaka wa fedha 2025/2026, taasisi 179 kati ya 227 zilizopangwa zimefungiwa mifumo. Hatua hizi zinaendelea kuongeza matumizi ya teknolojia,” alisema Onderо.

 

Kwa upande wake, Diwani wa Kata ya Zuzu, Jenesta Malingo, alisema kuwa uwepo wa CCTV kamera barabarani unasaidia wananchi kufuata sheria bila kulazimishwa, huku ukirahisisha ufuatiliaji na udhibiti wa matukio yanayoweza kuhatarisha amani na usalama.

 

Alisema kuwa Dodoma ina umuhimu wa kipekee kutokana na kuwa Makao Makuu ya nchi, ambako kuna Bunge, viongozi mbalimbali wa kitaifa na Ikulu, hivyo matumizi ya TEHAMA ni muhimu katika kuimarisha ulinzi na usalama.

 

“Naipongeza serikali, uongozi wa jiji na watendaji wa Kitengo cha TEHAMA kwa kazi nzuri wanayoendelea kuifanya katika kuhakikisha matumizi ya teknolojia yanaimarika. Uwepo wa mifumo ya TEHAMA na kamera za CCTV umeongeza ufanisi katika ulinzi na usalama na kuifanya Dodoma kuwa jiji la kisasa,” alisema Malingo.

 

Madiwani walipokea taarifa hiyo ya utendaji kazi wa halmashauri, ikiwemo utekelezaji wa shughuli za Kitengo cha TEHAMA katika Miaka ya Fedha 2024/2025 na 2025/2026, huku wakielezwa hatua zilizochukuliwa katika kuimarisha mifumo ya kidijitali, usalama na matumizi ya teknolojia katika utoaji wa huduma kwa wananchi.

MWISHO

Comments

Post a Comment

Popular Posts

Kata ya Miyuji Yaongeza Kasi ya Usimamizi Wa Usafi wa Mazingira

By Halmashauri ya Jiji la Dodoma
Image
Na. Manase Malima, MIYUJI   Kata ya Miyuji katika Halmashauri ya Jiji la Dodoma imechukua hatua za kuimarisha usafi wa mazingira kwa kufanya ukaguzi wa vikundi vinavyohusika na ukusanyaji na uondoshaji wa taka, ikiwa ni sehemu ya utekelezaji wa wito wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi. Katika kutekeleza wito huo, wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi, Kata ya Miyuji katika Halmashauri ya Jiji la Dodoma   imeelekeza nguvu katika kuboresha mfumo wa ukusanyaji na uondoshaji wa taka kupitia vikundi vinavyofanya shughuli hiyo katika mitaa ya kata. Leo tarehe 11 Septemba, 2026 Kamati ya Maendeleo ya Kata ya Miyuji, ikiongozwa na Diwani wa Kata hiyo, Ringo Iringo, imefanya ukaguzi wa vifaa vinavyotumika katika shughuli za usafi, ikiwemo magari, na vifaa kinga kwa watendaji. Ukaguzi huo umehusisha kuangalia hali ya vifaa, mahitaj...
Read more

Kata za Nkuhungu na Kizota zajiandaa kukabiliana na mvua za El Nino

By Halmashauri ya Jiji la Dodoma
Image
Na. Mwandishi wetu, DODOMA   Kanda Namba Tatu ya utoaji huduma katika Halmashauri ya Jiji la Dodoma imefanya zoezi la usafi wa maeneo ya Kizota Relini na Mkonongo, Kata ya Nkuhungu, ikiwa ni sehemu ya maandalizi ya kukabiliana na athari zinazoweza kusababishwa na mvua kubwa za El Niño.   Zoezi hilo lilihusisha ufunguaji na usafishaji wa mitaro, uondoaji wa taka pamoja na ukaguzi wa miundombinu ya kupitisha maji, hatua zinazolenga kupunguza hatari ya maji kujaa katika maeneo ya makazi na biashara.   Kaimu Meneja wa Kanda Namba Tatu, Vestina Manota aliwashukuru watumishi na wananchi kwa kushiriki katika zoezi hilo, akisema usafi wa mazingira ni muhimu katika maandalizi ya kukabiliana na athari za mvua za El Niño.   “Tunawahimiza wananchi kuendelea kufanya usafi kila siku na kuondoa taka kwenye mitaro ili kuhakikisha maji yanapata njia ya kupita kwa urahisi,” alisema Manota.   Diwani wa Kata ya Nkuhungu, Julius Ezekiel aliwataka wananchi kuchukua ta...
Read more

Zoezi la Kuua Mbwa Wanao Zurura Lafanyika Kata ya Msalato

By Halmashauri ya Jiji la Dodoma
Image
Na. Manase Malima, MSALATO   Zoezi la kuua mbwa wanao zurura limefanyika katika Kata ya Msalato, Halmashauri ya Jiji la Dodoma, likihusisha maeneo ya Machinjioni, Magereza na Mnadani, kutokana na kero na hatari zinazowakabili wananchi ambapo mbwa zaidi ya 20 waliuliwa. Akizungumza wakati wa zoezi hilo, Afisa Mifugo wa Kanda Namba Sita ya utoaji huduma Halmashauri ya Jiji la Dodoma, Prisca Mottee alisema kuwa mbwa hao wamekuwa wakisababisha usumbufu kwa wananchi, wakiwemo watoto na wanafunzi wanaokwenda na kurudi shuleni, Afisa Mifugo kanda Namba Sita aliongeza kuwa zoezi hilo ni endelevu na litafanyika katika maeneo mengine yenye changamoto hiyo, huku akiwataka wafugaji kuwafungia mbwa wao na kuzingatia kuwapatia chanjo. Kwa upande wake Afisa Mifugo Kata ya Msalato, Maisha Jiwa alisema kuwa hatua hiyo imechukuliwa kufuatia malalamiko ya wananchi kuhusu mbwa wanao zurura katika maeneo mbalimbali ya kata hiyo. “Kumekuwa na adha kubwa ya mbwa wanaozurura katika maeneo ya Machi...
Read more