Kliniki ya Kata ya Kikuyu Kaskazini kuwasogezea huduma wananchi mlangoni

By Halmashauri ya Jiji la Dodoma

Na. Leah Mabalwe, DODOMA

Wananchi wa Kata ya Kikuyu Kaskazini Jijini Dodoma wanatarajiwa kunufaika na huduma mbalimbali za serikali kupitia Kliniki ya Kata itakayoanzishwa wiki hii ikiwa ni hatua ya kusogeza huduma karibu na wananchi na kuwawezesha kupata huduma mbalimbali kwa urahisi.



Hayo aliyazungumza Diwani wa Kata ya Kikuyu Kaskazini, Herry Beji nje ya ukumbi wa mikutano wa Halmashauri ya Jiji la Dodoma.

Alisema kuwa Kliniki hiyo itafanyika kwa muda wa wiki moja katika Shule ya Msingi Kikuyu, ambapo idara na taasisi mbalimbali zitashiriki katika kutoa huduma kwa wananchi, miongoni mwa huduma zitakazopatikana ni huduma za ardhi. “Lengo letu ni kusogeza huduma karibu na wananchi ili wasipate usumbufu wa kwenda katika ofisi mbalimbali kutafuta huduma, ambapo wataalamu kutoka seksheni ya Ardhi ya Halmashauri ya Jiji la Dodoma pamoja na Ofisi ya Kamishna wa Ardhi Mkoa wa Dodoma watakuwepo kusikiliza na kushughulikia changamoto mbalimbali za wananchi zinazohusu masuala ya Ardhi  na taasisi nyingine moja kwa moja katika Kata ya Kikuyu Kaskazini” alisema Beji.

Diwani huyo alizitaja huduma nyingine zitakazotolewa kutoka taasisi za DUWASA, TANESCO, Idara ya Afya, NIDA pamoja na taasisi nyingine, ambazo zitapata fursa ya kutoa huduma na kusikiliza changamoto za wananchi katika eneo moja.

Kwa upande wake, Mbunge wa Viti Maalum, Aisha Msantu, aliwataka madiwani kuendelea kuwa karibu na wananchi na kusimamia mahitaji pamoja na changamoto zinazowakabili katika maeneo yao ili kuhakikisha yanapatiwa ufumbuzi kwa wakati. “Ni muhimu kuendelea kusikiliza kero za wananchi, ninawasihi madiwani muendelee kuwa karibu na wananchi, msikilize mahitaji yao na muendelee kuyasimamia mpaka yapate majibu. Mwananchi anahitaji kuona kiongozi wake yupo pamoja naye na anasimamia changamoto zinazomkabili” alisema Msantu.

Kliniki ya Kata ni fursa muhimu kwa wananchi kupata huduma mbalimbali kwa wakati mmoja, hivyo wananchi wote wa Kata ya Kikuyu Kaskazini kujitokeza kwa wingi katika Shule ya Msingi Kikuyu ili kupata huduma, ushauri na ufumbuzi wa changamoto zao kutoka kwa taasisi na idara mbalimbali zitakazoshiriki.

Comments

Post a Comment

Popular Posts

Kata ya Miyuji Yaongeza Kasi ya Usimamizi Wa Usafi wa Mazingira

By Halmashauri ya Jiji la Dodoma
Image
Na. Manase Malima, MIYUJI   Kata ya Miyuji katika Halmashauri ya Jiji la Dodoma imechukua hatua za kuimarisha usafi wa mazingira kwa kufanya ukaguzi wa vikundi vinavyohusika na ukusanyaji na uondoshaji wa taka, ikiwa ni sehemu ya utekelezaji wa wito wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi. Katika kutekeleza wito huo, wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi, Kata ya Miyuji katika Halmashauri ya Jiji la Dodoma   imeelekeza nguvu katika kuboresha mfumo wa ukusanyaji na uondoshaji wa taka kupitia vikundi vinavyofanya shughuli hiyo katika mitaa ya kata. Leo tarehe 11 Septemba, 2026 Kamati ya Maendeleo ya Kata ya Miyuji, ikiongozwa na Diwani wa Kata hiyo, Ringo Iringo, imefanya ukaguzi wa vifaa vinavyotumika katika shughuli za usafi, ikiwemo magari, na vifaa kinga kwa watendaji. Ukaguzi huo umehusisha kuangalia hali ya vifaa, mahitaj...
Read more

Kata za Nkuhungu na Kizota zajiandaa kukabiliana na mvua za El Nino

By Halmashauri ya Jiji la Dodoma
Image
Na. Mwandishi wetu, DODOMA   Kanda Namba Tatu ya utoaji huduma katika Halmashauri ya Jiji la Dodoma imefanya zoezi la usafi wa maeneo ya Kizota Relini na Mkonongo, Kata ya Nkuhungu, ikiwa ni sehemu ya maandalizi ya kukabiliana na athari zinazoweza kusababishwa na mvua kubwa za El Niño.   Zoezi hilo lilihusisha ufunguaji na usafishaji wa mitaro, uondoaji wa taka pamoja na ukaguzi wa miundombinu ya kupitisha maji, hatua zinazolenga kupunguza hatari ya maji kujaa katika maeneo ya makazi na biashara.   Kaimu Meneja wa Kanda Namba Tatu, Vestina Manota aliwashukuru watumishi na wananchi kwa kushiriki katika zoezi hilo, akisema usafi wa mazingira ni muhimu katika maandalizi ya kukabiliana na athari za mvua za El Niño.   “Tunawahimiza wananchi kuendelea kufanya usafi kila siku na kuondoa taka kwenye mitaro ili kuhakikisha maji yanapata njia ya kupita kwa urahisi,” alisema Manota.   Diwani wa Kata ya Nkuhungu, Julius Ezekiel aliwataka wananchi kuchukua ta...
Read more

Mwenyekiti Mtaa wa Karume, Kata ya Mnadani ahamasisha usafi

By Halmashauri ya Jiji la Dodoma
Image
Na. Mwandishi wetu, MNADANI   Zoezi la usafi wa mazingira limehamasishwa katika Mtaa wa Karume, Kata ya Mnadani, kwa lengo la kuimarisha usafi na afya ya wananchi pamoja na kuelimisha jamii kuhusu umuhimu wa kutunza mazingira. Zoezi hilo pia limehusisha wataalam wa Kanda Namba Sita, ambao wamekuwa mstari wa mbele kutoa elimu na ushauri kwa wananchi kuhusu umuhimu wa usafi wa mazingira, utunzaji wa taka na namna ya kuzuia magonjwa yanayoweza kusababishwa na mazingira machafu.   Akizungumza wakati wa zoezi hilo, Mwenyekiti wa Mtaa wa Karume, Waziri Matwiga amewataka wananchi kushiriki kikamilifu katika usafi wa mazingira na kujenga utamaduni wa kufanya usafi mara kwa mara.   “Usafi wa mazingira ni jukumu la kila mmoja wetu. Tunapaswa kushirikiana kuhakikisha mtaa wetu unakuwa safi na salama kwa afya ya wananchi,” amesema Matwiga.   Kwa upande wao, wataalam wa Kanda Namba Sita wameendelea kutoa elimu kwa wananchi kuhusu umuhimu wa kutunza mazingira, ikiwa ...
Read more