Jiji la Dodoma laimarisha huduma za afya, vituo vyafikia 163

By Halmashauri ya Jiji la Dodoma

Na. Mwandishi wetu, DODOMA

 

Huduma za afya katika Halmashauri ya Jiji la Dodoma zimeendelea kuimarishwa, huku vituo vikifikia 163 na watumishi wa afya wakiongezeka hadi 950 mwaka 2025/2026, kutoka 885 mwaka 2024/2025, hatua inayoongeza upatikanaji wa huduma kwa wananchi.

 


Hayo yameelezwa na Kaimu Mkurugenzi wa Halmashauri ya Jiji la Dodoma, Vincent Odero wakati akiwasilisha taarifa ya utendaji kazi kwa Mwaka wa Fedha 2025/2026 katika mkutano wa Mwaka wa Baraza la Madiwani, ambapo madiwani walipokea taarifa hiyo.

 

Alisema kuwa jiji limeendelea kuimarisha huduma za afya kupitia vituo vya serikali, mashirika ya dini, umma na binafsi, huku idadi ya watumishi ikiongezeka kutoka 885 hadi 950 kati ya mwaka 2024/2025 na 2025/2026.

 

“Jiji la Dodoma lina jumla ya vituo vya kutoa huduma za afya 163, hospitali zikiwa tisa, kati ya hizo hospitali tano ni za serikali, mbili ni za watu binafsi na mbili ni za mashirika ya dini. Vituo vya afya vipo 15, kati ya hivyo, tisa ni vya serikali, kimoja ni cha shirika la dini, vitatu ni vya mashirika ya umma na viwili ni vya watu binafsi,” alisema Odero.

 

“Kuna jumla ya zahanati 99, zahanati za serikali ni 41, zahanati 11 ni za mashirika ya dini, vituo nane ni vya mashirika ya umma na zahanati 40 ni za watu binafsi. Jumla ya kliniki (Polyclinic) ziko 38, zote zikiwa za watu binafsi, na pia kuna kituo kimoja cha binafsi cha kufanya uchunguzi (Diagnostic Centre),” alisema Odero.

 

Aidha, Aliongeza kuwa mfumo wa GOTHOMIS umeendelea kufungwa katika vituo vya afya, ambapo Mwaka 2024/2025 uliwekwa katika vituo vya afya saba na zahanati 41, huku Mwaka 2025/2026 ukiwekwa katika hospitali moja, vituo vya afya tisa na zahanati 44.

 

Kwa upande wake, Diwani wa Kata ya Nala, Leonard Malima aliishukuru Serikali ya Jamhuri ya Muungano wa Tanzania chini ya Rais, Dkt. Samia Suluhu Hassan kwa kutenga fedha za kuwajengea Hospitali ya Jiji la Dodoma, akisema imekuwa na manufaa makubwa kwa wananchi wa kata hiyo na maeneo jirani.

 


“Tangu hospitali ya Jiji ilipofunguliwa mpaka sasa, wananchi wa Kata ya Nala na kata za pembezoni wamekuwa wanufaika wakubwa sana wa hii hospitali. Kupitia hospitali hii, wananchi wameendelea kupata huduma za afya kwa urahisi na kwa ukaribu zaidi,” alisema Malima.

 

Hutua hizo zinaendelea kuimarisha upatikanaji wa huduma za afya kwa wananchi wa Jiji la Dodoma, hususan katika maeneo ya pembezoni, huku uwepo wa Hospitali ya Jiji la Dodoma ukichochea maendeleo ya huduma na ustawi wa wananchi.

MWISHO

Comments

Post a Comment

Popular Posts

Kata ya Miyuji Yaongeza Kasi ya Usimamizi Wa Usafi wa Mazingira

By Halmashauri ya Jiji la Dodoma
Image
Na. Manase Malima, MIYUJI   Kata ya Miyuji katika Halmashauri ya Jiji la Dodoma imechukua hatua za kuimarisha usafi wa mazingira kwa kufanya ukaguzi wa vikundi vinavyohusika na ukusanyaji na uondoshaji wa taka, ikiwa ni sehemu ya utekelezaji wa wito wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi. Katika kutekeleza wito huo, wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi, Kata ya Miyuji katika Halmashauri ya Jiji la Dodoma   imeelekeza nguvu katika kuboresha mfumo wa ukusanyaji na uondoshaji wa taka kupitia vikundi vinavyofanya shughuli hiyo katika mitaa ya kata. Leo tarehe 11 Septemba, 2026 Kamati ya Maendeleo ya Kata ya Miyuji, ikiongozwa na Diwani wa Kata hiyo, Ringo Iringo, imefanya ukaguzi wa vifaa vinavyotumika katika shughuli za usafi, ikiwemo magari, na vifaa kinga kwa watendaji. Ukaguzi huo umehusisha kuangalia hali ya vifaa, mahitaj...
Read more

Kata za Nkuhungu na Kizota zajiandaa kukabiliana na mvua za El Nino

By Halmashauri ya Jiji la Dodoma
Image
Na. Mwandishi wetu, DODOMA   Kanda Namba Tatu ya utoaji huduma katika Halmashauri ya Jiji la Dodoma imefanya zoezi la usafi wa maeneo ya Kizota Relini na Mkonongo, Kata ya Nkuhungu, ikiwa ni sehemu ya maandalizi ya kukabiliana na athari zinazoweza kusababishwa na mvua kubwa za El Niño.   Zoezi hilo lilihusisha ufunguaji na usafishaji wa mitaro, uondoaji wa taka pamoja na ukaguzi wa miundombinu ya kupitisha maji, hatua zinazolenga kupunguza hatari ya maji kujaa katika maeneo ya makazi na biashara.   Kaimu Meneja wa Kanda Namba Tatu, Vestina Manota aliwashukuru watumishi na wananchi kwa kushiriki katika zoezi hilo, akisema usafi wa mazingira ni muhimu katika maandalizi ya kukabiliana na athari za mvua za El Niño.   “Tunawahimiza wananchi kuendelea kufanya usafi kila siku na kuondoa taka kwenye mitaro ili kuhakikisha maji yanapata njia ya kupita kwa urahisi,” alisema Manota.   Diwani wa Kata ya Nkuhungu, Julius Ezekiel aliwataka wananchi kuchukua ta...
Read more

Mwenyekiti Mtaa wa Karume, Kata ya Mnadani ahamasisha usafi

By Halmashauri ya Jiji la Dodoma
Image
Na. Mwandishi wetu, MNADANI   Zoezi la usafi wa mazingira limehamasishwa katika Mtaa wa Karume, Kata ya Mnadani, kwa lengo la kuimarisha usafi na afya ya wananchi pamoja na kuelimisha jamii kuhusu umuhimu wa kutunza mazingira. Zoezi hilo pia limehusisha wataalam wa Kanda Namba Sita, ambao wamekuwa mstari wa mbele kutoa elimu na ushauri kwa wananchi kuhusu umuhimu wa usafi wa mazingira, utunzaji wa taka na namna ya kuzuia magonjwa yanayoweza kusababishwa na mazingira machafu.   Akizungumza wakati wa zoezi hilo, Mwenyekiti wa Mtaa wa Karume, Waziri Matwiga amewataka wananchi kushiriki kikamilifu katika usafi wa mazingira na kujenga utamaduni wa kufanya usafi mara kwa mara.   “Usafi wa mazingira ni jukumu la kila mmoja wetu. Tunapaswa kushirikiana kuhakikisha mtaa wetu unakuwa safi na salama kwa afya ya wananchi,” amesema Matwiga.   Kwa upande wao, wataalam wa Kanda Namba Sita wameendelea kutoa elimu kwa wananchi kuhusu umuhimu wa kutunza mazingira, ikiwa ...
Read more