Matenga yageuka lulu kilimo cha mbogamboga Dodoma

By Halmashauri ya Jiji la Dodoma

Na. Mwandishi wetu, NZUGUNI

Wananchi wanaoishi mijini, hususan kwenye nyumba za kupanga wametakiwa kutumia matenga, makopo ya maji na matairi yaliyotumika kuanzisha bustani za mbogamboga majumbani ili kujihakikishia upatikanaji wa chakula salama, kupunguza gharama za maisha na kuhifadhi mazingira.



Wito huo ulitolewa na Afisa Kilimo katika Halmashauri ya Jiji la Dodoma, Zaidina Juma wakati wa maonesho ya 32 ya Nanenane yanayoendelea katika Viwanja vya Dkt. John Malecela mjini Dodoma.

Alisema kuwa kilimo cha kwenye matenga ni njia rahisi inayosaidia kuhifadhi mazingira huku kikitatua changamoto ya upatikanaji wa maeneo ya kulima.

Alisema kuwa wananchi wengi wanaishi kwenye nyumba za kupanga au maghorofani ambako hakuna nafasi ya kuanzisha bustani za kawaida, lakini bado wanaweza kuzalisha mboga zao kwa kutumia vifaa vinavyotupwa na kula mboga zenye usalama, tofauti na baadhi ya mazao yanayouzwa sokoni ambayo wakati mwingine huvunwa muda mfupi baada ya kunyunyiziwa viuatilifu.

 “Ukilima nyumbani unakuwa na uhakika wa kile unachokula, kwa sababu unajua namna ulivyokizalisha na huna wasiwasi wa kemikali zinazoweza kubaki kwenye mboga. Badala ya kutupa makopo, matairi au matenga, vitumike kuzalisha chakula. Hii ni njia ya kuhifadhi mazingira na wakati huohuo, kuongeza usalama wa chakula kwenye kaya,” alisema Juma.

Kwa upande wake Mdau wa Kilimo katika Halmashauri ya Jiji la Dodoma, Juma Mtega alisema kuwa bustani za kwenye matenga ni suluhisho linalokwenda sambamba na ukuaji wa miji, kwasababu zinawawezesha wananchi kuzalisha chakula hata katika maeneo yenye nafasi ndogo.

“Leo watu wengi wanaishi kwenye nyumba za kupanga na viwanja vidogo. Teknolojia hii inawapa fursa ya kujitosheleza kwa mboga, kupunguza matumizi ya fedha na kuongeza lishe kwa familia,” alisema Mtega.

Nae, mkazi wa Kata ya Chang’ombe Halmashauri ya Jiji la Dodoma, Asha Hamis anayeishi katika nyumba ya kupanga alisema kuwa maonesho hayo yamempa hamasa na fursa ya kujifunza kilimo cha mjini ambacho hakina gharama kubwa katika kukianzisha.

“Nimeona kumbe si lazima uwe na shamba. Nikipata matenga mawili au matatu na kupanda mboga zangu, nitapunguza gharama za kununua mboga kila siku na nitakuwa na uhakika wa ubora wake,” alisema Hamis.

Comments

Post a Comment

Popular Posts

Barabara za Mtaa wa Mbwanga yafunguliwa, Diwani Kerenge aitaja kuwa chachu ya maendeleo

By Halmashauri ya Jiji la Dodoma
Image
Na. Mwandishi wetu, Dodoma Wakazi wa Mtaa wa Mbwanga katika Kata ya Mnadani wanatarajia kunufaika na usafiri rahisi, kuimarika kwa shughuli za biashara na kuongezeka kwa fursa za maendeleo kufuatia ufunguzi wa barabara za mtaa katika uboreshaji wa miundombinu kwa ajili ya maisha bora ya wananchi. Akizungumza wakati wa hafla ya ufunguzi wa barabara hiyo, iliyofanyika katika moja ya barabara hizo, Diwani wa Kata ya Mnadani, Mugendi Kerenge alisema kuwa uboreshaji wa miundombinu ya barabara ni nguzo muhimu ya maendeleo kwa kuwa unarahisisha usafirishaji wa watu na bidhaa, kuchochea biashara na kuongeza upatikanaji wa huduma za kijamii. “Kukamilika kwa barabara zaidi ya kilomita 14 zimefunguliwa   hii ni hatua muhimu katika safari ya maendeleo ya Kata ya Manadani. Itaondoa changamoto zilizokuwa zikiwakabili wananchi, hasa wakati wa mvua, na kufungua fursa zaidi za kiuchumi kwa wakazi wa Mbwanga na maeneo jirani. Natoa shukrani kwa Mkurugenzi wa Jiji la Dodoma kwa kutuwezesha kufani...
Read more

Kanda Namba Tatu yaimarisha ushirikiano na wamiliki wa vituo vya malezi ya watoto Dodoma

By Halmashauri ya Jiji la Dodoma
Image
Na. Mwandishi wetu, DODOMA Uongozi wa Kanda Namba Tatu umefanya kikao na wamiliki wa vituo vya malezi ya watoto (Daycare) vinavyopatikana ndani ya kanda hiyo kwa lengo la kuimarisha utoaji wa huduma za malezi na maendeleo ya watoto. Akizungumza katika kikao hicho kilihofanyika katika Ofisi ua Kanda, Meneja wa Kanda Namba Tatu, CPA. Christina Changwala aliwataka wamiliki wa vituo hivyo kuhakikisha wanatoa malezi yanayozingatia maadili, mila na tamaduni za kitanzania ili kujenga kizazi chenye maadili mema na chenye mchango chanya katika maendeleo ya taifa.   Aidha, aliwahimiza wamiliki wa vituo hivyo kuhakikisha wanakamilisha usajili wa vituo vyao ili vitambulike rasmi na viweze kuingizwa katika mifumo ya serikali ili kurahisisha usimamizi na utoaji wa huduma kwa mujibu wa sheria na taratibu. Wamiliki hao pia walikumbushwa umuhimu wa kutimiza wajibu wa kulipa kodi na tozo mbalimbali zinazotozwa na Halmashauri ya Jiji la Dodoma pamoja na mamlaka nyingine husika, kwa wakati kwa k...
Read more

BANDA YA JIJI LA DODOMA LATOA TEKNOLOJIA UFUGAJI SAMAKI NA KUKU PAMOJA

By Halmashauri ya Jiji la Dodoma
Image
Na. Dennis Gondwe, NZUGUNI WANANCHI wa Halmashauri ya Jiji la Dodoma wamehamasishwa kujifunza teknolojia ya ufugaji wa samaki na kuku kwa pamoja ili kujiongezea kipato. Afisa Uvuvi katika Halmashauri ya Jiji la Dodoma, Tausi Kiula Hamasa hiyo ilitolewa na Afisa Uvuvi katika Halmashauri ya Jiji la Dodoma, Tausi Kiula alipokuwa akihamasisha ufugaji wa pamoja wa samaki na kuku kwa wananchi waliotembelea banda la mifugo la Halmashauri ya Jiji la Dodoma. Kiula alisema “tunawahamasisha wananchi wote waje wajifunze katika bwawa letu hapa. Kama unavyoona teknolojia nzuri ya kisasa ambayo unapoiona unahamasika. Unachimba bwawa la samaki kisha unajenga kibanda cha kuku kwa juu yake ili kuku wakiwa wanajisaidia kinyesi kinadondoka katika bwawa la samaki na kusaidia ‘fertilization’ kwa kuweka mbolea inayobadilisha maji kuwa ya kijani na kutengeneza chakula cha samaki”. Akiongelea umuhimu wa ufugaji huo alisema kuwa unawahakikishia samaki chakula bora. “Maji yanapobadilika kwenda rangi ya k...
Read more