Barabara za Mtaa wa Mbwanga yafunguliwa, Diwani Kerenge aitaja kuwa chachu ya maendeleo

By Halmashauri ya Jiji la Dodoma

Na. Mwandishi wetu, Dodoma

Wakazi wa Mtaa wa Mbwanga katika Kata ya Mnadani wanatarajia kunufaika na usafiri rahisi, kuimarika kwa shughuli za biashara na kuongezeka kwa fursa za maendeleo kufuatia ufunguzi wa barabara za mtaa katika uboreshaji wa miundombinu kwa ajili ya maisha bora ya wananchi.


Akizungumza wakati wa hafla ya ufunguzi wa barabara hiyo, iliyofanyika katika moja ya barabara hizo, Diwani wa Kata ya Mnadani, Mugendi Kerenge alisema kuwa uboreshaji wa miundombinu ya barabara ni nguzo muhimu ya maendeleo kwa kuwa unarahisisha usafirishaji wa watu na bidhaa, kuchochea biashara na kuongeza upatikanaji wa huduma za kijamii.

“Kukamilika kwa barabara zaidi ya kilomita 14 zimefunguliwa  hii ni hatua muhimu katika safari ya maendeleo ya Kata ya Manadani. Itaondoa changamoto zilizokuwa zikiwakabili wananchi, hasa wakati wa mvua, na kufungua fursa zaidi za kiuchumi kwa wakazi wa Mbwanga na maeneo jirani. Natoa shukrani kwa Mkurugenzi wa Jiji la Dodoma kwa kutuwezesha kufanikisha hili kwasababu haya ni baadhai ya mazimio katika Baraza la Madiwani mbapo iliadhimiwa kuwa barabara zote zifunguliwa na bahati nzuri mtaa wangu wa Mbwanga umekuwa wa kwanza kupata fursa hii” alisema Kerenge.

Aliwataka wananchi kuzitunza barabara hizo kwa kuepuka vitendo vinavyoweza kuziharibu, akisisitiza kuwa miundombinu ya umma ni mali ya wananchi wote na inapaswa kulindwa ili iendelee kutoa huduma kwa muda mrefu.


Aliongeza kwa kuwahimiza wakazi wa kata hiyo kuendelea kushirikiana na viongozi katika kutekeleza miradi ya maendeleo, akieleza kuwa kwa yeyote anayetaka kununua eneo kufuata taratibu ili kuepuka kuuziwa maeneo yaliyotengwa kwaajili ya barabara.

Kwa upande wake mkazi wa Mtaa wa Mbwanga, Jamira Rashid aliishukuru serikali kwa kufanikisha ufunguzi wa barabara hizo, akisema kuwa mradi huo utakuwa chachu ya maendeleo kwa wananchi.

“Barabara hizi ni ukombozi mkubwa kwa wananchi wetu kwa kuwa zitarahisisha usafiri, biashara na shughuli mbalimbali za maendeleo hata kama ikitokea dharura kama moto au mgonjwa basi gari litafika kiurahisi. Pia tunawashukuru wote waliohusika hadi kufikia hatua hii,” alisema Rashid.

Ufunguzi wa barabara katika Kata ya Mbwanga ni jambo ambalo litakwenda kuongeza kasi ya maendeleo kwasababu itarahisisha kupeleka na kufikia mindombinu ya shule, hospitali na maji.


 

Comments

Post a Comment

Popular Posts

Kanda Namba Tatu yaimarisha ushirikiano na wamiliki wa vituo vya malezi ya watoto Dodoma

By Halmashauri ya Jiji la Dodoma
Image
Na. Mwandishi wetu, DODOMA Uongozi wa Kanda Namba Tatu umefanya kikao na wamiliki wa vituo vya malezi ya watoto (Daycare) vinavyopatikana ndani ya kanda hiyo kwa lengo la kuimarisha utoaji wa huduma za malezi na maendeleo ya watoto. Akizungumza katika kikao hicho kilihofanyika katika Ofisi ua Kanda, Meneja wa Kanda Namba Tatu, CPA. Christina Changwala aliwataka wamiliki wa vituo hivyo kuhakikisha wanatoa malezi yanayozingatia maadili, mila na tamaduni za kitanzania ili kujenga kizazi chenye maadili mema na chenye mchango chanya katika maendeleo ya taifa.   Aidha, aliwahimiza wamiliki wa vituo hivyo kuhakikisha wanakamilisha usajili wa vituo vyao ili vitambulike rasmi na viweze kuingizwa katika mifumo ya serikali ili kurahisisha usimamizi na utoaji wa huduma kwa mujibu wa sheria na taratibu. Wamiliki hao pia walikumbushwa umuhimu wa kutimiza wajibu wa kulipa kodi na tozo mbalimbali zinazotozwa na Halmashauri ya Jiji la Dodoma pamoja na mamlaka nyingine husika, kwa wakati kwa k...
Read more

BANDA YA JIJI LA DODOMA LATOA TEKNOLOJIA UFUGAJI SAMAKI NA KUKU PAMOJA

By Halmashauri ya Jiji la Dodoma
Image
Na. Dennis Gondwe, NZUGUNI WANANCHI wa Halmashauri ya Jiji la Dodoma wamehamasishwa kujifunza teknolojia ya ufugaji wa samaki na kuku kwa pamoja ili kujiongezea kipato. Afisa Uvuvi katika Halmashauri ya Jiji la Dodoma, Tausi Kiula Hamasa hiyo ilitolewa na Afisa Uvuvi katika Halmashauri ya Jiji la Dodoma, Tausi Kiula alipokuwa akihamasisha ufugaji wa pamoja wa samaki na kuku kwa wananchi waliotembelea banda la mifugo la Halmashauri ya Jiji la Dodoma. Kiula alisema “tunawahamasisha wananchi wote waje wajifunze katika bwawa letu hapa. Kama unavyoona teknolojia nzuri ya kisasa ambayo unapoiona unahamasika. Unachimba bwawa la samaki kisha unajenga kibanda cha kuku kwa juu yake ili kuku wakiwa wanajisaidia kinyesi kinadondoka katika bwawa la samaki na kusaidia ‘fertilization’ kwa kuweka mbolea inayobadilisha maji kuwa ya kijani na kutengeneza chakula cha samaki”. Akiongelea umuhimu wa ufugaji huo alisema kuwa unawahakikishia samaki chakula bora. “Maji yanapobadilika kwenda rangi ya k...
Read more