Dodoma yazalisha Bayogesi kulinda utunzaji wa Mazingira na matumizi ya Nishati safi

By Halmashauri ya Jiji la Dodoma

Na. Mwandishi wetu, DODOMA

Halmashauri ya Jiji la Dodoma imeendelea kuonesha dhamira yake ya kulinda mazingira kwa kuhamasisha matumizi ya nishati safi kupitia uzalishaji wa bayogesi (Biogas) inayotokana na kinyesi cha mifugo na mabaki ya chakula ikiwa ni kuunga mkono za Rais wa Jamhuri ya Muungano wa Tanzania za kuhimiza matumizi ya nishati safi, uhifadhi wa mazingira na maendeleo endelevu.



Akizungumza katika Maonesho ya Kitaifa ya Nanenane yanayoendelea katika Viwanja vya Dkt. John Malecela, Nzuguni jijini Dodoma, Daktari wa Mifugo kutoka Halmashauri ya Jiji la Dodoma, Dkt. Innocent Kimweri alisema kuwa seksheni ya mifugo kimebuni mfumo wa kuzalisha bayogesi kwa kutumia kinyesi cha mifugo na mabaki ya chakula. Alisema kuwa ubunifu huo unalenga kupunguza uchafuzi wa mazingira, kuboresha usimamizi wa taka na kuongeza matumizi ya nishati mbadala.

Akifafanua zaidi, alisema kuwa mfumo huo unahusisha kuchakata kinyesi cha mifugo na mabaki ya chakula kwa kuyapeleka kwenye mtambo maalumu unaozalisha bayogesi. Aliongeza kuwa nishati hiyo hutumika kwa shughuli mbalimbali ikiwemo kupikia, wakati joto linalozalishwa likitumika kuwahifadhi na kuwapa joto wanyama wadogo wanaozaliwa. Aidha, teknolojia hiyo husaidia kupunguza harufu mbaya, uchafuzi wa mazingira na gharama za matumizi ya nishati.

Dkt. Kimweri aliwahimiza wananchi, kujifunza na kutumia teknolojia hiyo katika maeneo yao ili kuboresha usimamizi wa taka, kulinda mazingira, kupunguza gharama za uzalishaji na kuongeza matumizi ya nishati safi. Aliongeza kuwa matumizi ya bayogesi pia yanasaidia kupunguza utegemezi wa kuni na mkaa, hatua inayochangia katika uhifadhi wa misitu na kukabiliana na athari za mabadiliko ya tabianchi.

Halmashauri ya Jiji la Dodoma inaendelea kutoa elimu na kuonesha teknolojia mbalimbali za kisasa katika sekta za kilimo, mifugo na uvuvi kupitia banda lake katika Maonesho ya Kitaifa ya Nanenane, ikiwa ni sehemu ya juhudi za kuhamasisha matumizi ya teknolojia rafiki kwa mazingira na kuongeza tija katika uzalishaji.

MWISHO

 

Comments

Post a Comment

Popular Posts

Barabara za Mtaa wa Mbwanga yafunguliwa, Diwani Kerenge aitaja kuwa chachu ya maendeleo

By Halmashauri ya Jiji la Dodoma
Image
Na. Mwandishi wetu, Dodoma Wakazi wa Mtaa wa Mbwanga katika Kata ya Mnadani wanatarajia kunufaika na usafiri rahisi, kuimarika kwa shughuli za biashara na kuongezeka kwa fursa za maendeleo kufuatia ufunguzi wa barabara za mtaa katika uboreshaji wa miundombinu kwa ajili ya maisha bora ya wananchi. Akizungumza wakati wa hafla ya ufunguzi wa barabara hiyo, iliyofanyika katika moja ya barabara hizo, Diwani wa Kata ya Mnadani, Mugendi Kerenge alisema kuwa uboreshaji wa miundombinu ya barabara ni nguzo muhimu ya maendeleo kwa kuwa unarahisisha usafirishaji wa watu na bidhaa, kuchochea biashara na kuongeza upatikanaji wa huduma za kijamii. “Kukamilika kwa barabara zaidi ya kilomita 14 zimefunguliwa   hii ni hatua muhimu katika safari ya maendeleo ya Kata ya Manadani. Itaondoa changamoto zilizokuwa zikiwakabili wananchi, hasa wakati wa mvua, na kufungua fursa zaidi za kiuchumi kwa wakazi wa Mbwanga na maeneo jirani. Natoa shukrani kwa Mkurugenzi wa Jiji la Dodoma kwa kutuwezesha kufani...
Read more

Kanda Namba Tatu yaimarisha ushirikiano na wamiliki wa vituo vya malezi ya watoto Dodoma

By Halmashauri ya Jiji la Dodoma
Image
Na. Mwandishi wetu, DODOMA Uongozi wa Kanda Namba Tatu umefanya kikao na wamiliki wa vituo vya malezi ya watoto (Daycare) vinavyopatikana ndani ya kanda hiyo kwa lengo la kuimarisha utoaji wa huduma za malezi na maendeleo ya watoto. Akizungumza katika kikao hicho kilihofanyika katika Ofisi ua Kanda, Meneja wa Kanda Namba Tatu, CPA. Christina Changwala aliwataka wamiliki wa vituo hivyo kuhakikisha wanatoa malezi yanayozingatia maadili, mila na tamaduni za kitanzania ili kujenga kizazi chenye maadili mema na chenye mchango chanya katika maendeleo ya taifa.   Aidha, aliwahimiza wamiliki wa vituo hivyo kuhakikisha wanakamilisha usajili wa vituo vyao ili vitambulike rasmi na viweze kuingizwa katika mifumo ya serikali ili kurahisisha usimamizi na utoaji wa huduma kwa mujibu wa sheria na taratibu. Wamiliki hao pia walikumbushwa umuhimu wa kutimiza wajibu wa kulipa kodi na tozo mbalimbali zinazotozwa na Halmashauri ya Jiji la Dodoma pamoja na mamlaka nyingine husika, kwa wakati kwa k...
Read more

BANDA YA JIJI LA DODOMA LATOA TEKNOLOJIA UFUGAJI SAMAKI NA KUKU PAMOJA

By Halmashauri ya Jiji la Dodoma
Image
Na. Dennis Gondwe, NZUGUNI WANANCHI wa Halmashauri ya Jiji la Dodoma wamehamasishwa kujifunza teknolojia ya ufugaji wa samaki na kuku kwa pamoja ili kujiongezea kipato. Afisa Uvuvi katika Halmashauri ya Jiji la Dodoma, Tausi Kiula Hamasa hiyo ilitolewa na Afisa Uvuvi katika Halmashauri ya Jiji la Dodoma, Tausi Kiula alipokuwa akihamasisha ufugaji wa pamoja wa samaki na kuku kwa wananchi waliotembelea banda la mifugo la Halmashauri ya Jiji la Dodoma. Kiula alisema “tunawahamasisha wananchi wote waje wajifunze katika bwawa letu hapa. Kama unavyoona teknolojia nzuri ya kisasa ambayo unapoiona unahamasika. Unachimba bwawa la samaki kisha unajenga kibanda cha kuku kwa juu yake ili kuku wakiwa wanajisaidia kinyesi kinadondoka katika bwawa la samaki na kusaidia ‘fertilization’ kwa kuweka mbolea inayobadilisha maji kuwa ya kijani na kutengeneza chakula cha samaki”. Akiongelea umuhimu wa ufugaji huo alisema kuwa unawahakikishia samaki chakula bora. “Maji yanapobadilika kwenda rangi ya k...
Read more