Jukwaa la Uwezeshaji Wanawake Kiuchumi Wilaya ya Dodoma lapata viongozi wapya kwa miaka mitatu

By Halmashauri ya Jiji la Dodoma

Na. Mwandishi wetu, VIWANDANI

 

Jukwaa la Uwezeshaji Wanawake Kiuchumi Wilaya ya Dodoma limepata uongozi mpya utakaohudumu kwa kipindi cha miaka mitatu baada ya uchaguzi uliofanyika kwa ushindani mkubwa.

 


Zoezi hilo limefanyika katika Viwanja vya Nyerere Square, Kata ya Viwandani, jijini Dodoma kwa lengo la kupata uongozi mpya wa ngazi ya wilaya kwa nafasi za mwenyekiti, makamu mwenyekiti, katibu, katibu msaidizi na wawakilishi.

 

Bhoke Manyori alichaguliwa kuwa Mwenyekiti baada ya kupata kura 54 dhidi ya Elizabeth Kasimila aliyepata kura 50 na kuchaguliwa kuwa Makamu Mwenyekiti.

 

Nafasi ya Katibu ilichukuliwa na Fatuma Saidi aliyepata kura 82, akifuatiwa na Janeth Bubegwa aliyepata kura 27, huku Joyce Masi akipata kura 13, ambapo Bubegwa akichaguliwa kuwa Katibu Msaidizi.

 

Katika nafasi ya uwakilishi, Ashura Nguya na Joyce Masi walipitishwa bila kupingwa na kuwa wawakilishi wa Jukwaa la Uwezeshaji Wanawake Kiuchumi Wilaya ya Dodoma.

 

Akizungumza baada ya kuchaguliwa, Mwenyekiti wa Jukwaa hilo, Bhoke Manyori aliwashukuru wajumbe kwa kumuamini na kuomba ushirikiano katika kutekeleza majukumu ya jukwaa.

 

“Dhamana hii nimepewa na wajumbe, hivyo nawaomba tushirikiane kwa karibu ili tuweze kusukuma mbele shughuli za jukwaa na kuleta matokeo yanayolenga kuwawezesha wanawake,” alisema Manyori.

 

Kwa upande wake, Katibu wa Jukwaa hilo, Fatuma Saidi alisema kuwa nafasi hizo ni za kujitolea na zinahitaji viongozi kutenga muda kwa ajili ya majukumu ya jukwaa huku wakiendelea na shughuli zao za kiuchumi.

 

“Kwa kura hizi mlizonikopesha mnatamani mfike pale ambapo mnatamani kufika. Kwa uwezo wa Mwenyezi Mungu na kwa msaada wake na kushirikiana na viongozi wenzetu, tutafika kule ambapo tunatamani tufike,” alisema Saidi.

 

Nae, Mwakilishi wa Jukwaa hilo, Ashura Nguya aliwaomba viongozi waliochaguliwa kutembelea kata mbalimbali na kuzungumza na wanawake ili wawakilishi waweze kukusanya taarifa kuhusu mahitaji na changamoto zao na kuzifikisha katika ngazi husika.

 

Uzinduzi wa Jukwaa la Uwezeshaji Wanawake Kiuchumi Wilaya ya Dodoma umefanyika chini ya kaulimbiu isemayo “Agenda 2050: Familia Imara, Jamii Imara, Taifa Imara.” na limezinduliwa na Mkuu wa Wilaya hiyo Alhaj Jabir Shekimweri.







Comments

Post a Comment

Popular Posts

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Wananchi Dodoma wahimizwa kufanya usafi wa Mazingira kila siku

By Halmashauri ya Jiji la Dodoma
Image
Na. Amoni Sambulila, MSALATO Wananchi mkoani Dodoma wamehimizwa kufanya usafi   wa mazingira kila siku na kuhakikisha mazingira yanayowazunguka yanakuwa safi na salama kwa afya na ustawi wa jamii. Akizungumza wakati wa uzinduzi wa Kampeni ya Usafi wa Mazingira mkoani Dodoma, uliofanyika katika eneo la Mnada wa Msalato, Mkuu wa Mkoa wa Dodoma, Rosemary Senyemule alisema kuwa kufanya usafi ni wajibu wa kila mwananchi na si jukumu la taasisi au mamlaka pekee. Aliongeza Kwa kuwataka wananchi kushiriki kikamilifu katika shughuli za usafi, kutunza maeneo yao na kuendelea kuzingatia usafi wa mazingira katika maisha yao ya kila siku. Kwa upande wake, mwananchi wa Msalato, Juma Ally alisema kuwa ushiriki wa jamii ni muhimu katika kuhakikisha kampeni hiyo inakuwa na matokeo chanya na kuleta mabadiliko katika maeneo mbalimbali. Nae, mwananchi wa Msalato, Neema Ramadhani aliwahimiza wananchi kufanya usafi kuwa sehemu ya maisha yao ya kila siku, ikiwemo kutunza maeneo ya makazi na maene...
Read more