Jukwaa la Wanawake kiuchumi laweka nguvu ngazi ya Mtaa

By Halmashauri ya Jiji la Dodoma

Na. Mwandishi wetu, VIWANDANI

 

Jukwaa la Uwezeshaji Wanawake Kiuchumi Wilaya ya Dodoma limeweka mkazo katika ngazi ya mtaa, likilenga kuimarisha usimamizi wa miradi, fedha na shughuli za kiuchumi za vikundi.

 


Hayo yameelezwa wakati wa uzinduzi wa Jukwaa la Uwezeshaji Wanawake Kiuchumi Wilaya ya Dodoma, uliofanyika katika Viwanja vya Nyerere Square, Kata ya Viwandani, Jiji la Dodoma.

 

Akizungumza katika uzinduzi huo, Mratibu wa jukwaa hilo Wilaya ya Dodoma, Theresia Camilius alisema kuwa mfumo huo huanzia kwenye vikundi vya ujasiriamali vinavyosajiliwa na kutambuliwa, kisha kuunda jukwaa la mtaa.

 

Alisema kuwa majukwaa hayo yanajumuisha wanachama kutoka vikundi vya ujasiriamali, biashara, miradi pamoja na huduma ndogo za fedha kama VIKOBA, hivyo kuwaunganisha katika mfumo mmoja wa kusimamia shughuli zao za kiuchumi.

 

“Wanawake wanaungana, wakishaungana na kuunda jukwaa la mtaa, wanampata mwenyekiti, makamu mwenyekiti, wanampata katibu, katibu msaidizi, lakini pia na mweka hazina,” alisema Camilius.

 

Aliongeza kuwa kila jukwaa la mtaa huchagua wawakilishi watano wanaounda jukwaa la kata pamoja na wenzao kutoka mitaa mingine, ambapo huchaguliwa viongozi na wawakilishi watatu wa kwenda ngazi ya wilaya.

 

Kwa upande wake, Makamu Mwenyekiti wa jukwaa hilo, Elizabeth Kasimila alisema kuwa ushirikiano wa viongozi ni muhimu katika kuwaunganisha wanachama na fursa za kiuchumi.

 

“Ninajua kutafuta fursa za wanawake, ninajua kupita chocho za kupata fursa za kiuchumi, lakini kwa kushirikiana na Bhoke tutaweza kuzitafuta na kuwasaidia wanawake,” alisema Kasimila.

 

Nae, Katibu Msaidizi wa Jukwaa hilo, Janeth Bubegwa alisema kuwa ushirikiano wa viongozi wa serikali na watendaji wa Wizara ya Maendeleo ya Jamii utasaidia kufikia malengo yaliyowekwa.

 

“Tumekuwa tukifanywa daraja na wanawake wa mikoa mingine wakati sisi tuko makao makuu. Ninaamini kwa ushirikiano wa viongozi wetu wa serikali, tutayafikia malengo ambayo tumeyakusudia,” alisema Bubegwa.

 

Jukwaa hilo linatarajiwa kuimarisha ushiriki wa wanawake katika shughuli za kiuchumi kwa kuwaweka katika mtandao unaorahisisha usimamizi wa vikundi, miradi na upatikanaji wa fursa katika ngazi za chini.




Comments

Post a Comment

Popular Posts

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Wananchi Dodoma wahimizwa kufanya usafi wa Mazingira kila siku

By Halmashauri ya Jiji la Dodoma
Image
Na. Amoni Sambulila, MSALATO Wananchi mkoani Dodoma wamehimizwa kufanya usafi   wa mazingira kila siku na kuhakikisha mazingira yanayowazunguka yanakuwa safi na salama kwa afya na ustawi wa jamii. Akizungumza wakati wa uzinduzi wa Kampeni ya Usafi wa Mazingira mkoani Dodoma, uliofanyika katika eneo la Mnada wa Msalato, Mkuu wa Mkoa wa Dodoma, Rosemary Senyemule alisema kuwa kufanya usafi ni wajibu wa kila mwananchi na si jukumu la taasisi au mamlaka pekee. Aliongeza Kwa kuwataka wananchi kushiriki kikamilifu katika shughuli za usafi, kutunza maeneo yao na kuendelea kuzingatia usafi wa mazingira katika maisha yao ya kila siku. Kwa upande wake, mwananchi wa Msalato, Juma Ally alisema kuwa ushiriki wa jamii ni muhimu katika kuhakikisha kampeni hiyo inakuwa na matokeo chanya na kuleta mabadiliko katika maeneo mbalimbali. Nae, mwananchi wa Msalato, Neema Ramadhani aliwahimiza wananchi kufanya usafi kuwa sehemu ya maisha yao ya kila siku, ikiwemo kutunza maeneo ya makazi na maene...
Read more