Makutupora kupata Zahanati Mpya, Mbunge wa Mtumba aweka nguvu kwenye ujenzi

By Halmashauri ya Jiji la Dodoma

Na. Mwandishi wetu, MAKUTUPORA

 

Jitihada za kukamilisha ujenzi wa Zahanati ya Mchemwa zimepata nguvu baada ya kuchangiwa matofali 5,000, mifuko 250 ya saruji pamoja na gharama za mafundi hadi hatua ya kufunika jengo, huku wananchi wakihimizwa kushiriki kikamilifu kuhakikisha zahanati hiyo inakamilika na kuanza kutoa huduma.

 


Mbunge wa Jimbo la Mtumba Anthony Mavunde alisema kuwa lengo la mchango huo ni kuhakikisha wananchi wa Makutupora wanapata huduma za afya karibu na makazi yao, akisisitiza kuwa ujenzi wa zahanati hiyo haupaswi kuwa jukumu la mtu mmoja, bali ni mradi wa wananchi wote.

 

“Zahanati si ya kwangu. Zahanati ni ya kwetu. Kila mmoja ahakikishe pale mchanga wake unaingia kwenye zahanati. Naomba mtoe ushirikiano. Kuna baadhi ya gharama si lazima nilipie mimi ila nguvu kazi yenu nayo inaweza kufanikisha jambo hili natamani kuwaona vijana wa hapa wakichapa kazi,” alisema Mavunde.

 

Mbunge huyo pia alisema kuwa anaamini serikali itaendelea kuunga mkono jitihada za wananchi katika ujenzi wa zahanati hiyo, akieleza kuwa Rais, Dkt. Samia Suluhu Hassan ameweka msisitizo katika kuboresha huduma za afya, hasa afya ya mama na mtoto.

 



Akizungumza katika tukio hilo, Mstahiki Meya wa Halmashauri ya Jiji la Dodoma, Alimwoni Chaula ambaye ni Diwani wa Kata ya Makutupora aliahidi kuunga mkono ujenzi wa zahanati hiyo hadi utakapokamilika, akisisitiza kuwa zoezi hilo halipaswi kuishia katika siku ya kukabidhi vifaa vya ujenzi.

 

“Hii shughuli wananchi si kwamba inaenda eti inaishia leo kukabidhi. Hapana, tunahitaji ndani ya wiki moja angalau tuone ukuta umefika eneo gani na kwenye bajeti yoyote nitaunga mkono mpaka kituo tuwe tumemaliza,” alisema Chaula.

Aidha, alisema kuwa ujenzi wa zahanati hiyo una umuhimu mkubwa kwa jamii kwa kuwa utasaidia kusogeza huduma za afya karibu na wananchi na kuokoa maisha ya watu mbalimbali, wakiwemo wanawake na watoto.




Akizungumza kwa niaba ya wananchi, mkazi wa Makutupora, Selina Ruben aliwashukuru Mbunge wa Jimbo la Mtumba, viongozi na wadau wote waliojitokeza kuunga mkono ujenzi wa zahanati hiyo, akisema kuwa mradi huo umewapa matumaini makubwa ya kupata huduma za afya karibu na makazi yao.

“Tunawashukuru sana viongozi wetu kwa hatua hii kubwa. Kwa muda mrefu tumekuwa tukipata changamoto ya kufuata huduma za afya mbali, hasa mama wajawazito, watoto na wazee. Kukamilika kwa zahanati hii kutakuwa msaada mkubwa sana kwetu,” alisema.

Comments

Post a Comment

Popular Posts

DC Shekimweri afanya ukaguzi wa usafi Kata ya Kizota

By Halmashauri ya Jiji la Dodoma
Image
Na. Mwandishi wetu, KIZOTA   Mkuu wa Wilaya ya Dodoma, Alhaj Jabir Shekimweri, amefanya ukaguzi wa hali ya usafi katika maeneo mbalimbali ya biashara yaliyopo Kata ya Kizota, ikiwa ni sehemu ya kampeni ya kuhamasisha usafi wa mazingira katika Halmashauri ya Jiji la Dodoma.   Katika ukaguzi huo, amefuatilia hali ya usafi wa maeneo ya biashara pamoja na mazingira yanayozunguka, huku akihimiza wafanyabiashara na wananchi kuhakikisha maeneo yao yanakuwa safi wakati wote.   Amesisitiza kuwa usafi wa mazingira ni jukumu la kila mwananchi, hivyo wafanyabiashara wanapaswa kushirikiana na serikali katika kuhakikisha maeneo yao ya biashara yanakuwa safi, salama na yenye mazingira bora.   Ukaguzi huo ni sehemu ya kuendeleza kampeni ya usafi wa mazingira katika Halmashauri ya Jiji la Dodoma chini ya kaulimbiu isemayo “Dodoma Fahari Yetu, Usafi ni Wajibu Wetu.”  
Read more

Jukwaa la Uwezeshaji Wanawake Kiuchumi Wilaya ya Dodoma lapata viongozi wapya kwa miaka mitatu

By Halmashauri ya Jiji la Dodoma
Image
Na. Mwandishi wetu, VIWANDANI   Jukwaa la Uwezeshaji Wanawake Kiuchumi Wilaya ya Dodoma limepata uongozi mpya utakaohudumu kwa kipindi cha miaka mitatu baada ya uchaguzi uliofanyika kwa ushindani mkubwa.   Zoezi hilo limefanyika katika Viwanja vya Nyerere Square, Kata ya Viwandani, jijini Dodoma kwa lengo la kupata uongozi mpya wa ngazi ya wilaya kwa nafasi za mwenyekiti, makamu mwenyekiti, katibu, katibu msaidizi na wawakilishi.   Bhoke Manyori alichaguliwa kuwa Mwenyekiti baada ya kupata kura 54 dhidi ya Elizabeth Kasimila aliyepata kura 50 na kuchaguliwa kuwa Makamu Mwenyekiti.   Nafasi ya Katibu ilichukuliwa na Fatuma Saidi aliyepata kura 82, akifuatiwa na Janeth Bubegwa aliyepata kura 27, huku Joyce Masi akipata kura 13, ambapo Bubegwa akichaguliwa kuwa Katibu Msaidizi.   Katika nafasi ya uwakilishi, Ashura Nguya na Joyce Masi walipitishwa bila kupingwa na kuwa wawakilishi wa Jukwaa la Uwezeshaji Wanawake Kiuchumi Wilaya ya Dodoma. ...
Read more

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more