Wananchi wapewa elimu ya Afya na Lishe bora Nkuhungu

By Halmashauri ya Jiji la Dodoma

Na. Mwandishi wetu, DODOMA

 

Wananchi wa Mtaa wa Bochela, Kata ya Nkuhungu, jijini Dodoma, walipatiwa elimu kuhusu afya na lishe bora, hususan namna ya kuandaa chakula chenye virutubisho muhimu kwa watoto kuanzia umri wa miezi sita hadi miaka mitano.

 


Elimu hiyo ilitolewa wakati wa Siku ya Afya na Lishe ya Mtaa (SALiKI) ambapo kina mama walielekezwa umuhimu wa kumpatia mtoto chakula chenye mchanganyiko wa makundi mbalimbali ya vyakula kwa ajili ya ukuaji na afya bora.

 

Akitoa elimu hiyo, Mtaalamu wa Lishe kutoka Kituo cha Afya Nkuhungu, Getruda Modesti aliwaelekeza wazazi kuhakikisha watoto kuanzia miezi sita wanapatiwa vyakula vyenye virutubisho kutoka katika makundi muhimu ya vyakula, huku wakiendelea kunyonya hadi kufikia umri wa miaka miwili.

 

Makundi hayo yalihusisha mboga za majani, matunda yenye vitamini na madini, jamii ya mikunde, vyakula vya wanga vinavyoupa mwili nguvu, pamoja na vyakula vya kujenga mwili vyenye protini kutoka katika vyanzo mbalimbali, ikiwemo vyakula vitokanavyo na wanyama.

 

Aidha, kina mama walifundishwa namna ya kuandaa uji wenye virutubisho vya kutosha ili kuwasaidia watoto kupata lishe bora, hamu ya kula na kukua wakiwa na afya njema.

 

Katika hatua nyingine, wajawazito walipatiwa elimu kuhusu umuhimu wa kutumia dawa za folic acid kwa ushauri wa wataalamu wa afya, kwa lengo la kusaidia ukuaji mzuri wa mtoto akiwa tumboni.

 

Elimu hiyo ililenga kuongeza uelewa wa wazazi na walezi kuhusu umuhimu wa lishe bora na kuhakikisha watoto wanapata mlo wenye virutubisho muhimu katika hatua mbalimbali za ukuaji wao.

Comments

Post a Comment

Popular Posts

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Wananchi Dodoma wahimizwa kufanya usafi wa Mazingira kila siku

By Halmashauri ya Jiji la Dodoma
Image
Na. Amoni Sambulila, MSALATO Wananchi mkoani Dodoma wamehimizwa kufanya usafi   wa mazingira kila siku na kuhakikisha mazingira yanayowazunguka yanakuwa safi na salama kwa afya na ustawi wa jamii. Akizungumza wakati wa uzinduzi wa Kampeni ya Usafi wa Mazingira mkoani Dodoma, uliofanyika katika eneo la Mnada wa Msalato, Mkuu wa Mkoa wa Dodoma, Rosemary Senyemule alisema kuwa kufanya usafi ni wajibu wa kila mwananchi na si jukumu la taasisi au mamlaka pekee. Aliongeza Kwa kuwataka wananchi kushiriki kikamilifu katika shughuli za usafi, kutunza maeneo yao na kuendelea kuzingatia usafi wa mazingira katika maisha yao ya kila siku. Kwa upande wake, mwananchi wa Msalato, Juma Ally alisema kuwa ushiriki wa jamii ni muhimu katika kuhakikisha kampeni hiyo inakuwa na matokeo chanya na kuleta mabadiliko katika maeneo mbalimbali. Nae, mwananchi wa Msalato, Neema Ramadhani aliwahimiza wananchi kufanya usafi kuwa sehemu ya maisha yao ya kila siku, ikiwemo kutunza maeneo ya makazi na maene...
Read more