Usafi wa Jumamosi, ni usafi wa kila siku

By Halmashauri ya Jiji la Dodoma

Na. Mwandishi wetu, DODOMA

 

Mkuu wa Mkoa wa Dodoma, Rosemary Senyamule amesisitiza wananchi kuacha dhana kwamba usafi wa mazingira ni jukumu la kufanyika siku ya Jumamosi pekee, akieleza kuwa usafi ni wajibu wa kila mwananchi na unapaswa kufanyika kila siku.

 


Senyamule alitoa kauli hiyo jana wakati wa kikao kazi kilichofanyika katika ukumbi wa Halmashauri ya Jiji la Dodoma uliopo Mji wa Serikali Mtumba, jijini hapa, kilichowakutanisha maafisa watendaji wa kata, mitaa, wenyeviti wa mitaa, maafisa afya na maafisa mazingira kutoka Jiji la Dodoma, kwa lengo la kujadili utekelezaji wa maelekezo ya Rais wa Jamhuri ya Muungano wa Tanzania kuhusu umuhimu wa kuhakikisha miji na maeneo ya makazi yanakuwa safi.

Akizungumza katika kikao hicho, mkuu huyo wa mkoa alisema kuwa utaratibu wa kufanya usafi wa mazingira kila Jumamosi umefutwa, akisisitiza kuwa wananchi wanapaswa kuufanya usafi kuwa sehemu ya maisha yao ya kila siku.

“Nimefuta utaratibu wa kufanya usafi kila Jumamosi. Watu wafungue shughuli zao kuanzia mapema asubuhi,” alisema Senyamule.

Aidha, aliwaagiza maafisa watendaji wa kata, mitaa na maafisa afya kuimarisha usimamizi na ukaguzi wa usafi wa mazingira kila siku, ikiwemo siku za Jumamosi na kuhakikisha hatua stahiki zinachukuliwa dhidi ya watu wanaokiuka sheria na taratibu za usafi wa mazingira.

Alisema kuwa Mkoa wa Dodoma umejipanga kukabiliana na athari zinazoweza kujitokeza kutokana na mvua kubwa zinazotarajiwa, ikiwemo kuhakikisha usimamizi mzuri wa maji taka na maeneo yanayoweza kuwa hatarishi.

Aliwataka wananchi kuchukua tahadhari, kuzingatia maelekezo yanayotolewa na mamlaka pamoja na kushirikiana na viongozi katika kuhakikisha mifumo ya maji taka na mazingira kwa ujumla inasimamiwa ipasavyo.

Kikao kazi hicho ni sehemu ya juhudi za mkoa na Halmashauri za Dodoma kuimarisha usafi wa mazingira na utekelezaji wa maelekezo ya serikali kuhusu usafi wa miji, kwa lengo la kulinda afya za wananchi na kuhakikisha mazingira yanakuwa salama na bora kwa maisha ya kila siku.

Comments

Post a Comment

Popular Posts

Baraza la Madiwani Jiji la Dodoma lapitisha taarifa ya ufungaji hesabu 2025/2026

By Halmashauri ya Jiji la Dodoma
Image
Na. Manase Malima, DODOMA Baraza la Madiwani la Halmashauri ya Jiji la Dodoma limeridhia na kuthibitisha taarifa ya ufungaji wa hesabu za halmashauri za hadi kufikia tarehe 30 Juni, 2026 huku madiwani wakisisitiza umuhimu wa kuendeleza uwazi na uwajibikaji katika uongozi na usimamizi wa fedha za umma. Taarifa hiyo iliwasilishwa katika mkutano maalum wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma, ambapo Mkuu wa kitengo cha Fedha na Uhasibu, CPA. David Rubibira aliwasilisha taarifa hiyo kwa ajili ya kuhakikiwa na kuthibitishwa na baraza. CPA. Rubibira alisema kuwa taarifa za ufungaji wa hesabu za halmashauri kwa tarehe 30 Juni, 2026 ikiwa ni sehemu ya utaratibu wa kuwasilisha taarifa za kifedha kwa ajili ya kuhakikisha kuwa taarifa za halmashauri zinaakisi hali halisi ya matumizi na usimamizi wa fedha. Kwa upande wake, Diwani wa Kata ya Zuzu, Jenesta Malingo alisema kuwa ameridhishwa na taarifa hiyo na anaamini kuwa uwazi katika uwasil...
Read more

Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU   Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo. Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya. “Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri. Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ...
Read more

Baraza la Madiwani Jiji la Dodoma lampongeza Ndejembi kuteuliwa Makamu wa Rais

By Halmashauri ya Jiji la Dodoma
Image
Na. Coletha Charles, DODOMA   Baraza la Madiwani la Halmashauri ya Jiji la Dodoma limempongeza Waziri wa Nishati na Mbunge wa Jimbo la Chamwino, Deogratius Ndejembi kwa kuteuliwa kuwa Makamu wa Rais wa Jamhuri ya Muungano wa Tanzania na Halmashauri Kuu ya Chama Cha Mapinduzi (CCM) tarehe 26 Agosti 2026.   Pongezi hizo zilitolewa na Naibu Meya wa Halmashauri ya Jiji la Dodoma, Bakari Fundikira wakati akiongoza Baraza maalum la Madiwani kwa ajili ya kupokea taarifa ya ufungaji wa hesabu za Halmashauri ya Jiji la Dodoma kwa mwaka ulioishia tarehe 30 Juni, 2026 katika ukumbi wa mikutano wa halmashauri hiyo.   Fundikira alisema kuwa Baraza zima la Madiwani linampongeza Rais wa Jamhuri ya Muungano wa Tanzania, Dkt. Samia Suluhu Hassan kwa kumuamini na kumteua Deogratius Ndejembi kushika nafasi hiyo ya Makamu wa Rais, huku akimtakiwa heri katika utekelezaji wa majukumu yake mapya.   “Lakini pia tutumie nafasi hii kumpongeza Rais, Dkt. Samia Suluhu Hassan kwa u...
Read more