LAAC yaridhishwa, yalipongeza Jiji la Dodoma ujenzi wa Barabara ya KM 1.6

By Halmashauri ya Jiji la Dodoma

Na. Maandishi wetu, NALA

 

Kamati ya Kudumu ya Bunge ya Hesabu za Serikali za Mitaa (LAAC) imelipongeza Jiji la Dodoma kwa ukamilishaji wa barabara ya kiwango cha lami yenye urefu wa kilomita 1.6 inayoelekea Hospitali ya Jiji na kuufanya mradi huo kuwa wa kipekee ukilinganishwa na miradi iliyotekelezwa katika maeneo mengine.

 


Akizungumza wakati wa ziara ya kamati hiyo ya kukagua miradi ya maendeleo Makamu Mwenyekiti wa LAAC, Abdallah Chikota, alisema kuwa kamati imeridhishwa na ubora wa utekelezaji wa mradi huo uliogharimu shilingi bilioni 2.8 kwa kutumia mapato ya ndani ya Jiji la Dodoma.

 

Alisema kuwa uwekaji wa miundombinu ya usalama ikiwamo taa za barabarani ni hatua muhimu inayoongeza thamani ya mradi na kurahisisha wananchi kufika Hospitali ya Jiji wakati wowote. Aidha, uwekaji wa taa, mitaro na alama za barabarani umeboresha mpangilio na matumizi salama ya njia hiyo.

 

“Mradi umejengwa kwa kiwango ambacho tumeridhika. Pia, tumeridhishwa na hatua ya kuwekwa kwa miundombinu ya taa za barabarani, ambazo zimeboresha mwonekano wa eneo, usalama wa watumiaji wa barabara na mazingira kwa ujumla, hasa wakati wa usiku. Tunalipongeza Jiji la Dodoma kwa utekelezaji wa mradi huu,” alisema Chikota.

 


Kauli hiyo iliungwa mkono na mjumbe wa kamati hiyo ambaye pia ni Mbunge wa Kasuku Vijijini, Edibily Kazala alisema kuwa barabara hiyo imeonesha utofauti ukilinganisha na maeneo mengine ambayo kamati imefanya ziara ambapo hatua hiyo inastahili pongezi.

 

“Ujenzi wa barabara hii ya kilomita 1.6 kweli ni tofauti kidogo na sehemu zingine tulizopita. Hapa wamefanya kazi nzuri sana, wameweka taa, mazingira yamekaa vizuri na barabara yenyewe inaonekana kuwa na ubora wa kuridhisha. Naomba niwape maua yao kweli,” alisema Kazala.

 

Akisoma taarifa ya mradi huo, Kaimu Mkurugenzi wa Jiji la Dodoma, Vincent Odero, alisema kuwa lengo kuu la mradi huo ni kurahisisha wananchi kufika Hospitali ya Jiji kupata huduma za afya wakati wote ambapo gharama ya mradi hadi kukamilika kwake ilifikia  shilingi bilioni 2.8.



Comments

Post a Comment

Popular Posts

Baraza la Madiwani Jiji la Dodoma lapitisha taarifa ya ufungaji hesabu 2025/2026

By Halmashauri ya Jiji la Dodoma
Image
Na. Manase Malima, DODOMA Baraza la Madiwani la Halmashauri ya Jiji la Dodoma limeridhia na kuthibitisha taarifa ya ufungaji wa hesabu za halmashauri za hadi kufikia tarehe 30 Juni, 2026 huku madiwani wakisisitiza umuhimu wa kuendeleza uwazi na uwajibikaji katika uongozi na usimamizi wa fedha za umma. Taarifa hiyo iliwasilishwa katika mkutano maalum wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma, ambapo Mkuu wa kitengo cha Fedha na Uhasibu, CPA. David Rubibira aliwasilisha taarifa hiyo kwa ajili ya kuhakikiwa na kuthibitishwa na baraza. CPA. Rubibira alisema kuwa taarifa za ufungaji wa hesabu za halmashauri kwa tarehe 30 Juni, 2026 ikiwa ni sehemu ya utaratibu wa kuwasilisha taarifa za kifedha kwa ajili ya kuhakikisha kuwa taarifa za halmashauri zinaakisi hali halisi ya matumizi na usimamizi wa fedha. Kwa upande wake, Diwani wa Kata ya Zuzu, Jenesta Malingo alisema kuwa ameridhishwa na taarifa hiyo na anaamini kuwa uwazi katika uwasil...
Read more

Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU   Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo. Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya. “Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri. Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ...
Read more

Baraza la Madiwani Jiji la Dodoma lampongeza Ndejembi kuteuliwa Makamu wa Rais

By Halmashauri ya Jiji la Dodoma
Image
Na. Coletha Charles, DODOMA   Baraza la Madiwani la Halmashauri ya Jiji la Dodoma limempongeza Waziri wa Nishati na Mbunge wa Jimbo la Chamwino, Deogratius Ndejembi kwa kuteuliwa kuwa Makamu wa Rais wa Jamhuri ya Muungano wa Tanzania na Halmashauri Kuu ya Chama Cha Mapinduzi (CCM) tarehe 26 Agosti 2026.   Pongezi hizo zilitolewa na Naibu Meya wa Halmashauri ya Jiji la Dodoma, Bakari Fundikira wakati akiongoza Baraza maalum la Madiwani kwa ajili ya kupokea taarifa ya ufungaji wa hesabu za Halmashauri ya Jiji la Dodoma kwa mwaka ulioishia tarehe 30 Juni, 2026 katika ukumbi wa mikutano wa halmashauri hiyo.   Fundikira alisema kuwa Baraza zima la Madiwani linampongeza Rais wa Jamhuri ya Muungano wa Tanzania, Dkt. Samia Suluhu Hassan kwa kumuamini na kumteua Deogratius Ndejembi kushika nafasi hiyo ya Makamu wa Rais, huku akimtakiwa heri katika utekelezaji wa majukumu yake mapya.   “Lakini pia tutumie nafasi hii kumpongeza Rais, Dkt. Samia Suluhu Hassan kwa u...
Read more