Baraza la Madiwani Jiji la Dodoma lampongeza Ndejembi kuteuliwa Makamu wa Rais

By Halmashauri ya Jiji la Dodoma

Na. Coletha Charles, DODOMA

 

Baraza la Madiwani la Halmashauri ya Jiji la Dodoma limempongeza Waziri wa Nishati na Mbunge wa Jimbo la Chamwino, Deogratius Ndejembi kwa kuteuliwa kuwa Makamu wa Rais wa Jamhuri ya Muungano wa Tanzania na Halmashauri Kuu ya Chama Cha Mapinduzi (CCM) tarehe 26 Agosti 2026.

 


Pongezi hizo zilitolewa na Naibu Meya wa Halmashauri ya Jiji la Dodoma, Bakari Fundikira wakati akiongoza Baraza maalum la Madiwani kwa ajili ya kupokea taarifa ya ufungaji wa hesabu za Halmashauri ya Jiji la Dodoma kwa mwaka ulioishia tarehe 30 Juni, 2026 katika ukumbi wa mikutano wa halmashauri hiyo.

 

Fundikira alisema kuwa Baraza zima la Madiwani linampongeza Rais wa Jamhuri ya Muungano wa Tanzania, Dkt. Samia Suluhu Hassan kwa kumuamini na kumteua Deogratius Ndejembi kushika nafasi hiyo ya Makamu wa Rais, huku akimtakiwa heri katika utekelezaji wa majukumu yake mapya.

 

“Lakini pia tutumie nafasi hii kumpongeza Rais, Dkt. Samia Suluhu Hassan kwa uteuzi alioufanya wa kumteua ndugu yetu Deogratius Ndejembi kuwa Makamu wa Rais wa Jamhuri ya Muungano wa Tanzania. Kwa hiyo, Baraza zima la Madiwani linampongeza sana,” alisema Fundikira.

 


Kwa upande wake Diwani wa Kata ya Zuzu, Jenesta Malingo alisema kuwa uteuzi wa Deogratius Ndejembi kuwa Makamu wa Rais ni hatua muhimu inayopaswa kupongezwa, akieleza kuwa nafasi hiyo inaonesha imani aliyopewa na Rais, Dkt. Samia Suluhu Hassan katika kuendelea kulitumikia taifa.

 

“Uteuzi wa mheshimiwa Ndejembi kuwa Makamu wa Rais ni jambo kubwa na la kujivunia. Tunampongeza Rais, Dkt. Samia Suluhu Hassan kwa kumuamini na kumpa nafasi hii, na tunamtakia mheshimiwa Ndejembi kila la heri katika majukumu yake mapya ya kulitumikia taifa,” alisema Malingo.

 


Uteuzi huo ulitangazwa na Katibu Mkuu wa CCM, Dkt. Asha-Rose Migiro, Agosti 26, 2026 katika Ofisi Ndogo za CCM, Lumumba, Dar es Salaam, baada ya Ndejembi kupendekezwa kuchukua nafasi ya Balozi Dkt. Emmanuel Nchimbi aliyejiuzulu. Bunge la Jamhuri ya Muungano wa Tanzania lilimthibitisha Agosti 28, 2026 kwa kura 324 sawa na asilimia 100 huku hatua inayofuata ikiwa ni kuapishwa rasmi kabla ya kuanza majukumu yake mapya ya Umakamu wa Rais.

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more

Uendelevu wa NGOs wapatiwa msukumo wilayani Dodoma

By Halmashauri ya Jiji la Dodoma
Image
Na. Amoni Sambulila, DODOMA   Halmashauri ya Jiji la Dodoma kupitia Jukwaa la Mashirika Yasiyo ya Kiserikali imeendelea kutoa msukumo kwa mashirika hayo kuimarisha uendelevu wa shughuli na miradi wanayoitekeleza, ili kuhakikisha huduma zinazotolewa zinaendelea kuwa na manufaa kwa jamii kwa muda mrefu.   Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Afisa Maendeleo ya Jamii katika Halmashauri ya Jiji la Dodoma, Ester Erick alisema kuwa uendelevu wa mashirika hayo ni muhimu katika kuhakikisha miradi na huduma zinazotekelezwa kwa ajili ya wananchi zinaendelea kutoa matokeo chanya.   Alisema kuwa katika kipindi cha utekelezaji, jumla ya miradi 30 ilitekelezwa katika maeneo mbalimbali, ikiwemo afya, elimu, utunzaji wa mazingira, msaada wa kisheria pamoja na shughuli zinazohusisha Dawati la Jinsia.   “Jumla ya miradi 30 imetekelezwa katika maeneo ya afya, elimu, utunzaji wa m...
Read more