Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma

Na. Coletha Charles, NKUHUNGU

 

Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo.



Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya.

“Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri.

Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ya Rais, Dkt. Samia Suluhu Hassan katika kuendelea kulinda afya za watoto. Aidha, alisisitiza kuwa zoezi hilo linapaswa kufanyika kwa ufanisi ili kuhakikisha hakuna dosari.

Kwa upande wake, Mwalimu Mkuu Msaidizi wa Shule ya Msingi Nkuhungu, Mwl. Rogathe Makupa alisema kuwa zoezi la chanjo shuleni hapo limekwenda vizuri, ambapo kati ya wanafunzi 2,957, wanafunzi 1,360 ni walengwa wamepatiwa chanjo ya Polio.



“Niwaase wazazi ambao bado watoto wao hawajaweza kupatiwa chanjo, waweze kuwaleta watoto ili waweze kupatiwa chanjo hii ya Polio. Lakini pia kuna wauguzi wanapita mtaani kwa ajili ya zoezi hili zima la chanjo. Kwa hiyo tunaomba

tushirikiane nao katika zoezi zima la kufanikisha utoaji wa chanjo ya Polio,” alisema Mwl. Makupa.

Naye, Diwani wa Kata ya Nkuhungu, Julius Machea alisema kuwa anampongeza Rais wa Jamhuri ya Muungano wa Tanzania, Dkt. Samia Suluhu Hassan kwa kutoa chanjo hizo ili kuwalinda watoto wa taifa la kesho.

“Kwangu mimi, niendelee tu kusititiza wananchi wote, wahudumu, walezi, wazazi, tuendelee kuleta watoto ili waweze kupata chanjo. Watu wote waone umuhimu wa jambo hili kwa uzito," alisema Machea.

Hata hivyo, Mkazi wa Nkuhungu Halmshauri ya Jiji la Dodoma, Rosemary Joseph aliwasihi wazazi ambao bado hawajawapeleka watoto wao kupata chanjo kufanya hivyo, akisisitiza kuwa chanjo ni muhimu katika kuwalinda watoto dhidi ya magonjwa.

“Nawashauri wazazi wenzangu wawapeleke watoto kupata chanjo ili ziweze kuwalinda watoto wetu. Pia ninamshukuru Mungu kwa kutuwezesha kupata chanjo. Pia naishukuru serikali na Mama Samia kwa kuhakikisha chanjo zinawafikia watoto wetu. Kwa kweli nimefurahi kwa sababu nilipomleta mtoto wangu mwingine shuleni, nilielezwa kuwa mtoto huyu pia anaweza kupata chanjo hapa,” alisema Joseph.

Kwa ujumla, serikali imewataka wazazi na walezi katika Wilaya ya Dodoma kutumia fursa hiyo kuhakikisha watoto walio chini ya miaka 10 wanapata chanjo ya Polio, huku ikisisitiza kuwa ushirikiano wa jamii, viongozi na wahudumu wa afya ni muhimu katika kufanikisha kampeni hiyo na kuzuia kurejea kwa ugonjwa huo nchini.

MWISHO

 

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more

Uendelevu wa NGOs wapatiwa msukumo wilayani Dodoma

By Halmashauri ya Jiji la Dodoma
Image
Na. Amoni Sambulila, DODOMA   Halmashauri ya Jiji la Dodoma kupitia Jukwaa la Mashirika Yasiyo ya Kiserikali imeendelea kutoa msukumo kwa mashirika hayo kuimarisha uendelevu wa shughuli na miradi wanayoitekeleza, ili kuhakikisha huduma zinazotolewa zinaendelea kuwa na manufaa kwa jamii kwa muda mrefu.   Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Afisa Maendeleo ya Jamii katika Halmashauri ya Jiji la Dodoma, Ester Erick alisema kuwa uendelevu wa mashirika hayo ni muhimu katika kuhakikisha miradi na huduma zinazotekelezwa kwa ajili ya wananchi zinaendelea kutoa matokeo chanya.   Alisema kuwa katika kipindi cha utekelezaji, jumla ya miradi 30 ilitekelezwa katika maeneo mbalimbali, ikiwemo afya, elimu, utunzaji wa mazingira, msaada wa kisheria pamoja na shughuli zinazohusisha Dawati la Jinsia.   “Jumla ya miradi 30 imetekelezwa katika maeneo ya afya, elimu, utunzaji wa m...
Read more