LAAC yaridhishwa na utekelezaji wa miradi ya maendeleo jijini Dodoma

By Halmashauri ya Jiji la Dodoma

Na. Jesca Kipingu, DODOMA

 

Kamati ya Hesabu za Mamlaka za Serikali za Mitaa (LAAC) imeridhishwa na utekelezaji wa miradi ya maendeleo inayotekelezwa na Halmashauri ya Jiji la Dodoma, huku ikipongeza juhudi zinazofanywa na Halmashauri kuhakikisha miradi hiyo inatekelezwa kwa kuzingatia ubora, thamani ya fedha na mahitaji ya wananchi.



Pongezi hizo zimetolewa leo na Makamu Mwenyekiti wa Kamati ya LAAC, Abdallah Chikota, wakati wa ziara ya kamati hiyo ya kutembelea na kukagua miradi mbalimbali ya maendeleo katika Halmashauri ya Jiji la Dodoma, ikiwemo ujenzi wa barabara ya kiwango cha lami yenye urefu wa kilomita 1.6 inayoelekea Hospitali ya Jiji la Dodoma katika eneo la Nala pamoja na ujenzi wa jengo jumuishi katika Kituo cha Afya Makole, ambalo linajengwa kwa mfumo wa ghorofa.

 

Akizungumza wakati wa ziara hiyo, Chikota aliipongeza Halmashauri ya Jiji la Dodoma kwa namna inavyotekeleza miradi hiyo, akieleza kuwa kamati imeridhishwa na matumizi ya fedha pamoja na ubora wa kazi zinazofanyika.

 

“Tunawapongeza kwa utekelezaji mzuri wa miradi ya maendeleo ambao umezingatia thamani ya fedha iliyotumika. Kwa upande wa barabara, mmejenga kwa kiwango kizuri na cha ubora, huku katika Kituo cha Afya Makole mmeonesha ubunifu mkubwa. Kutokana na ufinyu wa eneo, badala ya kujenga majengo ya kawaida ya chini, mmejenga jengo la ghorofa ambalo linaongeza uwezo wa kituo kutoa huduma na hatimaye kukifanya kiwe na hadhi ya hospitali,” alisema Chikota.

 

Aidha, Chikota alieleza kuwa utekelezaji wa miradi yenye ubora na inayozingatia thamani ya fedha una mchango mkubwa katika kuhakikisha rasilimali za umma zinatumika kwa ufanisi na wananchi wanapata huduma bora. Alisisitiza umuhimu wa Halmashauri kuendelea kusimamia miradi kwa karibu ili kuhakikisha inakamilika kwa wakati na inaleta matokeo yaliyokusudiwa.

 

Awali, akiwasilisha taarifa ya utekelezaji wa miradi hiyo, Kaimu Mkurugenzi wa Jiji la Dodoma, Vincent Odero, alisema ujenzi wa barabara ya kiwango cha lami kuelekea Hospitali ya Jiji la Dodoma – Nala umegharimu Shilingi bilioni 2.874. Alisema mradi huo unalenga kurahisisha usafiri na kuwawezesha wananchi kufika hospitalini kwa urahisi, pamoja na kuboresha mazingira ya utoaji wa huduma za afya katika eneo hilo.

 

Huku  ujenzi wa jengo jumuishi la kutolea huduma katika Kituo cha Afya Makole, Odero alisema mradi huo utakapokamilika utagharimu takribani Shilingi bilioni 6.9, ambazo zinatokana na fedha kutoka Serikali Kuu pamoja na mapato ya ndani ya Halmashauri ya Jiji la Dodoma.

 

Ziara hiyo ya Kamati ya Hesabu za Mamlaka za Serikali za Mitaa (LAAC) inalenga kukagua utekelezaji wa miradi ya maendeleo katika Halmashauri, kujiridhisha kuhusu matumizi sahihi ya fedha za umma, ubora wa miradi na uzingatiaji wa sheria, kanuni, taratibu na viwango vinavyotakiwa katika utekelezaji wa miradi.

Comments

Post a Comment

Popular Posts

Baraza la Madiwani Jiji la Dodoma lapitisha taarifa ya ufungaji hesabu 2025/2026

By Halmashauri ya Jiji la Dodoma
Image
Na. Manase Malima, DODOMA Baraza la Madiwani la Halmashauri ya Jiji la Dodoma limeridhia na kuthibitisha taarifa ya ufungaji wa hesabu za halmashauri za hadi kufikia tarehe 30 Juni, 2026 huku madiwani wakisisitiza umuhimu wa kuendeleza uwazi na uwajibikaji katika uongozi na usimamizi wa fedha za umma. Taarifa hiyo iliwasilishwa katika mkutano maalum wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma, ambapo Mkuu wa kitengo cha Fedha na Uhasibu, CPA. David Rubibira aliwasilisha taarifa hiyo kwa ajili ya kuhakikiwa na kuthibitishwa na baraza. CPA. Rubibira alisema kuwa taarifa za ufungaji wa hesabu za halmashauri kwa tarehe 30 Juni, 2026 ikiwa ni sehemu ya utaratibu wa kuwasilisha taarifa za kifedha kwa ajili ya kuhakikisha kuwa taarifa za halmashauri zinaakisi hali halisi ya matumizi na usimamizi wa fedha. Kwa upande wake, Diwani wa Kata ya Zuzu, Jenesta Malingo alisema kuwa ameridhishwa na taarifa hiyo na anaamini kuwa uwazi katika uwasil...
Read more

Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU   Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo. Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya. “Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri. Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ...
Read more

Baraza la Madiwani Jiji la Dodoma lampongeza Ndejembi kuteuliwa Makamu wa Rais

By Halmashauri ya Jiji la Dodoma
Image
Na. Coletha Charles, DODOMA   Baraza la Madiwani la Halmashauri ya Jiji la Dodoma limempongeza Waziri wa Nishati na Mbunge wa Jimbo la Chamwino, Deogratius Ndejembi kwa kuteuliwa kuwa Makamu wa Rais wa Jamhuri ya Muungano wa Tanzania na Halmashauri Kuu ya Chama Cha Mapinduzi (CCM) tarehe 26 Agosti 2026.   Pongezi hizo zilitolewa na Naibu Meya wa Halmashauri ya Jiji la Dodoma, Bakari Fundikira wakati akiongoza Baraza maalum la Madiwani kwa ajili ya kupokea taarifa ya ufungaji wa hesabu za Halmashauri ya Jiji la Dodoma kwa mwaka ulioishia tarehe 30 Juni, 2026 katika ukumbi wa mikutano wa halmashauri hiyo.   Fundikira alisema kuwa Baraza zima la Madiwani linampongeza Rais wa Jamhuri ya Muungano wa Tanzania, Dkt. Samia Suluhu Hassan kwa kumuamini na kumteua Deogratius Ndejembi kushika nafasi hiyo ya Makamu wa Rais, huku akimtakiwa heri katika utekelezaji wa majukumu yake mapya.   “Lakini pia tutumie nafasi hii kumpongeza Rais, Dkt. Samia Suluhu Hassan kwa u...
Read more