RC Kheri James: Elimu iwe silaha yenu dhidi ya rushwa

By Halmashauri ya Jiji la Dodoma

Na. Muhamad  Said, IRINGA

Mkuu wa Mkoa wa Iringa, Kheri James amewataka wanafunzi wa klabu za wapinga rushwa kutoka mikoa ya Iringa na Dodoma kuwa mstari wa mbele katika mapambano dhidi ya rushwa, akisisitiza kuwa elimu na uadilifu ni msingi muhimu wa kujenga taifa lenye maendeleo endelevu.


Akizungumza katika mdahalo wa klabu za wapinga rushwa za shule za msingi na sekondari unaofanyika katika Ukumbi wa Shule ya Sekondari Lugalo, amewahimiza wanafunzi kutambua madhara ya rushwa na kuanza mapema kujenga utamaduni wa kuikataa, akieleza kuwa kizazi cha leo ndicho kitakachobeba dhamana ya uongozi na maendeleo ya taifa hapo baadaye.

 

Alisisitiza kuwa suala la kupinga rushwa linapaswa kupigwa vita na watu wote wakiwemo wanafunzi, akiongeza kuwa vijana wanapaswa kuwa mabalozi wa uadilifu katika shule zao, familia na jamii kwa ujumla kwa kukataa vitendo vya rushwa na kuhamasisha wenzao kusimamia haki na uwajibikaji.

 

Aidha, Mkuu huyo wa Mkoa aliwataka wanafunzi kutumia midahalo kama fursa ya kujenga maarifa, kujiamini na kubadilishana mawazo, badala ya kuiona kama uwanja wa kushindana kwa namna inayoweza kuwagawa akisema kuwa ushindani unaofaa katika midahalo ni ule unaojenga uwezo wa kufikiri, kujenga hoja na kujifunza kutoka kwa wengine.

 


“Msishindane kwa lengo la kumshinda mwenzenu tu, shindaneni kwa lengo la kujifunza, kubadilishana maarifa na kujenga uwezo wa kufikiri. Mshindi wa kweli ni yule anayepata maarifa zaidi” alisema Kheri.

 

Alihitimisha kwa kusema kuwa taifa linahitaji kizazi cha vijana wenye maarifa na misingi imara ya maadili ambao watakapokuwa viongozi, wataalamu na watendaji katika sekta mbalimbali watasimamia rasilimali za nchi kwa uaminifu na kuweka mbele maslahi ya watanzania. 


Comments

Post a Comment

Popular Posts

Baraza la Madiwani Jiji la Dodoma lapitisha taarifa ya ufungaji hesabu 2025/2026

By Halmashauri ya Jiji la Dodoma
Image
Na. Manase Malima, DODOMA Baraza la Madiwani la Halmashauri ya Jiji la Dodoma limeridhia na kuthibitisha taarifa ya ufungaji wa hesabu za halmashauri za hadi kufikia tarehe 30 Juni, 2026 huku madiwani wakisisitiza umuhimu wa kuendeleza uwazi na uwajibikaji katika uongozi na usimamizi wa fedha za umma. Taarifa hiyo iliwasilishwa katika mkutano maalum wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma, ambapo Mkuu wa kitengo cha Fedha na Uhasibu, CPA. David Rubibira aliwasilisha taarifa hiyo kwa ajili ya kuhakikiwa na kuthibitishwa na baraza. CPA. Rubibira alisema kuwa taarifa za ufungaji wa hesabu za halmashauri kwa tarehe 30 Juni, 2026 ikiwa ni sehemu ya utaratibu wa kuwasilisha taarifa za kifedha kwa ajili ya kuhakikisha kuwa taarifa za halmashauri zinaakisi hali halisi ya matumizi na usimamizi wa fedha. Kwa upande wake, Diwani wa Kata ya Zuzu, Jenesta Malingo alisema kuwa ameridhishwa na taarifa hiyo na anaamini kuwa uwazi katika uwasil...
Read more

Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU   Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo. Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya. “Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri. Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ...
Read more

Baraza la Madiwani Jiji la Dodoma lampongeza Ndejembi kuteuliwa Makamu wa Rais

By Halmashauri ya Jiji la Dodoma
Image
Na. Coletha Charles, DODOMA   Baraza la Madiwani la Halmashauri ya Jiji la Dodoma limempongeza Waziri wa Nishati na Mbunge wa Jimbo la Chamwino, Deogratius Ndejembi kwa kuteuliwa kuwa Makamu wa Rais wa Jamhuri ya Muungano wa Tanzania na Halmashauri Kuu ya Chama Cha Mapinduzi (CCM) tarehe 26 Agosti 2026.   Pongezi hizo zilitolewa na Naibu Meya wa Halmashauri ya Jiji la Dodoma, Bakari Fundikira wakati akiongoza Baraza maalum la Madiwani kwa ajili ya kupokea taarifa ya ufungaji wa hesabu za Halmashauri ya Jiji la Dodoma kwa mwaka ulioishia tarehe 30 Juni, 2026 katika ukumbi wa mikutano wa halmashauri hiyo.   Fundikira alisema kuwa Baraza zima la Madiwani linampongeza Rais wa Jamhuri ya Muungano wa Tanzania, Dkt. Samia Suluhu Hassan kwa kumuamini na kumteua Deogratius Ndejembi kushika nafasi hiyo ya Makamu wa Rais, huku akimtakiwa heri katika utekelezaji wa majukumu yake mapya.   “Lakini pia tutumie nafasi hii kumpongeza Rais, Dkt. Samia Suluhu Hassan kwa u...
Read more