Wananchi watakiwa kufanya usafi kila siku kuweka Dodoma safi

By Halmashauri ya Jiji la Dodoma

Na. Leah Mabalwe, DODOMA

Wananchi na wafanyabiashara katika Halmashauri ya Jiji la Dodoma wametakiwa kufanya usafi kila siku katika maeneo yao badala ya kusubiri siku ya jumamosi ya mwisho wa wiki ili kuhakikisha mazingira yanakuwa safi, salama na rafiki kwa afya za jamii.



Wito huo ulitolewa na Meneja Kanda Namba Moja, Nicholaus Mitembo mara baada ya kushiriki zoezi la usafi wa pamoja katika Soko la Miembeni Jijini Dodoma, ambapo amesisitiza kuwa usafi si jukumu la mamlaka pekee bali ni wajibu wa kila mwananchi na mfanyabiashara.

 

Alisema kuwa msisitizo huo unatokana na kauli iliyotolewa na Mkuu wa Mkoa wa Dodoma, Rosemary Senyamule katika kikao na Maafisa Mazingira pamoja na maafisa afya ambapo alisisitiza kuwa kufanya usafi siku ya Jumamosi pekee haitoshi. “Usafi wa Jumamosi pekee hautoshi. Kila mwananchi na mfanyabiashara ana wajibu wa kushiriki katika usafi kila siku. Niwasihi wananchi wote pamoja na wafanyabiashara tusisubiri siku ya Jumamosi pekee, bali tuwe tunafanya usafi kila siku katika maeneo yetu ili kuhakikisha tunakuwa na mazingira safi na salama,” alisema Mitembo.

 

Kwa upande wake, mfanyabiashara wa Soko la Miembeni, Saida Shabani alisema kuwa wana wajibu wa kuhakikisha maeneo ya biashara zao yanakuwa safi wakati wote kwasababu mazingira safi ni sehemu muhimu ya kuwavutia wateja. “Tumefanya usafi katika eneo letu hapa Korongoni, sokoni lakini naomba nitoe wito kwa wafanyabiashara wenzangu tufanye usafi kila siku. Haya ndiyo maeneo yetu ya kazi, hivyo tukiyaacha yakiwa machafu na mazingira yakiwa mabovu, wateja hawatafika. Tujitahidi kufanya usafi kila siku katika maeneo yetu ya kazi pamoja na maeneo yetu ya nyumbani” alisema Shabani.

 

Ushirikiano wa wananchi, wafanyabiashara na wadau mbalimbali katika kuzingatia usafi wa mazingira unatarajiwa kuendelea kuwa msingi wa kulifanya Jiji la Dodoma kuwa safi, salama na lenye mazingira bora kwa wakazi, wafanyabiashara na wageni.





Comments

Post a Comment

Popular Posts

Baraza la Madiwani Jiji la Dodoma lapitisha taarifa ya ufungaji hesabu 2025/2026

By Halmashauri ya Jiji la Dodoma
Image
Na. Manase Malima, DODOMA Baraza la Madiwani la Halmashauri ya Jiji la Dodoma limeridhia na kuthibitisha taarifa ya ufungaji wa hesabu za halmashauri za hadi kufikia tarehe 30 Juni, 2026 huku madiwani wakisisitiza umuhimu wa kuendeleza uwazi na uwajibikaji katika uongozi na usimamizi wa fedha za umma. Taarifa hiyo iliwasilishwa katika mkutano maalum wa Baraza la Madiwani uliofanyika katika ukumbi wa mikutano wa Halmashauri ya Jiji la Dodoma, ambapo Mkuu wa kitengo cha Fedha na Uhasibu, CPA. David Rubibira aliwasilisha taarifa hiyo kwa ajili ya kuhakikiwa na kuthibitishwa na baraza. CPA. Rubibira alisema kuwa taarifa za ufungaji wa hesabu za halmashauri kwa tarehe 30 Juni, 2026 ikiwa ni sehemu ya utaratibu wa kuwasilisha taarifa za kifedha kwa ajili ya kuhakikisha kuwa taarifa za halmashauri zinaakisi hali halisi ya matumizi na usimamizi wa fedha. Kwa upande wake, Diwani wa Kata ya Zuzu, Jenesta Malingo alisema kuwa ameridhishwa na taarifa hiyo na anaamini kuwa uwazi katika uwasil...
Read more

Wilaya ya Dodoma kuchanja watoto zaidi ya laki 2 chanjo ya Polio

By Halmashauri ya Jiji la Dodoma
Image
Na. Coletha Charles, NKUHUNGU   Wilaya ya Dodoma imejipanga kuchanja watoto 207,096 chini ya miaka 10 dhidi ya ugonjwa wa Polio, sawa na asilimia 21 ya lengo la mkoa mzima, ikiwa ni utekelezaji wa kampeni ya kitaifa ya kujikinga na mlipuko wa ugonjwa huo. Akizungumza wakati wa uzinduzi wa kampeni hiyo, iliyofanyika katika Shule ya Msingi Nkuhungu, Kata ya Nkuhungu Halmshauri ya Jiji la Dodoma Mkuu wa Wilaya ya Dodoma, Alhaj Jabir Shekimweri alisema kuwa wilaya hiyo imekamilisha maandalizi yote ya kimkakati kupitia vikao vya ngazi tatu wataalamu, makundi ya hamasa na Kamati ya Afya ya Msingi ya Wilaya. “Waliopewa kazi ya kuhamasisha, wafanye kazi hiyo ya uhamasishaji kikamilifu. Na kwa bahati njema, kama ambavyo tumeona hapa, wanatoka kwenye ngazi ya jamii, kwa hiyo wanafahamu namna ya kushirikiana na jamii. Tumepewa lengo la kuchanja watoto 207,096,” alisema Alhaj Shekimweri. Alitumia nafasi hiyo kubainisha kuwa nchi haina mgonjwa wa Polio kwa sasa, hatua hiyo ni maelekezo ...
Read more

Wafanyabiashara Soko la Miembeni Waazimia Kulinda Usafi

By Halmashauri ya Jiji la Dodoma
Image
Na. Mohammed Ramadhani, DODOMA Wafanyabiashara wa Soko la Miembeni jijini Dodoma wameahidi kuendelea kuimarisha usafi wa mazingira katika maeneo yao ya biashara, wakieleza kuwa hatua hiyo ni muhimu katika kulinda afya na ustawi wa jamii. Akizungumza na waandishi wa habari, Katibu wa Soko la Miembeni, Adelgot Mbwani alisema kuwa uongozi wa soko unaendelea kuwahamasisha wafanyabiashara kufanya usafi mara kwa mara na kuhakikisha kila mmoja anawajibika kutunza mazingira yanayomzunguka katika eneo lake la biashara. Aliongeza kuwa juhudi hizo pia zinaendana na msisitizo wa serikali wa kuhakikisha miji na maeneo ya biashara yanakuwa safi, hivyo wafanyabiashara wataendelea kushiriki kikamilifu katika kampeni za usafi. “Tumekuwa tukiwahamasisha wafanyabiashara wetu kufanya usafi mara kwa mara na kuwasisitizia kuwa usafi ni jukumu lao katika maeneo yao ya kazi, kama ambavyo Mheshimiwa Rais anavyosisitiza kuwa majiji yote yawe safi,” alisema Mbwani. Kwa upande wake, Katibu wa Soko la Wauza ...
Read more