Meya Chaula: Kanda za utoaji huduma kusogeza huduma kwa wananchi Dodoma

By Halmashauri ya Jiji la Dodoma

Na. Mwandishi wetu, MAKUTUPORA

Uanzishwaji wa kanda za utoaji huduma katika Halmashauri ya Jiji la Dodoma ni mkakati unaolenga kusogeza huduma karibu zaidi na wananchi, kuongeza ufanisi wa utendaji kazi na kuharakisha maendeleo katika maeneo yote ya jiji.


Akizungumza katika mkutano wa hadhara uliofanyika jijini Dodoma, Mstahiki Meya wa Jiji la Dodoma, Alimwoni Chaula  alisema kuwa mfumo wa kanda utarahisisha upatikanaji wa huduma mbalimbali za halmashauri, kupunguza muda wa wananchi kufuata huduma katika makao makuu ya jiji na kuongeza uwajibikaji kwa watendaji.

Chaula ambae ni Diwani wa Kata ya Makutupora alisema kuwa kata hiyo ipo katika Kanda Namba Sita hivyo,  wananchi watapata huduma kwa urahisi zaidi, zikiwemo huduma za usafi wa mazingira, ukusanyaji wa mapato, usimamizi wa miradi ya maendeleo, pamoja na kushughulikia changamoto zinazojitokeza katika maeneo yao kwa wakati.

“Madhumuni ya uanzishwaji wa kanda hizi ni kuhakikisha kila mwananchi anapata huduma bora bila kulazimika kusafiri umbali mrefu. Tunataka kuimarisha ushirikiano kati ya viongozi na wananchi ili maendeleo yafike kwa kila mmoja,” alisema Chaula.

Aidha, aliwataka wananchi kushirikiana na viongozi wa kanda, kulinda miundombinu ya umma na kushiriki katika shughuli za maendeleo ili kufanikisha malengo ya kuboresha utoaji wa huduma ndani ya Jiji la Dodoma.



Kwa upande wake mkazi wa Kata ya Makutupora, Godfrey Kimario alisema kuwa kanda hizo zimewarahisishia wao kupata huduma kwasababu walikuwa wakilazimika kusafirisi  umbali mrefu hadi ofisi za jiji kufuata huduma mfano, kulipa tuu leseni na ushuru wa huduma lakini sasa ni rahisi kwasababu kanda ipo karibu nao.

“Tunaishukuru ofisi ya mkurugenzi kwa kusogeza huduma kupitia kanda maana sasa maafisa biashara wanapita katika mitaa yetu kwaajili ya kukusanya tozo mbalimbali tofauti na hapo awali ambapo tulilazimika kwenda hadi jiji” alisema Kimario

Mkutano huo ulihudhuriwa na viongozi wa serikali za mitaa, watendaji wa halmashauri, pamoja na wananchi wa Kata ya Makurupora ambapo walielezwa utekelezaji wa mfumo wa kanda utasaidia kupunguza msongamano wa wananchi wanaofuata huduma katika ofisi za makao makuu ya halmashauri na kuongeza kasi ya utatuzi wa kero za wananchi.





 

Comments

Post a Comment

Popular Posts

Barabara za Mtaa wa Mbwanga yafunguliwa, Diwani Kerenge aitaja kuwa chachu ya maendeleo

By Halmashauri ya Jiji la Dodoma
Image
Na. Mwandishi wetu, Dodoma Wakazi wa Mtaa wa Mbwanga katika Kata ya Mnadani wanatarajia kunufaika na usafiri rahisi, kuimarika kwa shughuli za biashara na kuongezeka kwa fursa za maendeleo kufuatia ufunguzi wa barabara za mtaa katika uboreshaji wa miundombinu kwa ajili ya maisha bora ya wananchi. Akizungumza wakati wa hafla ya ufunguzi wa barabara hiyo, iliyofanyika katika moja ya barabara hizo, Diwani wa Kata ya Mnadani, Mugendi Kerenge alisema kuwa uboreshaji wa miundombinu ya barabara ni nguzo muhimu ya maendeleo kwa kuwa unarahisisha usafirishaji wa watu na bidhaa, kuchochea biashara na kuongeza upatikanaji wa huduma za kijamii. “Kukamilika kwa barabara zaidi ya kilomita 14 zimefunguliwa   hii ni hatua muhimu katika safari ya maendeleo ya Kata ya Manadani. Itaondoa changamoto zilizokuwa zikiwakabili wananchi, hasa wakati wa mvua, na kufungua fursa zaidi za kiuchumi kwa wakazi wa Mbwanga na maeneo jirani. Natoa shukrani kwa Mkurugenzi wa Jiji la Dodoma kwa kutuwezesha kufani...
Read more

Kanda Namba Tatu yaimarisha ushirikiano na wamiliki wa vituo vya malezi ya watoto Dodoma

By Halmashauri ya Jiji la Dodoma
Image
Na. Mwandishi wetu, DODOMA Uongozi wa Kanda Namba Tatu umefanya kikao na wamiliki wa vituo vya malezi ya watoto (Daycare) vinavyopatikana ndani ya kanda hiyo kwa lengo la kuimarisha utoaji wa huduma za malezi na maendeleo ya watoto. Akizungumza katika kikao hicho kilihofanyika katika Ofisi ua Kanda, Meneja wa Kanda Namba Tatu, CPA. Christina Changwala aliwataka wamiliki wa vituo hivyo kuhakikisha wanatoa malezi yanayozingatia maadili, mila na tamaduni za kitanzania ili kujenga kizazi chenye maadili mema na chenye mchango chanya katika maendeleo ya taifa.   Aidha, aliwahimiza wamiliki wa vituo hivyo kuhakikisha wanakamilisha usajili wa vituo vyao ili vitambulike rasmi na viweze kuingizwa katika mifumo ya serikali ili kurahisisha usimamizi na utoaji wa huduma kwa mujibu wa sheria na taratibu. Wamiliki hao pia walikumbushwa umuhimu wa kutimiza wajibu wa kulipa kodi na tozo mbalimbali zinazotozwa na Halmashauri ya Jiji la Dodoma pamoja na mamlaka nyingine husika, kwa wakati kwa k...
Read more

BANDA YA JIJI LA DODOMA LATOA TEKNOLOJIA UFUGAJI SAMAKI NA KUKU PAMOJA

By Halmashauri ya Jiji la Dodoma
Image
Na. Dennis Gondwe, NZUGUNI WANANCHI wa Halmashauri ya Jiji la Dodoma wamehamasishwa kujifunza teknolojia ya ufugaji wa samaki na kuku kwa pamoja ili kujiongezea kipato. Afisa Uvuvi katika Halmashauri ya Jiji la Dodoma, Tausi Kiula Hamasa hiyo ilitolewa na Afisa Uvuvi katika Halmashauri ya Jiji la Dodoma, Tausi Kiula alipokuwa akihamasisha ufugaji wa pamoja wa samaki na kuku kwa wananchi waliotembelea banda la mifugo la Halmashauri ya Jiji la Dodoma. Kiula alisema “tunawahamasisha wananchi wote waje wajifunze katika bwawa letu hapa. Kama unavyoona teknolojia nzuri ya kisasa ambayo unapoiona unahamasika. Unachimba bwawa la samaki kisha unajenga kibanda cha kuku kwa juu yake ili kuku wakiwa wanajisaidia kinyesi kinadondoka katika bwawa la samaki na kusaidia ‘fertilization’ kwa kuweka mbolea inayobadilisha maji kuwa ya kijani na kutengeneza chakula cha samaki”. Akiongelea umuhimu wa ufugaji huo alisema kuwa unawahakikishia samaki chakula bora. “Maji yanapobadilika kwenda rangi ya k...
Read more